Fréttablaðið - 03.12.2005, Qupperneq 66

3. desember 2005 LAUGARDAGUR46
STEFÁN JÓN HAFSTEIN
BORGARFULLTRÚI
Svarið sem kemur alveg í hvelli
án umhugsunar er: 1) sjónvarpið,
2) fólkið í Hér og nú og Séð og
heyrt, 3) stjórnmálamenn. En hið
heimspekilega svar er auðvitað
það sem kemur fram í þeirri
furðulega lélegu skáldsögu, en
ágætu handbók: Munkurinn sem
seldi mótorhjólið sitt. Nokkurn
veginn það, að allt sem ekki snýst
um að rækta garðinn sinn, sé
stórlega ofmetið. Hryggilegt að
vita að það á við um næstum allt
sem við gerum.
HERMANN GUNNARSSON
FJÖLMIÐLAMAÐUR
Það sem langmest er ofmetið í
okkar jarðneska lífi er veraldlegt
ríkidæmi, sem oftar en ekki leiðir
af sér hroka og sýndarmennsku,
sem reynist flestum illa og slæmt
að hafa í farteskinu! Já, blessaður
og elskulegur kærleikurinn er
ekki falur fyrir peninga, frekar en
ástin! Sagt er að margur verði af
aurum api.
STEINUNN SIGURÐARDÓTTIR
RITHÖFUNDUR
Að eiga meira en eitt þak yfir
höfuðið, því vandi fylgir fasteign
hverri. Er ekki nær fyrir önnum
kafið fólk að eyða frístundunum
í eitthvað annað en að lappa upp
á þak númer tvö og þrjú, þegar
leigumöguleikar eru nægir, heima
og heiman. Og það er sama hvað
fólk er ríkt, það getur ekki sofið
nema á einum stað í einu. Þó er ég
ekki sama naumhyggjumanneskja
og Quentin Crisp, Englendingurinn
dásamlegi sem fluttist sjötugur og
vel farðaður til New York. Hann átti
alltaf heima í einu herbergi, og sagði:
Ég hef aldrei skilið hvað fólk gerir
við herbergið sem það er ekki í.
HVAÐ ER OFMETIÐ Í LÍFINU?
ÖSSUR SKARPHÉÐINSSON
ALÞINGISMAÐUR
Langflestir þrá efnisleg gæði sem
ytri tákn um velgengni í lífinu.
Þess vegna vinna þeir myrkranna
á milli til að eignast mikið af
steypu í stórum húsum, og mikið af
stáli í stórum bílum. Þetta kostar
þá raunverulegt ríkidæmi í formi
innri hamingju sem þeir ná ekki að
þroska, tengsla við fjölskyldu sína
og vini sem þeir ná ekki að rækta,
heilsu sem þeir tapa of fljótt.
Í hnotskurn má segja að mikil
efnisleg gæði séu mest ofmetin í
lífinu. Næst þeim ganga vegtyllur
og metorð. Í staðinn eiga menn að
rækta garðinn sinn, lúta að litlu og
föndra við sálina í sjálfum sér.
KATRÍN JÚLÍUSDÓTTIR
ALÞINGISMAÐUR
Mér finnast innflutningshöft
mjög ofmetið fyrirbæri.
Innflutningshöft koma mjög fáum
til góða og síst þeim sem þau eru
ætluð. Þau viðhalda fáætækt í
mörgum ríkjum heims því þau
koma í veg fyrir eðlileg viðskipti
og samskipti milli þjóða. Að auki
eru þau afar kostnaðarsöm fyrir
neytendur og skattgreiðendur.
GUÐRÚN HELGADÓTTIR
RITHÖFUNDUR
GÁFUR án frjórrar hugsunar og
kærleika, öðru nafni HEIMSKA,
MÆLSKA án leitar að því sem
réttast er, öðru nafni VAÐALL,
ÁST án ábyrgðar og umhyggju,
öðru nafni SJÁLFSELSKA,
og svo eftirlæti íslenskra
fjölmiðla:
FRÆGÐ, sem ekkert var unnið
til, öðru nafni HÉGÓMI.
Völd, vinsældir og efnahagsleg
umsvif eru sennilega eitt af því
ofmetnasta í lífinu. Ég þekki fjölmörg
dæmi þar sem að þessi hlutir fara því
miður ekki saman við lífsgleði, innri
ró og hamingju. Að eiga góða konu,
fjölskyldu og börn ásamt traustum
vinum er það dýrmætasta sem ég
á. Góður kokteill af þessu öllu er
auðvitað það besta en allt of fáir rata
á þá lausn. Ég rembist auðvitað eins
og rjúpan við staurinn við að reyna að
ná hinu fullkomna jafnvægi og held
svei mér þá að mér hafi bara tekist
það nokkuð vel þó ég segi sjálfur frá.
Neðangreind speki er aldrei of oft
lesin:
Lífsklukkan er trekkt aðeins einu
sinni.
Enginn veit hvenær vísarnir stoppa,
snemma eða seint.
Núna er eini tíminn, sem við eigum.
Lifðu, elskaðu og starfaðu og á lífið
reyndu.
Settu ekkert traust á morgundaginn
sem vísarnir ef til vill gleymdu.
SNORRI MÁR SKÚLASON
UMSJÓNARMAÐUR ENSKA BOLTANS
Það fyrsta sem kom upp í hugann er
peningar. Ég er ekki sá hræsnari að
segja að peningar skipti ekki máli
því að öll þurfum við að komast af og
sjá okkar nánustu farborða. Til þess
þurfum við peninga. Ég er meira
að vísa til þeirra sem dags daglega
ganga á gróðahyggju og raka saman
tugum ef ekki hundruðum milljóna
á ári í eigin vasa. Og venjulegur
launþegi eins og ég klórar sér í
hausnum og spyr sig hvenær er
nóg nóg. Það eru illu heilli sífellt
fleiri í okkar þjóðfélagi sem krjúpa
við altari Mammons. Margt af því
besta í þessum heimi er ókeypis.
Þú kaupir t.d. ekki hamingju, góða
heilsu, yndislega eiginkonu og
frábæra fjölskyldu. Þetta eru þættir
sem skipta mig miklu meira máli en
allir heimsins peningar.
EYÞÓR GUÐJÓNSSON KVIKMYNDALEIKARI OG ATHAFNAMAÐUR
www.skifan.is
...skemmtir þér ; )
BJÖRGVIN
HALLDÓRSSON
ÁRITAR KL. 14
Í SKÍFUNNI
KRINGLUNNI
Mesta úrvalið
er í Skífunni
3CD
Söngbók Björgvins Halldórssonar 1970 - 2005
Helgartilboð
2.499 kr.
Kringlankl.14.00