Fréttablaðið - 28.12.2005, Page 22

28. desember 2005 MIÐVIKUDAGUR22
Frá upphafi hefur Garðabæ verið
stjórnað af Sjálfstæðisflokknum.
Mörgum þykir nú nóg komið. Það
er komin veruleg þreyta í meiri-
hlutann. Í nágrannabyggðarlög-
unum hafa flokkar skipst á um að
stjórna og má þar sjá mun meiri
grósku og uppbyggingu en hjá
okkur. Sjálfstæðisflokkurinn legg-
ur áherslu á frjálsa samkeppni.
Það stefnumið sefur vært í Garða-
bæ.
Bær í blóma en blómin fölna ef
vanrækt eru
Meirihluta sjálfstæðismanna hefur
tekist að varpa þeim ljóma á Garða-
bæ að hér sé allt í blóma og best að
búa. Fjölmiðlar hafa tekið gagn-
rýnislaust við málflutningi þeirra
og og fulltrúar minnihlutans sjald-
an eða aldrei kallaðir til viðtals eða
í umræðuþætti um málefni bæjar-
ins, en nógu er af að taka. Í bænum
er gefið út blað, Garðapósturinn.
Daufum eyrum hlusta þeir á aðra
rödd en hins bláa blóma og mjög
erfitt er að fá birtar greinar sem
ganga gegn meirihluta í bæjar-
stjórn. Það verður ekki kallað óháð
málgagn og kemur að litlum notum
sem vettvangur ólíkra sjónarmiða.
Víst er Garðabær í blóma og
friðsæll til búsetu. Umhverfið fag-
urt og náttúruperlur innan seil-
ingar. Blómi bæjarins hefur orðið
til fyrst og fremst fyrir framtak
íbúanna sjálfra, en því miður of
sjaldan vegna frumkvæðis og
framtíðarsýnar forystufólks. Þar
skortir mikið á. Svo virðist sem
valdþrjóska og vanastjórnun slævi
sjónir manna á heildarheill.
Ég vil með þessari grein varpa
nokkru ljósi á það sem ekki blasir
við í blóma Garðabæjar en þarf þó
að skoða nánar, því að slík atriði
eru orsökin að óánægju bæjarbúa,
sem víða gerir vart við sig.
Ég flutti ungur í Garðahrepp
árið 1959. Þá hófst senn nýbyggð-
in hér. Sveitarstjórnin lét skipu-
leggja hverfi af framsýni og
þeirri nýbreytni að athygli vakti.
Snemma völdu menn miðbæn-
um stað. Hann reis í áföngum
án heildarsýnar og varð loks að
hreinum glundroða. Ég man vart
kosningar, svo að draumsýn um
miðbæ hafi ekki verið borin fram.
Fyrir síðustu kosningar var efnt
til samkeppni um miðbæ. Verð-
laun voru veitt og verkið kynnt
með tilheyrandi grafíkmyndum og
fögrum teikningum. Síðan hurfu
menn inn í draumaheima sína að
nýju og vöknuðu aldrei til þess
að láta þá rætast. En sagan hefur
tilhneigingu til að endurtaka sig.
Nú rumskar meirihlutinn og birt-
ir grafíkmyndir og teikningar af
nýjum miðbæ, nýrri draumsýn og
hún er sterk. Það skal rífa helstu
stórhýsi bæjarins. Ætli draumur-
inn endi ekki með martröð sem
fyrr?
Sjáumst í Kópavogi. Hittumst í
Hafnarfirði.
Hvers vegna er komið svo að
orði? Jú, vegna þess að hér er
aðeins einn opinber staður sem
býður upp á veitingar, bakaríið
Gullkornið. Ég hef margoft bent
á hversu eðlilegt er að byggja
íþróttamiðstöð þar sem til staðar
er veitingastaður þar sem yngri
og eldri íbúar geta hist og átt
notalega stund eftir sundsprett
eða aðrar æfingar. Slíkir sam-
verustaðir reynast hvarvetna
mjög félagslega mikilvægir. Í dag
er algengast að hitta fyrir Garð-
bæinga í Sundlaug Hafnfirðinga
og hinni glæsilegu sundlaug í
Salahverfi í Kópavogi.
Sjálandsskóli er falleg bygg-
ing en það sem verra er, að þessi
listasmíð er staðsett á ótrúlega
skökkum stað. Börn finnast
varla í nágrenni skólans. Skól-
inn er settur annars vegar við
eina mestu umferðargötu bæjar-
ins og hins vegar við Arnarnes-
vog og allir vita að fjara eða ísil-
agður sjórinn freistar barna og í
því er mikil hætta fólgin. Er það
skynsamlegt að nota þurfi skóla-
bíl til að aka börnum í hverfis-
skólann sinn. Íbúar Ásahverfis
hafa ekki gleymt grafíkmynd-
unum af skóla á Héðinslóðinni
fyrir síðustu kosningar. Þar var
enn ein blekkingin sem stungið
var undir stól eftir að talið var
upp úr kössunum. Staðreyndin
er sú að í flýtinum við að skipu-
leggja Ásahverfið gleymdist að
gera ráð fyrir skóla. Mikil er
ábyrgð þeirra sem taka slíka
ákvörðun.
