Fréttablaðið - 10.08.2005, Side 36

MIÐVIKUDAGUR 10. ÁGÚST 2005 MARKAÐURINN12
H É Ð A N O G Þ A Ð A N
Eskimo skiptist í tvær deildir; Eskimo sem er
umboðsskrifstofa fyrir fyrirsætur af báðum
kynjum og Casting sem sérhæfir sig í að
finna fólk í auglýsingar og kvikmyndir.
Eskimo og Casting voru upphaflega tvö
fyrirtæki og kom Andrea úr Casting-hlutan-
um, stofnaði fyrirtækið ásamt Jóni Þór
Hannessyni í Sagafilm árið 1998: „Ég byrjaði
hjá Sagafilm sem prufuleikstjóri. Jón Þór,
eigandi Sagafilm, kom svo einhvern tíma til
mín og stakk upp að við stofnuðum Casting,
og var hugsunin sú að finna fólk í bíómyndir
og auglýsingar. Ég lét slag standa og síðan
hefur þetta þróast.“
Fyrirtækin tvö sameinuðust árið 2000 og
tóku sér nafnið Eskimo Group. Andrea er
einn eigenda fyrirtækisins ásamt Ástu Krist-
jánsdóttur sem á sínum tíma stofnaði Eskimo
Models og Bjarneyju Lúðvíksdóttur. Þá eiga
Sagafilm og breska fjárfestingarfélagið ESS
einnig í fyrirtækinu.
Andrea þekkir þennan bransa út og inn
enda var hún sjálf fyrirsæta á árum áður: „Ég
er búin að vera í þessum bransa í 21 ár og
spyr stundum sjálfa mig hvernig ég hafi enst
svona lengi. Þetta hlýtur bara að vera svona
rosalega gaman“.
STÓR NÖFN
Eskimo hefur unnið að mörgum stórum verk-
efnum bæði hér heima og erlendis. Meðal
annars hefur það séð um að útvega leikara
fyrir erlendar stórmyndir á borð við Tomb
Raider, Batman Begins, James Bond og síðast
en ekki síst nýjustu stórmynd
Clints Eastwood og
Stevens Spielberg, Flags
of Our Fathers, en tökur á
henni hefjast hinn 13. ágúst
næstkomandi í Sandvík: „Það þurfti
að finna sex hundruð aukaleikara fyrir mynd-
ina og sáum við um þá vinnu. Hlutverkin eru
mjög misstór en einhverjir íslenskir leikarar
koma til með að fá setningar í myndinni.“
Það er þó ekki síður mikið að gera hjá
Andreu við auglýsingagerð. Í hópi viðskipta-
vina Eskimo Casting eru mörg þekkt stórfyrir-
tæki; nægir þar að nefna símafyrirtækin
Sony-Ericsson og Nokia, Sony Playstation og
glæsijeppaframleiðandann Hummer. Þá hefur
Eskimo aðstoðað við herferðir tískufyrirtækja
á borð við Levi’s, Timberland og Vero Moda:
„Fólk veit kannski ekki af því en flest stærstu
og þekktustu vörumerki heims hafa komið
hingað til lands og tekið auglýsingar.“
GRÍÐARLEG LANDKYNNING
Andrea segir gífurlega landkynningu felast í
því þegar erlendar stórmyndir eða auglýsing-
ar eru teknar upp hér á Íslandi. Þegar James
Bond-myndin Die Another Day var tekin upp
hér á landi komu til að mynda þrjú hundruð
manns að utan til að vinna við myndina: „Það
munar um minna. Við þetta koma gríðarlegir
peningar inn í hagkerfið. Við sjáum strax
mikinn mun á eftirspurn og áhuga á Íslandi
þegar þessar stórmyndir koma út.“
Hlutverk Andreu og félaga er fyrst og
fremst að mæla með fólki í hlutverk. Á
gagnagrunni fyrirtækisins eru um fjögur
þúsund skjólstæðingar: „Það fer eftir því
hversu stórt nafn á í hlut hvort við vinnum
með leikstjóranum sjálfum. Við fáum oftar
en ekki handritið að myndinni í hendurnar,
síðan snýst þetta bara um að finna réttu
andlitin og rétta leikara fyrir hvert hlutverk.
