Fréttablaðið - 02.01.2006, Blaðsíða 16

16 2. janúar 2006 MÁNUDAGUR
GAPANDI UNDRUN Þingmenn göptu af undrun þegar stúdentaráð Háskóla
Íslands hitti menntamálanefnd Alþingis í anddyri þinghússins. Tilefni fund-
arins voru mótmæli stúdenta gegn hugmyndum um skólagjöld í Háskóla
Íslands. FRÉTTABLAÐIÐ/VALLI
ÞAÐ BLÆS UM MENN Á TOPPNUM Löngum hefur gustað um Davíð Oddsson á pólitískum ferli og það var kannski táknrænt að það blés hressilega á hann
þegar hann kom á sinn síðasta ríkisráðsfund á Bessastöðum í haust. Þar með lauk einum glæsilegasta ferli eins manns í pólitík hér á landi. FRÉTTABLAÐIÐ/VILHELM
MYNDIR ÁRSINS 2005
ÞAÐ ER SÆTT AÐ SIGRA Það er ekki tekið út með sældinni að tapa varaformannskjöri hjá Frjálslynda flokknum.
Gunnar Örlygsson og Magnús Þór Hafsteinsson tókust á um embættið og ekki fer á milli mála að Magnús Þór fór
með sætan sigur af hólmi. Gunnar gekk skömmu síðar til liðs við Sjálfstæðisflokkinn. FRÉTTABLAÐIÐ/E.ÓL
BEÐIÐ FYRIR PÁFA Sóknarbörn í Landakotskirkju báðu fyrir Jóhannesi Páli II páfa þegar hann lá banaleguna í mars.
Jóhannes Páll andaðist 2. apríl. FRÉTTABLAÐIÐ/ VALLI
HVENÆR KEMUR WHAM? Fyrir marga rættist 20 ára gamall draumur í lok júní þegar Duran Duran fyllti Laugardags-
höll og sýndu og sannaði að hljómsveitin hefur engu gleymt. FRÉTTABLAÐIÐ/ TEITUR
FRÍÐA OG ... HALLDÓR Villtustu draumar Unnar Birnu Vilhjálmsdóttur rættust í desember þegar hún ekki
aðeins vann titilinn Ungfrú heimur heldur fékk líka að taka í spaðann á formanni Framsóknarflokksins, Halldóri
Ásgrímssyni forsætisráðherra. FRÉTTABLAÐIÐ/STEFÁN
BER ER HVER AÐ BAKI ... Auðun Georg Ólafsson var öllum að óvörum ráðinn fréttastjóri Útvarps síðla vetrar þrátt fyrir litla reynslu af fréttamennsku. Hann
mætti galvaskur til vinnu við litla hrifningu fréttamanna en útvarpsstjóri studdi hann í hvívetna. Auðun Georg hætti eftir einn dag í embætti og útvarps-
stjóri lét af störfum nokkrum mánuðum síðar. FRÉTTABLAÐIÐ/E.ÓL
SÍÐASTI GEIRFUGLINN ER LENTUR Flugmaður þessarar litlu flugvélar brá á
það ráð að nauðlenda á þjóðveginum um Mosfellsdal þegar bilun kom upp í
vélinni. Gekk lendingin að óskum og engan sakaði. Þó varð að loka veginum
um hríð meðan viðgerð fór fram en síðan tók fuglinn flugið á ný.
FRÉTTABLAÐIÐ/GVA
GLYS OG GLAMÚR Að venju sigldu Íslendingar utan með fullan farm af
væntingum fyrir Júróvisjónkeppnina sem haldin var í Kænugarði í maí.
Selma Björnsdóttir lét hins vegar slakt gengi ekki á sig fá og hvatti glys-
rokkarana Wig Wamm frá Noregi til dáða. FRÉTTABLAÐIÐ/ PJETUR