Eins og svo oft áður reynir
meirihluti sjálfstæðismanna að
slá pólitískar keilur. Fyrir síðustu
kosningar var áttaþúsund manna
hverfi á Garðaholti skipulagt, en
ekkert hefur verið aðhafst þar.
Nú hefur það verið þekkingar-
þorp í Urðarholti með Háskól-
ann í Reykjavík sem miðpúnkt.
Það vissu allir sem vita vildu að
HR myndi seint verða háskóli í
Garðabæ. Ég tel að kjósendur eigi
rétt á að vita hvað þetta ævintýri
kostaði. Það er óþolandi að skattfé
bæjarbúa sé notað sí og æ til að
búa til skrautteikningar og graf-
íkmyndir til að skreyta sig fyrir
bæjarbúum.
Þar, hér eða bara burt
Garðabær fór að vaxa um 1960.
Það kom þó að því að ungt fólk
kvartaði mjög yfir því að ekki var
hugsað nægjanlega fyrir skipu-
lagningu hverfa fyrir ungt fólk.
Unga fólkið flutti því mjög gjarn-
an til nágrannabyggðarlaganna.
Ekki hefur þetta batnað. Það má
nærri ætla að tilviljun ein ráði
hvar eða hvernig ný hverfi eru
hönnuð. Verktakar stinga upp á
bryggjuhverfi og íbúðir þar eru
langt yfir því verði sem ungt fólk
ræður við og aðeins efnameira
fólk hefur kost á að minnka við
sig og flytja í hverfið. Frægt var
þegar Jón Ólafsson keypti Arn-
arneslandið vegna klaufaskapar
meirihlutans og kaupendur lóða
þar þurfa að greiða á þriðja tug
milljóna fyrir lóðir þar. Aðeins
örfáum lóðum hefur verið úthlutað
af bænum. Hvaða verktaki verður
næst á ferðinni? Það er sárt að
sjá rótgróna Garðbæinga flytja í
hópum í nýju hverfin í Kópavogi
vegna þess að bærinn býður þeim
ekki lóðir við hæfi.
Flestir bæir landsins eiga sér
fagran garð, sameiginlegan gróð-
urreit og samverustað. Nefna má
Laugardalinn, Lystigarðinn á
Akureyri, Víðistaðatúnið í Hafn-
arfirði og Garðalund á Akra-
nesi. Mér finnst það dapurlegt
að ekki sé löngu búið að leggja
drög að slíkum garði hér í bæ.
Við Garðbæingar eigum skilið
betra umhverfi en bílastæðin við
Ásgarð til hátíðarhalda vegna 17.
júní.
Ég hef hér nefnt nokkur atriði
sem mér finnst máli skipta að við
Garðbæingar ræðum á komandi
kosningavetri. Getur verið að við
séum ánægð með stöðu mála. Ég er
þeirrar skoðunar að flokkspólitík
eigi ekki að ráða svo mjög í afstöðu
manna í bæjarpólitík. Til dæmis
má benda á að gagnrýni sjálfstæð-
ismanna á R-listann í Reykjavík
hittir félaga þeirra í Garðabæ
fyrir. Ég skora á Garðbæinga að
taka virkan þátt í umræðum vetr-
arins og þá er ég viss um að flokk-
urinn sem stjórnað hefur hér í
hálfa öld fái frí.
Höfundur er áfangastjóri Fjöl-
brautaskólans við Ármúla.
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er
tekið á móti efni sem sent er frá Skoð-
anasíðunni á visir.is. Þar eru nánari
leiðbeiningar. Ritstjórn ákveður hvort
efni birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
Garðabær - senn vorar
UMRÆÐAN
GARÐABÆR
EYJÓLFUR BRAGASON
Víst er Garðabær í blóma og
friðsæll til búsetu. Umhverfið
fagurt og náttúruperlur inn-
an seilingar. Blómi bæjarins
hefur orðið til fyrst og fremst
fyrir framtak íbúanna sjálfra,
en því miður of sjaldan vegna
frumkvæðis og framtíðarsýnar
forystufólks. Þar skortir mikið á.
Fyrir handvömm var séra Karl
Sigurbjörnsson biskup sagður heita
Karl Pétur í myndatexta í blaðinu
á aðfangadag. Biskup og lesendur
blaðsins eru beðnir velvirðingar á
þessum mistökum.
LEIÐRÉTTING
Um hver áramót er skotið upp
ógrynnum af flugeldum, með til-
heyrandi ljósadýrð og gleði. Þetta
getur þó breyst í harmleik ef ekki
er farið eftir öllum leiðbeiningum
og fyllsta öryggis gætt.