Það eru margir til kallaðir en fáir útvaldir.“
Þegar um stærri verkefni er að ræða eru
starfsmenn fyrirtækins á tökustað og sjá til
þess að allt gangi vel fyrir sig:
„Svona stórmyndir ganga
eins og vel smurðar
maskínur. Við tökur á Die
Another Day voru til að
mynda mörg hundruð manns að
vinna saman, þannig að það má sjá að þetta er
stórt og mikið batterí. Okkar hlutverk á töku-
stað er oftast nær að halda
utan um okkar fólk og sjá til
þess að enginn sé óánægð-
ur.“
HORFA TIL KÍNA OG IND-
LANDS
Eskimo er með skrifstofur í
sex löndum; á Íslandi, Tékk-
landi, Slóvakíu, Brasilíu,
Indlandi og í Rússlandi:
„Eskimo hefur verið í Síber-
íu í Rússlandi frá 1997. Við
erum með 25 módel frá
Síberíu og um fimmtíu til
viðbótar í þjálfun. Hin lönd-
in hafa síðan smám saman
bæst við. Nú síðast Indland.
Það má með sanni segja að
við séum orðin hálfgert
heimsfyrirtæki.“
Andrea segir að á skrá
Eskimo séu nokkrar fyrir-
sætur í toppklassa: „Hinni
brasilísku Solange hefur til
að mynda vegnað mjög vel,
hefur verið í herferð hjá ekki
ómerkari hönnuði en Gucci. Síðan mætti
nefna Vlödu frá Slóvakíu og auðvitað hana
Eddu Pétursdóttur, sem hefur verið að gera
frábæra hluti úti í New York.“
Eskimo horfir til Indlands, þar sem ný-
verið var sett upp skrifstofa, og Kína sem
sinna tveggja framtíðarmarkaða: „Horfa ekki
allir til Kína? Þar virðast hlutirnir vera að
gerast. Ásta Kristjánsdóttir er á leiðinni
þangað að kanna jarðveginn og athuga hvaða
dyr standa okkur opnar.“
BYGGJA EKKI UPP FALSVONIR
Hjá Eskimo starfa nú 25 til 30 manns víðs
vegar um heiminn. Andrea segir frekari vöxt
á dagskránni: „Við ætlum að styrkja böndin
við Indland enn frekar. Það er mesta kvik-
myndaframleiðsluland í heimi þannig að þar
liggja gríðarleg tækifæri.
Þeir vilja gera sínar myndir
hratt og með litlum tilkostn-
aði. Við viljum vera milli-
gönguaðili milli indverskra
framleiðslufyrirtækja og ís-
lenskra.“
Indverjar hafa hingað til
tekið upp margar mynda
sinna í Sviss en íslenska
sumarið ætti að henta ind-
verskum framleiðendum
vel, enda bjart allan sólar-
hringinn: „Svo spillir ekki
fyrir að skattaumhverfi hér
á landi er hagstætt kvik-
myndagerðamönnum,“ bæt-
ir Andrea við.
Eskimo horfir þó ekki að-
eins austur á bóginn heldur
hyggjast Andrea og félagar
herja á Þýskalandsmarkað:
„Það virðist vera mikill
áhugi fyrir íslenskum leik-
urum í Þýskalandi. Við
hyggjumst skoða þann
möguleika frekar og fara til
Þýskalands með nokkra af okkar bestu leik-
urum.“
Margir ungir Íslendingar ganga um með
frægðardrauma í maganum og dreymir
eflaust um að feta í fótspor fyrirsæta á borð
við Eddu Pétursdóttur og arka um stræti
stórborga í fatnaði frá frægustu hönnuðum
heims.
Andrea segir þó að foreldrar þurfi ekki að
hafa áhyggjur af börnunum sínum: „Við
tökum ekki fyrirsætur upp á okkar arma
nema við séum viss um að þær komi til með
að fá verkefni. Við stöndum ekki í því að
byggja upp falsvonir hjá ungu fólki.“
Hádegisverður fyrir tvo
á Jómfrúnni
Rækjupýramídi
Rauðspretta
Roast beef
Bombay-kjúklingur
Drykkir:
Þrjár Egils kristall í gleri
Alls krónur: 4.380
▲
H Á D E G I S V E R Ð U R I N N
Með Andreu
Brabin
framkvæmdastjóra Eskimo Models
Vonbrigði
og draumar
Aurasálin hefur skrifað ritstjórum
Frjálsrar verslunar og DV harð-
ort bréf og kvartað yfir því hafa
ekki verið á lista tekjuhæstu
fjölmiðlamanna landsins. Á list-
anum eru nefndir hinir og þessir
fjölmiðla- og ljósvakamenn sem
fáir kannast við og hafa ekkert
gert annað en að setjast í stjórn
Blaðamannafélagsins.
