Fréttablaðið - 05.01.2006, Side 38

5. janúar 2006 FIMMTUDAGUR
Þrír Íslendingar hafa unnið í ár
að hönnun og framleiðslu eigin
úra. Afraksturinn sem kallast JS
Watch kom í úrabúð Gilberts í
nóvember síðastliðinn en að fram-
leiðslunni standa þeir Sigurður
Gilbertsson úraframleiðandi,
Júlíus Steinar Heiðarsson flug-
maður og Grímkell Sigurþórsson
margmiðlunarfræðingur. ,,Ég er
úrasafnari og feðgarnir Gilbert
úrsmiður og Sigurður Gilberts-
son hafa verið að gera upp úr
fyrir mig í gegnum árin,“ segir
Júlíus Steinar. ,,Ég reifaði hug-
myndina við þá að smíða eigið úr
en þeir sögðu að það hefði aldrei
verið gert áður og voru nokkuð
skeftískir. Við ákváðum samt að
láta reyna á það og töluðum við
framleiðendur gangverka og úra-
hluta.
Eftir smá þref fengum við parta
til að smíða úr og þetta tókst svo
vel að við ákváðum að hanna
okkar eigið úr,“ segir Júlíus
og heldur áfram: ,,Svo sátum
fyrir framan tölvuna hjá Kela
og spunnum hugmyndir okkar
saman þar til fyrsta úrið var
komið. Við ákváðum að gera 100
eintök til að athuga áhuga fólks
og það gekk framar björtustu
vonum.“
Úrin hafa flest klárast og eru
félagarnir farnir af stað með
fleiri. ,,Kvenmannsúr eru næst á
dagskrá ásamt sportlegri úrum.
Svo er verið að biðja okkur um
stærri gerðir svo ég myndi segja
að það væru fjórar tegundir í
vinnslu,“ segir Júlíus.
Framleiðslan er fyrsta sinnar
tegundar hér á landi. ,,Ég held
að allir úrsmiðir hafi sett saman
allavega eitt úr en við hönnum
partana sjálfir og stjórnum ferl-
inu. Ekkert kemur frá sama stað,
einn partur er til að mynda fram-
leiddur í Þýskalandi og málaður í
Bretlandi.“
Úraáhugann fékk Júlíus fyrir um
sex árum síðan. ,,Ég vann í 13 ár
hjá Atlanta og ferðaðist um allan
heim. Fyrsta úrið, gamalt Omega-
úr, keypti ég í London í Englandi.
Síðan fór ég að lesa mér til svo
að þetta vatt upp á sig og nú er
áhugamálið að verða að vinnu og
vinnan að áhugamáli.“
Það vakti athygli á dögunum að
Quentin Tarantino og Eli Roth
komu og keyptu sér báðir JS úr.
,,Við fengum tvo pósta frá Banda-
ríkjamönnum í nótt sem vildu
nálgast úrin eftir að hafa séð
Tarantino með það. Ennfremur
höfum við fengið um 5000 heim-
sóknir á sólarhring á vefsíðuna
okkar, www.jswatch.com, síðan
við seldum honum úrið. Það er
greinilegt að fólk fylgist með
honum,“ segir Júlíus að lokum.
mariathora@frettabladid.is
Útsalan er hafin
allt að
70% afsláttur
F j a r ð a r g ö t u 1 3 - 1 5 • S í m i 5 5 5 - 4 4 2 0
Nýjasta gerðin af úrum sem nefnist A2 og stendur fyrir Automatic 200 en það er vatnshelt
niður á 200 metra. FRÉTTABLAÐIÐ/ GVA
Íslensk úr frá grunni
Ný úr er nefnast JS Watch hafa vakið mikla athygli. Þrír félagar úr ólíkum áttum standa að hönnun-
inni og framleiðslu.
Laugavegur 58 • 101 Reykjavík • S: 551-4884
Útsalan er hafin
550 5000
AUGLÝSINGASÍMI
Sigurður Gilbertsson, Gilbert Ó Guðjónsson, Júlíus Steinar Heiðarsson og Grímkell P Sigurþórsson með eitt úranna. FRÉTTABLAÐIÐ/ GVA
Gilbert að eiga við gangverk úrsins. FRÉTTABLAÐIÐ/ GVA