Fréttablaðið - 05.01.2006, Blaðsíða 62
Alexandra prinsessa fékk ekki að
ganga inn um aðaldyr Amalien-
borgarhallar þegar hún mætti í
nýársboð dönsku konungshjónanna
í fyrradag. Þess í stað fór hún inn
um bakdyrnar ásamt öðrum gest-
um. Konungshjónin ásamt sonum
sínum gengu hins vegar eftir rauð-
um dregli að aðalinnganginum.
Hingað til hefur Alexandra fylgt
þeim þá leið. Staða hennar innan
fjölskyldunnar er hins vegar breytt
eftir skilnaðinn við Jóakim prins.
Flestir æðstu embættismenn
landsins voru mættir í boðið ásamt
nokkrum góðborgurum á borð við
skipakónginn Mærsk Mc-Kinney
Møller.
Boðið var upp á fasanasúpu
í forrétt og hörpuskel og dúfu-
bringu með trufflu- og kastaníu-
hnetusósu í aðalrétt. Vínið kom
frá vínekrum Hinriks prins í
Frakklandi. Lífvarðasveit hirð-
arinnar sá um tónlistina í boð-
inu. - ks
Prinsessan fór inn
um bakdyrnar
ALEXANDRA fyrrum danaprinsessa
meðan allt lék í lyndi. Nú færi hún hinsveg-
ar bara að ganga inn um bakdyrnar.
Orðrómur er uppi um að langþráð
plata hljómsveitarinnar Guns N´
Roses, Chinese Democracy, komi
út í mars á þessu ári.
Engin yfirlýsing hefur verið
gefin út opinberlega þess efnis.
Axl Rose, söngvari sveitarinnar,
hefur frestað plötunni hvað eftir
annað þrátt fyrir ýmis loforð og
því ber að taka þessum orðrómi
með miklum fyrirvara. Síðasta
plata Guns N´ Roses með frum-
sömdu efni kom út árið 1991. ■
Ný plata í
mars?
AXL ROSE Forsprakki Guns N‘ Roses hefur
margoft frestað útgáfu nýrrar plötu með
hljómsveitinni.
FRÉTTIR AF FÓLKI
Brad Pitt og kærasta hans Angelina Jolie, eru að hugleiða að kaupa
sér villu í Frakklandi og flytjast alfarið
þangað. Hafa þau nú þegar komið auga
á fasteign sem myndi henta. Er það 127
ára gömul villa sem var eitt sinn í eigu
tískuhönnuðarins Yves Saint-Laurent.
Vill parið feta í fótspor Johnny Depp og
konu hans Vanessu Paradis sem eru
alfarið flutt á meginland Evrópu. Lúx-
usvillan sem þau eru að
spá í að kaupa
heitir Chateu
Gabriel og
státar af 9.
svefnher-
bergjum.
Heróínhausinn Pete Doherty fór á stórkostlegt fyllerí um áramót-
in vegna þess að hann sá myndir af
fyrrverandi kærustu sinni, Kate Moss,
þar sem hún er að kyssa tvítugan dreng
að nafni Jamie. Á Pete að
hafa gengið gjörsamlega
af göflunum og farið
gjörsamlega yfir um
á drykkjunni, jafnvel
miðað við hans viðmið.
Eins og alþjóð veit lét
Kate Pete róa á
dögunum eftir
stormasamt
samband sem
einkenndist
af dópi og
drykkju.
Meg White, annar helmingur rokk-
dúettsins The White Stripes sem
hélt eftirminnilega tónleika í Höll-
inni á síðasta ári, verður næsta
andlit bandaríska tískuhönnuðar-
ins Marc Jakobs.
Myndir fyrir auglýsingaher-
ferð hönnuðarins vegna nýrrar
fatalínu hafa þegar verið tekn-
ar. Jakobs hefur áður unnið með
þekktum nöfnum úr tónlistar-
heiminum á borð við Sonic Youth
og Stephen Malkmus, fyrrum for-
sprakka Pavement. ■
Meg White í
tískubransann
THE WHITE STRIPES Annar helmingur rokk-
dúettsins The White Stripes er nýtt andlit
Marc Jakobs.