Það var sett saman skotheld áætl-
un til þess að komast inn á þenn-
an lista, enda að miklu að keppa.
Hver vill ekki fá nafnið sitt birt
í blöðunum? Aurasálin hefur
verið með um fjórar milljónir í
árslaun síðustu árin fyrir hin og
þessi störf. Til þess að gull-
tryggja sér sæti á listanum yfir
tekjuhæstu fjölmiðlamennina
ákvað Aurasálin að skila ekki
inn skattframtali.
Það er nefnilega almannarómur
að sá sem skilar ekki inn skatt-
framtali fær á sig þrefalda áætl-
un. Í tilviki Aurasálarinnar var
reiknað með því að Skattmann
myndi áætla að hún hefði haft
tólf milljónir króna í laun á síð-
asta ári. Áætlunin gekk auðvitað
út á það að samviskusamur
blaðasnápur leitaði uppi Aura-
sálina í skrám skattstjórans og
reiknaði út að mánaðarlaun
hennar væru hvorki meira né
minna en ein milljón króna á
mánuði. Eflaust væri það Ís-
landsmet í tilviki fjölmiðla-
manns.
Þá hefðu allir vinir Aurasálarinn-
ar gengið upp að henni, klappað
á bakið og sagt með öfundarsvip:
„Helvíti eru menn að gera góða
hluti í blaðamennskunni.“
Aurasálin var með varaáætlun í
huga ef samviskusami blaða-
snápurinn hefði ekki flokkað
hana í réttan hóp. Hún hefði þá
komist á lista fjármálasérfræð-
inga og bankamanna, sem einn
helsti peningagúrú þjóðarinnar.
Eflaust hefði hún vermt neðsta
sætið. Hvað um það. Betri er
slæm auglýsing en engin. Þá
hefðu vinir hennar gengið upp á
henni og sagt með vorkunnar-
svip: „Helvíti var árið erfitt hjá
þér.“
Því miður er ekki hægt að treysta
á íslenska fjölmiðla nú frekar en
fyrri daginn. Vonir og þrár
Aurasálarinnar urðu að engu
þegar Tekjublaðið kom út og
hefur annað eins hneyksli ekki
sést í langan tíma. Aurasálin er
þó ekki af baki dottin og ætlar
að leika sama leik á næsta ári.
Nema að þá verður haft sam-
band við ritstjórana áður en
skrárnar verða birtar. Ef aðrir
muna ekki eftir þér, þá verður
þú bara að minna á þig. Þeir
fiska sem róa. Með það í huga
getur Aurasálin kært álagningu
Skattmanns með bros á vör.
A U R A S Á L I N
Andrea Brabin
Fæðingardagur: 25. desember 1968
Börn: Eva Lena sjö ára, Dagur tveggja ára
ANDREA BRABIN, FRAMKVÆMDASTJÓRI ESKIMO MODELS Andrea segir nokkrar toppfyrirsætur á skrá hjá Eskimo:
„Hinni brasilísku Solange hefur til að mynda vegnað mjög vel, hefur verið í herferð hjá ekki ómerkari hönnuði en Gucci“.
„Við ætlum að styrkja böndin við Indland enn frekar. Það er mesta
kvikmyndaframleiðsluland í heimi þannig að þar liggja gríðarleg
tækifæri. Þeir vilja gera sínar myndir hratt og með litlum tilkostnaði.
Við viljum vera milligönguaðili milli íslenskra framleiðslufyrirtækja
og íslenskra.“
„Hlýtur að vera svona gaman“
Eskimo Models er umboðsskrifstofa fyrirsæta auk þess að sérhæfa sig í að finna fólk í auglýsingar og
kvikmyndir. Fyrirtækið rekur útibú í sex löndum og hyggur á frekari útrás. Jón Skaftason og
Andrea Brabin, framkvæmdastjóri Eskimo, fengu sér hádegisverð á Jómfrúnni.
Fr
ét
ta
bl
að
ið
/V
ilh
el
m