Fréttablaðið - 30.05.2005, Page 19

3MÁNUDAGUR 30. maí 2005
Aðlaðandi svalir eru
mikil prýði
Með því að flísaleggja svalirn-
ar verður viðhald minna.
Gæta verður þess að velja
frostþolnar flísar.
Svalagólf geta verið vandamál,
sértaklega þar sem steypan er að
skemmast og málningin að flagna
af sem gerir þær mjög ljótar.
Margar leiðir eru til að gera
svalagólfið huggulegra og þess
eðlis að maður njóti þessi betur að
vera úti á svölum á góðum degi.
Langflestir mála svalagólf, en það
kallar á reglulegt viðhald og best
er að nota vatnsmálningu sem
gefur matta áferð. Lakk á svala-
gólfum á það til að hlaupa upp og
flagna af, þannig að vatn getur
safnast saman undir málninguna
sem veldur steypuskemmdum.
Góð og varanleg lausn er að
flísaleggja svalirnar, en þær er
einfalt að þrífa og á sumrin er
hægt að ryksuga þær og skúra um
leið og gólfin í íbúðinni eru tekin í
gegn. „Ekki er hægt að setja
hvaða flísar sem er á svalir því
þær verða að vera frostþolnar,
annars springa þær og skemm-
ast,“ segir Gunnþór Jónsson í
Flísabúðinni á Stórhöfða. Best
segir hann að fólk spyrjist fyrir
um í versluninni áður en það
kaupir flísarnar hvort þær henti á
svalir. „Vinsælast hjá okkur eru
grófkornóttar flísar í látlausum
litum í gráum og brúnum tónum,“
segir Gunnþór en í raun er hægt
að notast við hvaða liti og form
sem er, svo lengi sem flísarnar
þoli frostið.
Virðir minnisvarða
fórnarlambanna
Hönnun „Cultural Center“ sem
rísa mun á staðnum þar sem Tví-
buraturnarnir stóðu var opin-
beruð í síðustu viku.
Hönnun annarrar af tveim
menningarbyggingum á staðn-
um þar sem World Trade Center
stóð, sem eyðilagðist í hryðju-
verkaárásum 11. september árið
2001 eins og flestir muna, var
opinberuð í síðustu viku í New
York.
Byggingin hefur fengið
vinnuheitið „Cultural Center“
eða menningarmiðstöð og var
hönnuð af norska fyrirtækinu
Snøhetta. Í húsinu mun vera The
Drawing Center sem mun hýsa
listaverk af ýmsu tagi og nýtt
safn sem heitir International
Freedom Center. Hönnun hinnar
byggingarinnar, leiklistarbygg-
ingar Franks Gehry, verður sýnd
seinna.
„Cultural Center“ mun verða
staðsett í norðausturhorni minn-
ingartorgsins þar sem fórnar-
lamba árásanna er minnst en
byggingin var hönnuð til að
trufla minnisvarðann sem
minnst. „Cultural Center“ verð-
ur lág og lárétt bygging og með
útsýni yfir Greenwich Street í
austri og minnisvarðann í vestri.
Meirihluti byggingarinnar
hangir á stuðningsuppbyggingu
á þakinu en skábraut leiðir gesti
frá jarðhæð upp í sýningar- og
samkomusali á hæðinni fyrir
ofan.
Fyrsta skóflustungan af
„Cultural Center“ verður vænt-
anlega tekin árið 2007.
lilja@frettabladid.is
Svalirnar undirbúnar
fyrir flísalögnina. Það
þarf að þrífa gólfið vel
og slétta allar glufur.
Mikilvægt er að finna
miðjulínu áður en hafist
er handa og leggja flís-
arnar eftir henni.
Allar flísar komnar á
sinn stað og útkoman
sannarlega glæsileg.FR
ÉT
TA
B
LA
Ð
IÐ
/K
EV
A
George E. Pataki, ríkisstjóri New York, dáist að nýju hönnuninni.
Graig Dykers útskýrir hvernig gestir „Cultural Center“ ganga upp skábraut til að komast
inn í sýningar- og samkomusal byggingarinnar.
FR
ÉT
TA
B
LA
Ð
IÐ
/G
ET
TY