Fréttablaðið - 05.01.2006, Side 37

FIMMTUDAGUR 5. janúar 2006
Fyrir nokkrum árum síðan var
mikið talað um litgreiningu og
allir vissu hvaða árstíð þeir
voru og völdu sér föt eftir því.
Nú virðist enginn láta litgreina
sig lengur og flestir kaupa sér
bara föt í þeim litum sem þeim
finnst flottir.
Litgreiningin er samt ennþá til en
árstíðakerfið sem allir þekktu er
ekki lengur notað. Þess í stað er
stuðst við svokallað tonal-kerfi
þar sem litarhaft fólks er flokkað
í heitt og kalt, milt og dökkt, skært
og ljóst og svo framvegis. Þeir
sem hafa áhuga því á að læra að
litgreina sjálfa sig eftir nýja kerf-
inu geta til dæmis farið á nám-
skeið hjá Önnu F. Gunnarsdóttur
í Önnu og útlitinu en hún kennir
fólki að klæða sig og mála eftir lit-
arhafti. Það er alveg tilvalið svona
í skammdeginu að drífa sig á nám-
skeið í litgreiningu og komast að
því hvaða litir klæða mann best.
Vetur, sumar, vor & haust
Það skiptir máli hvaða litir eru hafðir næst andlitinu.