Fréttablaðið - 28.12.2005, Síða 53

H A U S
MARKAÐURINN 23MIÐVIKUDAGUR 28. DESEMBER 2005
Árið sem er að líða var svo sannarlega viðburða-
ríkt fyrir FL Group. Fljótlega í byrjun árs voru
stigin stór skref í umbreytingu félagsins frá
flugfélagi í fjárfestingafélag. Þá
lét þáverandi forstjóri af starfi
eftir langan og farsælan feril.
Einnig var fjárfest í flugvélum
til leigu til þriðja aðila sem var
nýjung fyrir félagið. Á aðalfundi
félagsins í mars var einnig nafni
félagsins breytt úr Flugleiðum
hf. í FL Group til að undirstrika
breyttar áherslur. En umbreyting-
unni var hvergi nærri lokið. Um
mitt árið bættust nýir hluthafar
í hópinn og í kjölfarið var hafist
handa við að stíga enn stærra
skref til framtíðar. Þeirri vinnu
lauk í nóvember þegar félagið jók
eigið fé sitt um 44 miljarða í einu
stærsta og best heppnaða hluta-
fjárútboði á Íslandi. Viðbrögð
markaðarins hafa ekki látið á sér standa og
hefur verðmæti félagsins aukist umtalsvert frá
útboðinu. Einnig áttu sér stað umtalsverð fyrir-
tækjakaup þegar félagið festi kaup á Bláfugli
hf. og Sterling A.S. á haustmánuðum.
BLÁSIÐ TIL SÓKNAR
Þegar ég horfi til ársins 2006 er ég fullur
bjartsýni. Aldrei í sögu okkar fyrirtækis hefur
fjárhagslegur styrkur verið jafn mikill og tæki-
færin jafn mörg. Ég tel fullvíst að árið sem
er framundan verði viðburðaríkt og ævintýrið
heldur áfram. Fjölmörg spennandi verkefni eru
í pípunum og eitt er víst að við munum ekki
staldra við og horfa í baksýnisspegilinn heldur
blása til sóknar sem aldrei fyrr. Það er aðals-
merki þeirra sem koma að rekstri FL Group að
ná árangri og það er eini raunverulegi mæli-
kvarðinn sem hluthafar okkar eiga að nota til að
meta árangurinn af starfi okkar. Við höfum lagt
góðan grunn, byggjum á langri sögu og okkar
verkefni er að sjá til þess að verðmætaaukning
hluthafa verði ásættanleg. Að lokum kann ég
öllu starfsfólki sem starfar hjá fyrirtækjum
í eigu FL Group kærar þakkir fyrir frábært
starf.
Viðburðaríkt ár framundan
HANNES SMÁRSON FORSTJÓRI FL GROUP Hannes segir að aldrei í sögu
fyrirtækisins hafi fjárhagslegur styrkur verið meiri og tækifærin jafn mörg.
Árið 2005 var gríðarlega viðburðaríkt hjá
Landsbankanum og sennilega viðburðaríkara en
nokkuð annað í 120 ára sögu bankans.
Vöxturinn var feikilega mikill sem sést hvað
best á því að í lok síðasta árs var Landsbankinn
með starfsemi í tveimur löndum utan Íslands,
Lúxemborg og Bretlandi. Nú eru hins vegar
starfsmenn Landsbankans starfandi í tólf lönd-
um, tíu í Evrópu og í Kanada og Bandaríkjunum.
Í upphafi ársins störfuðu tæplega hundrað manns
fyrir Landsbankann erlendis en
um þessi áramót eru starfmenn
okkar erlendis í kringum 640.
Félögin sem við höfum keypt
í ár eru verðbréfafyrirtæki sem
falla vel að sterkum þáttum í
okkar eigin starfsemi á heima-
markaði og við sjáum fram á að
geta aukið enn frekar alþjóðleg
umsvif í bæði lánastarfsemi og
fyrirtækjaraðgjöf. Nú þegar eru
um fjörutíu prósent af undirliggj-
andi tekjum bankans frá útlöndum
og sama hlutfall af heildarútlánum
eru utan Íslands.
MÖGULEIKAR ERLENDIS
Með því að eignast Teather &
Greenwood í Bretlandi, Kepler
Equities á meginlandi Evrópu, og Merrion í
Írlandi höfum við eignast stökkpall til að auka
enn þjónustuna til fyrirtækjakúnna og fagfjár-
festa og eins sjáum við möguleika á því að
fjölga verulega í alþjóðlegum viðskiptamanna-
hópi okkar. Á næsta ári verður meginverkefni
okkar að samþætta þá starfsemi sem við höfum
eignast og tryggja að kaupin sem gerð hafa
verið í ár muni nýtast til áframhaldandi vaxtar
Landsbankans.
FYRST OG FREMST INNRI VÖXTUR
Til þess að sjá vöxt bankans í einhverju samhengi
er hægt að benda á að efnahagur bankans var
278 milljarðar í árslok 2002 en vöxtur bankans
á fyrstu níu mánuðum ársins var 400 milljarðar
króna. En vöxturinn sem slíkur er ekki kappsmál
nema að við séum að ávaxta pund okkar vel og
ég er klár á því að við munum halda áfram að
skila mjög góðri arðsemi á eigið fé og hluthöfum
okkar góðri ávöxtun. Eins er það áhugavert að
í tilviki Landsbankans er vöxturinn hingað til
fyrst og fremst innri vöxtur en ekki keyptur.
