Fréttablaðið - 05.01.2006, Síða 66

5. janúar 2006 FIMMTUDAGUR50
KÖRFUBOLTI AJ Moye, leikmaður
Keflavíkur í Iceland Express-deild
karla, var í gær dæmdur í þriggja
leikja keppnisbann fyrir olnbogaskot
sem hann veitti Jeb Ivey, leikmanni
Njarðvíkur, í leik liðanna þann 30.
desember síðastliðinn.
Guðjón Skúlason, leikmaður og
aðstoðarþjálfari Keflavíkur, telur
dóm aganefndar verða harðan. „Ég
er hissa á þessari niðurstöðu. Það er
verið að gefa fordæmi með þessum
dómi. Það er oft erfitt að meta
það hvort um viljaverk er að ræða
þegar svona á sér stað. Persónulega
held ég að þetta hafi ekki verið
viljaverk hjá Moye. Það eru margir
pústrar í hverjum einasta leik sem
þarf að meta og það er erfitt fyrir
dómara að taka á atvikum eins og
þeim sem komu upp gegn Njarðvík.
Allir þeir sem spila körfubolta vita
að óviljandi olnbogaskot eru afar
algeng og ef það ætti að refsa fyrir
þau öll með leikbönnum, þá væru
leikmenn nú meira eða minna í
leikbanni allt árið.“
Ágúst Jóhannesson, formaður
aganefndar KKÍ, segir nefndina
hafa kynnt sér málsatvik vel. „Við
teljum þriggja leikja bann vera
hæfilega refsingu. Við reynum
ávallt að gæta samræmis í okkar
dómum og að vel athuguðu máli
fannst okkur eðlilegt að dæma
leikmanninn í þriggja leikja bann.
Það sem vó þungt í málinu er það
að olnbogaskotið á sér stað þegar
boltinn er ekki í leik. Við skoðum
myndbandsupptökur af atvikinu,
staðfestingu dómara leiksins að
þeir hafa ekki séð atvikið og svo
fengum við einnig nokkuð ítarlega
greinargerð frá hinum kærða. Við
tökum ekki afstöðu til þess hvort
um viljaverk var að ræða, heldur
fyrst og fremst ljótt brot sem okkur
fannst eðlilegt að taka á með þeim
hætti sem við gerðum.“
Moye mun missa af bikarleik
gegn Tindastóli og tveimur
deildarleikjum, gegn Hetti og
Hamar/Selfoss. magnush@frettabladid.is
Fékk þriggja leikja bann
AJ Moye, leikmaður Keflavíkur, hefur verið dæmdur í þriggja leikja bann fyrir oln-
bogaskot í leik gegn Njarðvík. Aðstoðarþjálfaranum finnst dómurinn harður.
VERKNAÐURINN AJ Moye veitir Jeb Ivey olnbogaskot í leik Keflavíkur og Njarðvíkur.
FRÉTTABLAÐIÐ/VÍKURFRÉTTIR
FÓTBOLTI Portúgalski
miðjumaðurinn Maniche er
síðasta stykkið sem vantaði í
púsluspil miðjunnar hjá Chelsea,
að sögn Jose Mourinho stjóra
liðsins en leikmaðurinn hefur
náð samkomulagi við Chelsea og
verður keyptur á fimm milljónir
punda.
„Nú er ég með Makelele, Lamp-
ard, Essien, hinn unga Diarra og
með fjölbreytileika Joe Cole og
Eiðs Smára Guðjohnsen er Man-
iche síðasti leikmaðurinn sem ég
þurfti til að ná stöðugleika á mið-
svæðið,“ segir Mourinho.
Jose Mourinho um Maniche, nýjasta liðsmann Chelsea:
Leikmaðurinn sem vantaði
MANICHE á leið til Chelsea.
������
����������������
��������
��������
�������� ������� �������������������
��������������������������
���������
���� ��
FÓTBOLTI Haraldur Freyr
Guðmundsson, landsliðsmaður í
knattspyrnu, segist ekki vera á
förum frá norska félaginu Aalesund
en úkraínska félagið Shaktar
Donetsk bauð 1,5 milljónir norskra
króna í Harald fyrir skömmu en
Aalesund hafnaði kauptilboðinu.
„Tilboðinu var hafnað strax.
Ég hef ekkert verið að hugsa mér
til hreyfings en ég hef þó heyrt af
áhuga liða hér í Noregi. En undir-
búningstímabilið er í fullum gangi
núna þannig að ég er fyrst og
fremst að einbeita mér að því þessa
stundina. Það verður bara að koma
í ljós hvort ég verð hér áfram eða
ekki.“ - mh
Haraldur Guðmundsson:
Verður líklega
um kyrrt
HARALDUR FREYR GUÐMUNDSSON Harald-
ur lék vel með Aalesund á síðasta tímabili.
FÓTBOLTI Pólski landsliðsframherj-
inn Emmanuel Olisadebe hefur
gengið í raðir Portsmouth frá
gríska félaginu Panathinaikos.
Pólverjinn, sem er fæddur
í Nígeríu, var hjá félaginu til
reynslu á dögunum. Honum gekk
ekki sérstaklega vel en fékk þrátt
fyrir það samning.
Emmanuel Olisadebe:
Farinn til
Portsmouth
Iceland Express-deild kvk:
KR-BREIÐABLIK 57-64
ÍS-KEFLAVÍK 65-83
Enska úrvalsdeildin:
MAN.CITY-TOTTENHAM 0-2
0-1 Mido (31.), 0-2 Robbie Keane (83.)
STAÐA EFSTU LIÐA:
CHELSEA 21 19 1 1 46-10 58
MAN. UNITED 21 13 6 2 40-17 45
LIVERPOOL 19 12 5 2 28-11 41
TOTTENHAM 21 11 7 3 31-18 40
ARSENAL 20 10 4 6 27-15 34
WIGAN 21 11 1 9 25-26 34
BOLTON 19 9 5 5 25-20 32
BLACKBURN 20 9 3 8 26-25 30
MAN. CITY 21 8 4 9 27-24 28
WEST HAM 21 7 5 9 27-30 26
NEWCASTLE 20 7 5 8 20-23 26
ÚRSLIT GÆRDAGSINS
FÓTBOLTI Einn leikur fór fram í
ensku úrvalsdeildinni í gær þegar
Tottenham lagði Man. City, 2-0
Egyptinn Mido kom Spurs yfir
eftir mistök í vörn City og Keane
bætti við góðu marki í síðari hálf-
leik. Sigur Spurs var mjög sann-
gjarn enda liðið sterkara allan
leikinn.
Enska úrvalsdeildin:
Spurs sigraði
Man. City
MARK Leikmenn Spurs fagna hér marki
Midos í gær. FRÉTTABLAÐIÐ/GETTY IMAGES