Fyrsta bókin um Narníu: Ljónið,
nornin og skápurinn er nú komin
á hvíta tjaldið, þökk sé Andrew
Adamsson sem komst á kvik-
myndakortið með Skrekk 2. Eins
og flestir ættu að vita er þetta
ævintýrabók eftir rithöfundinn
C.S. Lewis sem hafði brennandi
áhuga á goðafræði, sérstaklega
norrænni, var prófessor við Cam-
bridge háskólann og auk þess
besti vinur J.R.R. Tolkiens. Narn-
íu-bækurnar sex voru eins konar
epísk ferð höfundarins, andleg
leit sem byggir mjög stíft á kristn-
um táknum og sögum. Þar sem
ég eyddi æskuárunum í úthverfi
Lundúna fékk ég Narníu-bækurn-
ar í æð jafnt og Hobbitt og Hringa-
dróttinssögu, og var mjög spennt
að sjá hana öðlast líf á stóra tjald-
inu. Ég varð síður en svo fyrir von-
brigðum með Tolkien-heim Peters
Jackson og sýnishornin úr Narníu
lofuðu svo sannarlega góðu. En um
leið og ég sá börnin fjögur í útgáfu
Adamssons fékk ég hroll. Þau voru
einhvern veginn svo ótrúlega pirr-
andi við fyrstu kynni að ég var
í vandræðum með að horfa á þau
það sem eftir var myndarinnar.
Elstu börnin, Pétur og Súsanna
voru einstaklega afleit og voru
stirðbusalega leikin. Játvarður,
sá sem svíkur systkini sín - svona
eins konar Júdas-karakter sög-
unnar og virkilega vondur í fyrstu
bókinni - er bara fúll og leiðinleg-
ur skólastrákur í þessu tilfelli. Sú
skásta í hópnum er yngsta systirin
Lucy, leikin af Georginu Henley,
sem var krúttleg og sú eina sem
sannfærði mig í hlutverki sínu.
Það er eitthvað mjög afkáralegt
við byrjun myndarinnar, og það
tekur Adamsson óratíma að koma
börnunum inn í skápinn og yfir til
Narníu. Þar fara þó hlutirnir að
skána, og maður getur haft gaman
af ægifögru umhverfi og falleg-
um myndatökum. Það var samt
eitthvað sem ég kaupi ekki við
talandi dýr í myndum. Einhvern
veginn er ég ginnkeyptari fyrir
álfum, dvergum og forynjum eins
og í Hringadróttinssögu Peters
Jackson heldur en fyrir afar raun-
verulegum ref, bjórum og úlfum
sem láta gamminn geysa. Þetta
er afspyrnu vel gert, en það gerir
myndina strax eitthvað óskaplega
Disney-lega og barnalega. Þetta
er auðvitað atriði sem leikstjórinn
getur lítið við ráðið ef hann vill
vera bókinni trúr og bendir frekar
á hversu undarleg saga Lewis er í
raun og veru. Það verður eitthvað
verulega ósannfærandi við sögu
þar sem úir og grúir af svo ólíkum
verum - allt frá kentári til jóla-
sveins: en þessa ofgnótt af táknum
gagnrýndi J.R.R. Tolkien einmitt
á sínum tíma.
Það eina sem virkilega hreif
mig í myndinni var túlkun Tildu
Swinton á vondu norninni Jadis.
Swinton er bæði frábær leikkona
og einstaklega glæsileg, konung-
leg og í senn furðuleg í útliti og
hentaði hlutverkinu fullkomlega.
