Fréttablaðið - 05.01.2006, Blaðsíða 63

FRÉTTIR AF FÓLKI
Leikarinn góðkunni Matthew McConaughey
lenti í hremmingum fyrir
nokkrum dögum þegar
hann var staddur á Costa
Rica í fríi með kærustu
sinni, Penelope Cruz.
Var hann á brimbretti
sínu þegar hann missti
jafnvægið og féll í
sjóinn. Vildi ekki betur
til en svo að leikarinn
viðbeinsbrotnaði við
fallið. Það er þó erfitt að
vorkenna kappanum
þegar hann hefur
Penelope Cruz til þess
að hugga sig.
Paris Hilton er í verulega vondum
málum. Ástæðan er
sú að nú hefur komið
í ljós að hún bjó til
sögu um vinkonu
fyrrverandi kærasta
síns þar sem hún
átti að hafa lent
í slagsmálum við
Hilton á
skemmti-
stað. Lak
Hilton
síðan
sögunni
í slúður-
blöðin.
Hefur
vinkonan,
fyrirsætan
Zeta
Graff,
kært
hótelerfingjann Hilton og krefst um 10
milljóna dollara í skaðabætur fyrir
að Hilton hafi skaðað orðspor sitt
varanlega. ,,Ungfrú Hilton mun nú
læra verðmæta lexíu um hvað gerist
þegar reynt er að flekka mannorð
annarra að tilefnislausu,“ segir í
tilkynningu frá lögfræðingum Graffs.
Leikkonurnar í þáttaröðinni um Aðþrengdar
eiginkonur hafa verið valdar
tískudrottningar ársins 2005
í nýrri sjónvarpskönnun sem
gerð var í Bandaríkjunum.
Þær Teri Hatcher, Eva
Longoria, Marcia Cross
og Felicity Huffman
höfðu betur en
helstu keppinautar
þeirra. Af öðrum á
listanum má nefna
Charlize Theron sem
lenti í öðru sæti,
Jessicu Simpson sem
hreppti þriðja sæti
og Angelinu Jolie sem
lenti í því fjórða.