Því miður sýnir reynslan okkur
að um hver áramót verða slys í
tengslum við flugeldavörur. Ástæð-
ur þessara slysa eru langoftast þær
að hvorki er farið eftir grundvall-
arreglum um notkun flugelda né
þeim leiðbeiningum sem eru gefn-
ar upp fyrir hverja og eina vöru.
Með vaxandi notkun flugel-
dagleraugna hefur augnslysum
fækkað. Þrátt fyrir það urðu níu
augnslys um síðustu áramót, öll hjá
strákum. Fikt með flugelda er allt
of algengt meðal þessa hóps. For-
ráðamenn verða að vera meðvitaðir
um hvað börnin þeirra eru að gera
á þessum tíma, ræða við þau um
það hversu hættulegar flugelda-
vörur geta verið ef þær eru ekki
meðhöndlaðar rétt og ef þeir ætla
að leyfa börnunum að meðhöndla
flugeldavörur að það sé tryggt að
það sé undir eftirliti þeirra.
Geyma þarf flugelda á þurrum
stað, sem börn hafa ekki aðgang
að. Skjóta skal upp á opnu svæði,
láta þá sem eru að horfa á standa
vindmegin við skotstað og geyma
flugeldavörurnar sem skjóta á upp
fjarri skotstaðnum. Tryggja verð-
ur að vörurnar séu vel skorðaðar
og að undirlag köku sé slétt áður
en skotið er upp. Kveikja í með
útréttri hendi, ekki halla sér yfir
flugeldinn og víkja vel frá um leið
og logi er kominn í kveikiþráðinn.
Flugeldagleraugu eiga allir að nota,
líka þeir sem eru að horfa á. Þeir
sem eru að skjóta upp eða halda á
blysi hlífa höndum sínum best með
því að nota skinn- eða ullarhanska.
Leiðbeiningar fylgja hverri flug-
eldavöru þar sem kemur fram
hvernig eigi að skjóta henni upp á
öruggan hátt og þeim leiðbeining-
um verður að fara eftir. Ef eldur
hefur verið borinn að kveikiþræði
flugeldavörunnar en hún ekki tekið
við sér skal ekki reyna að kveikja
aftur í henni heldur hella vatni yfir
hana. Glóð getur leynst í marga
klukkutíma og skoteldurinn farið
upp án nokkurs fyrirvara. Gætið
vel að börnum, þau þekkja hætt-
urnar ekki eins vel og fullorðnir.
Áfengi hefur áhrif á dómgreind
fólks, það verður kærulausara og
liggur í augum uppi að flugeldar
og áfengi eiga aldrei samleið. Ef
dýr eru á heimilinu þarf að huga
að þeim, sérstaklega hundum,
hestum og köttum, þau geta orðið
hrædd þegar verið er að skjóta
upp og best er að gera ráðstafanir
í tengslum við þau fyrirfram. Nán-
ari upplýsingar um þær er hægt
að sjá á slóðinni http://landsbjorg.
is/slysavarnir/flugeldaslys/flug-
eldaslys.htm.
Megið þið eiga ánægjuleg og
slysalaus áramót.
Höfundur starfar á Slysa-
varnasviði Slysavarnafélagsins
Landsbjargar.
Slysalaus áramót, já takk!
LJÓSADÝRÐ Fikt með flugelda er allt of algengt meðal ungra drengja segir greinarhöfundur.
Blýlaust takk
Gott skipulag og tímaáætlanir við að
skipta yfir í blýlaust bensín um allan
heim hafa staðist sem sýnir að auðvelt er
að lyfta grettistaki í umhverfismálum ef
viljinn er fyrir hendi. Hér skiptir auðvitað
máli að öflug iðnríki hafa átt frumkvæðið
að þessu átaki í stað þess að spilla fyrir,
eins og oft er raunin. Þá hafa helstu
fyrirtæki í bílaiðnaðinum fyrir löngu hafið
framleiðslu á bílum með efnahvörfum
sem ganga fyrir blýlausu bensíni.
Sverrir Jakobsson á murinn.is
af flví besta!
Brot
Dunilin gerir flér kleift a› töfra fram glæsilega servíettuskreytingu
í takt vi› tilefni›. Fjölbreytt litaúrval au›veldar flér a› ná fram
fleirri stemningu sem flú leitar eftir.
Í verslunum liggur frammi bæklingur frá
Duni flar sem finna má fjölmargar hugmyndir
a› servíettubrotum og bor›skreytingum.
E
N
N
E
M
M
/
S
IA
/
N
M
18
8
3
5
UMRÆÐAN
FLUGELDAR
SIGRÚN A. ÞORSTEINSDÓTTIR
Því miður sýnir reynslan okkur
að um hver áramót verða slys
í tengslum við flugeldavörur.
Ástæður þessara slysa eru
langoftast þær að hvorki er
farið eftir grundvallarreglum
um notkun flugelda né þeim
leiðbeiningum sem eru gefnar
upp fyrir hverja og eina vöru.