Það var hrein unun að sjá hana
arka um í tignarlegum, frábærlega
hönnuðum búningum og öskra á
hinn leiðinlega Játvarð umkringd
talandi og urrandi úlfum. Hún
er hinn fullkomni holdgervingur
hins vonda - sem táknar um leið
nasistana sem hröktu börnin með
sprengjuárásum sínum frá heim-
ilinu í Lundúnum. Fyrsta sena
Swinton, þar sem Hvíta Nornin
platar Játvarð til að framselja
systkini sín í stað sætinda er sú
besta í myndinni. Atriðin þar sem
Aslan deyr og endurfæðist og loka-
bardaginn um Narníu eru vissu-
lega falleg og ekkert hægt að setja
út á framsetningu Adamssons sem
hefur greinilega lært mikið af
Hringadróttinssögu Peter Jack-
sons. Tæknibrellur eru allar mjög
góðar og myndin er mikið fyrir
augað. Mér fannst bara krakk-
arnir svo óþolandi að ég hélt með
norninni. Og svo fór leikstjórinn
alveg með mig í lok myndarinnar
þegar börnin eru sýnd fullorðin á
þeysireið um sléttur Narníu. Þau
voru klædd í fáránlega miðalda-
búninga og Pétur var kominn með
sítt hár, fjöður og skegg. Þetta
var eins og atriði úr Monty Pyt-
hon and the Holy Grail, nema það
átti ekki að vera fyndið. Þetta var
álíka vandræðalegt og söngur Ara-
gorns (Viggo Mortensen) í síðustu
Hringadróttinsmyndinni. En jæja.
Ég get þó sagt með sanni að börnin
mín nutu myndarinnar í alla staði,
enda ekkert betra fyrir smáfólk
en hressandi barátta milli góðs
og ills. En fullorðnir C.S. Lewis
aðdáendur: þið megið alveg sleppa
þessari bíóferð.
Anna Margrét Björnsson
Hélt með norninni
[ UMFJÖLLUN ]
KVIKMYNDIR
NARNIA
LEIKSTJÓRI: ANDREW ADAMSSON
AÐALHLUTVERK: GEORGIE HENLEY,
SKANDAR KEYNES, WILLIAM MOSELEY
NIÐURSTAÐA Hressandi barátta milli góðs og
ills fyrir börnin. Fullorðnir aðdáendur C.S. Lewis
mega hins vegar alveg sleppa þessari bíóferð.
HUGSAÐU STÓRT
SÍMI 564 0000
Yndisleg jólamynd fyrir alla fjölskylduna
���1/2
- MMJ
Kvikmyndir.com
���
- Topp5.is
Sýnd kl. 5.40, 8 og 10.20
����
- ÓÖH DV
Sýnd kl. 4, 6, 8 og 10
Lúxus kl. 4, 6, 8 og 10 B.i. 14 ára
20% afsláttur af
miðaverði fyrir
viðskiptavini KB banka
Sýnd kl. 5.30, 8 og 10.30 B.i. 12 ára
Sýnd kl. 8 og 10 B.i. 16 ára
Sýnd kl. 4 og 6 ÍSLENSKT TAL
„Persónurnar eru
trúverðugar og
leikurinn í flestum
tilvikum fyrsta
flokks“...„Baltasar
finnur smjörþefinn af
Hollywood“
����
- Dóri DNA - DV
����
- Toronto Sun
Stórkostleg ævintýramynd frá meistara
Terry Gilliams byggð á hinum frábæru
Grimms ævintýrum með Matt Damon og
Heath Ledger í aðalhlutverkum
SÍMI 551 9000
400 kr. í bíó! Gildir á allar sýningar merktar með rauðu
Sýnd kl. 6 Íslenskur texti
Sýnd kl. 5, 7, 9 og 11 B.i. 14 ára
20% afsláttur af
miðaverði fyrir
viðskiptavini KB banka
„...líklega besta kvikmyndatónlist
Íslendings til þessa“
VG - Fréttablaðið
Sýnd kl. 5.30, 8 og 10.30 B.i. 12 ára
���
1/2 - MMJ
Kvikmyndir.com
���
- Topp5.is
Sýnd kl. 10.30
Sýnd kl. 6, 8 og 10
...áhugaverð og fáguð
kvikmynd sem veitir
ferskum straumum
inn í íslenska
kvikmyndagerð
����
- HJ MBL
Stórkostleg ævintýramynd frá meistara
Terry Gilliams byggð á hinum frábæru
Grimms ævintýrum með Matt Damon og
Heath Ledger í aðalhlutverkum