Fréttablaðið - 28.12.2005, Page 4

4 28. desember 2005 MIÐVIKUDAGUR
TRÍPÓLÍ, AP Hæstiréttur Líbíu hefur
ógilt dóma yfir fimm búlgörskum
hjúkrunarkonum og palestínskum
lækni sem dæmd höfðu verið til
dauða fyrir að sýkja fjölda barna
af alnæmi að yfirlögðu ráði á
tíunda áratug síðustu aldar.
Bandaríkin og Evrópusam-
bandið hafa kallað málið tilbún-
ing og segja að framtíðarsamband
ríkjanna við Líbíu muni ráðast af
niðurstöðunni.
Dómurinn var ógiltur vegna
galla á málsrannsókn. Dagsetning
fyrir endurupptöku hefur ekki
verið ákveðin. ■
Búlgarskar hjúkrunarkonur:
Lífi þeirra
verður þyrmt
ÆTTINGJAR STUDDIR Ástvinir hjúkrunar-
kvennanna komu saman fyrir framan
líbíska sendiráðið í Sofíu og skoruðu á
Moammar Gaddafi Líbíuleiðtoga að láta
þær lausar. FRÉTTABLAÐIÐ/AP
BAGDAD, AP Fjöldagröf fannst í
hinni helgu borg Karbala í Írak í
gær en talið er að þar hvíli sjíar
sem myrtir voru í stjórnartíð
Saddams Hussein.
Gröfin fannst þar sem gatna-
framkvæmdir stóðu yfir en ekki
hefur verið látið uppi hversu
margir eru grafnir þar. Talið er
að líkin séu af fólki sem Baath-
stjórnin lét myrða í hefndarskyni
fyrir uppreisnir sjía í kjölfar Flóa-
bardaga 1991.
Mannréttindasamtök álíta að
í það minnsta 300.000 sjíar og
Kúrdar hafi látið lífið í ofsóknum
35 ára valdatíma Baath-flokksins,
flestir eftir 1980.
Ólga hefur vaxið í landinu
á ný í kjölfar þingkosninganna
15. desember og hafa tugir lát-
ist í árásum síðustu daga. Mikil
óánægja er í röðum súnnía og hóf-
samra sjía með lyktir kosninganna
og telja þeir að brögð hafi verið í
tafli. Bráðabirgðaúrslit benda til
að heittrúuðum sjíum og Kúrdum
hafi vegnað best en þeir hópar eru
sagðir vilja draga úr miðstýringu
og færa sem mest sjálfstæði í hér-
uðin. Í gær mótmæltu ríflega tíu
þúsund manns kosningaúrslitun-
um og hvöttu til þjóðareiningar.
„Nei við súnníum, nei við sjíum,
já við einingu þjóðarinnar,“ sungu
göngumenn hástöfum. - shg
Ólga vex í Írak á ný eftir þingkosningarnar í desember. Fjölmenn mótmæli fóru fram í Bagdad í gær:
Fjöldagröf fannst í borginni Karbala
HVATT TIL EININGAR Göngumönnum var heitt í hamsi en þó fór allt vel fram. FRÉTTABLAÐIÐ/AP
„Ég tek undir með Óskari að
við ættum að einbeita okkur að
borgarmálunum,“ segir Björn
Ingi Hrafnsson, aðstoðarmaður
forsætisráðherra, sem býður sig
fram í efsta sæti framboðslista
Framsóknarflokksins fyrir borg-
arstjórnarkosningarnar í Reykja-
vík.
Óskar Bergsson tilkynnti í gær
að hann gæfi kost á sér í fyrsta
sæti listans líkt og Anna Kristins-
dóttir og Björn Ingi. Óskar gagn-
rýndi forystu Framsóknarflokks-
ins og sagði grasrótina í flokknum
vilja bjóða annan valkost en for-
ystan vildi.
„Óskar vísaði í gær til
umdeildra ákvarðana í þingflokki
og í forystu flokksins. Ég sé ekki
að hægt sé að beina þessu til mín
sérstaklega. Ég fagna nýjum
framboðum í prófkjörinu. Ég hef
sjálfur hvatt til þess að menn gefi
kost á sér. Á síðustu dögum hafa
bæst ný nöfn í hópinn og ég fagna
því.“
Björn Ingi segir að prófkjör eigi
að hafa tvennan tilgang. „Annars
vegar að velja á framboðslistann,
en hins vegar er prófkjöri ætlað
að skapa stemningu og virkja
menn til starfa í flokknum. Ég er
þeirrar skoðunar að frambjóðend-
ur eigi fyrst og fremst að leggja
sín verk og sína persónu í dóm
kjósenda en ekki vera sífellt að
ræða um það hvað aðrir hafi gert
til að skaprauna þeim. Nú liggur
fyrir að það verður opið prófkjör í
lok janúar. Óskar segist hafa mikil
tengsl við grasrótina. Eigum við
ekki að sjá hver niðurstaða próf-
kjörsins verður og þá í hverra
umboði menn starfa,“ segir Björn
Ingi Hrafnsson. - jh
Fagna nýjum framboðum
Björn Ingi Hrafnsson og Anna Kristinsdóttir, sem gefa kost á sér í efsta sæti framboðslista Framsóknar-
flokksins í Reykjavík, hafa efasemdir um gagnrýni Óskars Bergssonar á flokksforystu Framsóknarflokks-
ins. Óskar tilkynnti framboð sitt til efsta sætis listans í gær. Þau þrjú keppa um fyrsta sætið.
BJÖRN INGI HRAFNSSON ANNA KRISTINSDÓTTIR
„Það er gleðiefni að sem flestir
taki þátt í þessu prófkjöri. Menn
hafa verið að hafa áhyggjur af
því að frambjóðendur yrðu ekki
nægilega margir. Ég sé ekki að
áhyggjur þurfi að hafa af því,“
segir Anna Kristinsdóttir, borgar-
fulltrúi R-listans.
Um gagnrýni Óskars Bergsson-
ar á flokksforystuna segir Anna
að slíkt eigi fyrst og fremst að
ræða innan flokksins. „Ég heyri
þessa gagnrýni og eitthvað af
þessu á sér stoð í raunveruleikan-
um. Ég held að þessi gagnrýni og
umræða eigi ekki heima í baráttu
frambjóðenda um skipan listans í
aðdraganda borgarstjórnarkosn-
inganna,“ segir Anna.
Sjálf kveðst hún ekki sérstak-
lega tengd forystu flokksins og
hafi í rauninni unnið mest með
grasrót Framsóknarflokksins í
Reykjavík. „Ég hef reynslu af
borgarmálum og hef unnið með
grasrótinni. Ef Óskar fer fram
undir þeim formerkjum að hann
sé fulltrúi grasrótarinnar þá er
ég ekki síður fullgildur meðlimur
þar.“
Anna Kristinsdóttir hefur
starfað í um tuttugu ár með Fram-
sóknarflokknum, verið formaður
Framsóknarfélags Reykjavíkur
og kjörinn borgarfulltrúi undan-
farin ár.
„Það má segja að Björn Ingi
hefur starfað styst okkar þriggja
innan flokksins og kom inn í starf-
ið á öðrum formerkjum, en það
hefur hver sinn háttinn á. Við
ættum að takast á um málefnin
en ekki hvort við erum fulltrúar
hinna eða þessara,“ segir Anna
Kristinsdóttir.
- jh
Tekur orð Óskars ekki til sín Ekki sérstaklega tengd forystunni
Tíu hermenn dóu Jarðsprengja
sprakk undir bíl srílanskra hermanna á
Jaffna-skaga í gær og fórust tíu þeirra
í sprengingunni. Talsmaður hersins
kenndi frelsissamtökum Tamíla um
verknaðinn en þeir hafa undanfarin ár
staðið fyrir skæruhernaði og hryðjuverk-
um á eynni.
SRÍ LANKA
Gestur sækist eftir 2.-3. sæti
Gestur Kr. Gestsson hefur gefið kost á sér
í prófkjör framsóknarmanna fyrir borgar-
stjórnarkosningarnar í vor og sækist eftir
2.-3. sæti á lista. Í fréttatilkynningu kveðst
hann munu einbeita sér af krafti fyrir
stefnu Framsóknarflokksins í borgarmál-
um með sérstakri áherslu á velferðarmál
því hann segir óhæft að sumir borgarbúar
líði raunverulegan skort, hungur og heim-
ilisleysi á velmegunartímum.
PRÓFKJÖR
GENGIÐ
GENGI GJALDMIÐLA 27.12.2005
KAUP SALA
Bandaríkjadalur 63,54 63,84
Sterlingspund 110,31 110,85
Evra 75,36 75,78
Dönsk króna 10,099 10,159
Norsk króna 9,382 9,438
Sænsk króna 7,952 7,998
Japanskt jen 0,5427 0,5459
SDR 90,98 91,52
Gengisvísitala krónunnar
106,0396