Mér finnst alveg nauðsynlegt um áramótin
að geta horft bjartsýnum augum til næsta árs
og það gerum við í Landsbankanum. Það eru
auðvitað blikur á lofti og ójafnvægi í íslenskum
efnahagsmálum en mér sýnist að mikilvæg fyr-
irtæki hafi haft fyrirhyggju til þess að dreifa
áhættu sinni og rekstri til þess að vera ekki of
háðir aðstæðum innanlands.
VANDI ÚTFLUTNINGS
Gengi krónunnar er mjög sterkt, með tilheyr-
andi vanda fyrir útflutningsfyrirtækin, vextir
eru háir og heimilin skulda sífellt meira. Við
þessar aðstæður er mjög mikilvægt að bank-
ar sýni ábyrgð gagnvart viðskiptavinum sínum
og það hefur verið metnaðarmál fyrir okkur í
Landsbankanum að leggja okkar lóð á vogar-
skálarnar til að draga úr þenslunni þannig að
verðbólgan fari ekki af stað með tilheyrandi
vandræðum fyrir fólkið í landinu.
Kaup ársins nýtist til vaxtar
SIGURJÓN ÁRNASON BANKASTJÓRI LANDSBANKANS Sigurjón segir að það sé
metnaðarmál Landsbankans að leggja sitt lóð á vogarskálarnar til að draga úr þenslu.
Árið 2005 hefur verið afar gott
fyrir marga sem eru í viðskiptum
og sterk króna hjálpað ýmsum en
á sama tíma reynst öðrum erfið. Í
því hagfellda viðskiptaumhverfi
sem nú ríkir er mikilvægt að huga
að framtíðinni og nota tímann til
að vinna að framleiðniaukningu
og hagræðingu, þannig að fyrir-
tæki séu sem best í stakk búin til
að mæta áföllum þegar að krepp-
ir. Það verður áhugavert að fylgj-
ast með framgangi mála í við-
skiptalífinu næstu 12-24 mánuði.
Margir hafa færst mikið í fang en
áframhaldandi tækifæri til sókn-
ar og frekari uppbyggingar eru
mikil. Það er hins vegar áhyggju-
efni á hve fáum herðum þessi
sókn viðskiptalífsins byggist því
þegar grannt er skoðað er þetta
ekki ýkja stór hópur sem ber uppi
þessi umsvif.
MJÚK LENDING
Staða nýsköpunar í atvinnulífinu
er áhyggjuefni og nauðsynlegt að
huga að úrbótum því þar liggja
vaxtarbroddarnir sem eiga að bera
uppi atvinnulíf framtíðarinnar.
Mikilvægt er að vel takist til með
almenna stjórn efnahagsmála,
svo tryggt sé að lendingin verði
mjúk og breytingar komi ekki
harkalega niður á fyrirtækjum og
heimilunum í landinu.
ÁR UMBREYTINGA
Á þeim vettvangi sem ég starfa á
hefur yfirstandandi ár verið tími
mikilla umbreytinga. Samskip
fjárfestu í þremur stórum fyrir-
tækjum erlendis á árinu, Geest
North Sea Line, Kloosterboeer
og Seawheel. Mikill tími og orka
hafa farið í undirbúning og end-
urskipulagningu á rekstrinum í
kjölfarið. Þá voru merk tímamót
í uppbyggingu Samskipa á Íslandi
á árinu. Nýjar höfuðstöðvar voru
teknar í gagnið og tvö ný sérsmíð-
uð skip voru afhent félaginu á
fyrri hluta ársins.
Á komandi ári verður hald-
ið áfram frekari uppbyggingu
félagsins. Hvað SÍF varðar þá
hefur fyrirtækið unnið vel úr
sínum málum á yfirstandandi ári
og mörkuðu kaup þess á Labeyrie
Group þáttaskil í rekstrinum.
Vel hefur gengið að ná settum
markmiðum um að samþætta
fjölbreyttan rekstur félagsins
í kringum kjarnastarfsemina.
Óvæntar aðstæður sköpuðust
vegna viðskiptapólitískra ákvarð-
ana Evrópusambandsins sem
leiddu til verulegrar hækkunar
hráefnisverðs en ekki er ástæða
til að ætla að þar sé um við-
varandi ástand að ræða. Áfram
verður unnið markvisst að því að
styrkja innviði SÍF og er stefnt að
frekari fjárfestingum á komandi
ári. Rekstur Olíufélagsins hefur
gengið vel á yfirstandandi ári og
mikill árangur náðst í endurhögun
þess rekstrar.
Það er því yfir mörgu að
gleðjast á þessum tímamótum en
jafnframt við hæfi að minnast
þess að velgengnin er brothætt.
Því er ráðlegt að ganga hægt um
gleðinnar dyr.
Mikil tækifæri til
áframhaldandi sóknar
ÓLAFUR ÓLAFSSON STJÓRNARFOR-
MAÐUR SÍF Áhyggjuefni á hve fárra herð-
um sókn viðskiptalífsins hvílir.
Sigurjón Árnason bankastjóri Landsbankans
En vöxturinn
sem slíkur er
ekki kapps-
mál nema að
við séum að
ávaxta pund
okkar vel
Félagið jók
eigið fé sitt um
44 miljarða í
einu stærsta og
best heppnaða
hlutafjárútboði
á Íslandi
Hannes Smárason forstjóri FL Group
Staða nýsköpunar í atvinnulífinu er áhyggjuefni
og nauðsynlegt að huga að úrbótum því þar liggja
vaxtarbroddarnir sem eiga að bera uppi atvinnulíf
framtíðarinnar
Ólafur Ólafsson, stjórnarformaður Olíufélagsins,
Samskipa og SÍF: