Fréttablaðið - 05.01.2006, Blaðsíða 70

5. janúar 2006 FIMMTUDAGUR54
1
6 7 8
10
13
119
12
15
16
18
21
20
17
14
19
2 3 4 5
TÓNLIST Ég er kannski voðalega eftir
á, en ég er komin með algjört æði fyrir
Mugison eftir að hafa séð nýju myndina
hans Baltasars: „A Little Trip To Heaven“.
Mér finnst þetta æðisleg tónlist sem
hann býr til. Annars hlusta ég alltaf
mikið á hiphop og R&B. Það sem flestir
myndu flokka sem djammtónlist.
BÓK Ég var að ljúka við Djöflatertuna
eftir þær Mörtu Maríu Jónasdóttur
og Þóru Sigurðardóttir. Það þótti mér
æðislega skemmtileg lesning. Svo er
ég að byrja á Roklandi eftir Hallgrím
Helgason og líst bara vel á, enn sem
komið er.
BORG Sú borg sem stendur hjarta mínu
alltaf næst er New York, en þegar mig
langar til að líða vel er nóg fyrir mig að
láta hugann reika til Manhattan. New
York er besta borg í heimi og manni
getur ómögulega leiðst þar. Ég fíla
stemninguna, matinn, þá fjölþjóðlegu
menningu sem ríkir í þessum alheims
suðupotti og síðast en ekki síst er hægt
að versla endalaust í New York.
BÍÓMYND Ég sá nýlega listaverk í Regn-
boganum, sem var himnaferð Baltasars
Kormáks: A Little Trip To Heaven. Þessi
bíómynd fannst mér snilldarvel útfærð,
sagan er góð og lúkkið á myndinni flott.
Held að allir geti verið sammála um að
þetta sé besta mynd Baltasars til þessa.
BÚÐ Rokk og rósir er skemmtilegasta
viðbótin í flóru tískuverslana í
Reykjavík um þessar mundir. Þar er
hægt að finna geðveik föt.
VERKEFNI Það sem er á döfinni
er auðvitað að fylgja eftir nýja
sjónvarpsþættinum mínum,
„Party 101“, almennilega úr
hlaði, en fyrsti þátturinn úr
seríunni verður frumsýndur á
sjónvarpsstöðinni Sirkus þann
18. janúar. Í þættinum verður
að finna skemmtilega umfjöllun
um einstakt skemmtanalífið í
Reykjavík, og sem ég vona að
falla muni landsmönnum vel í
geð.
AÐ MÍNU SKAPI BRYNJA BJÖRK GARÐARSDÓTTIR DAGSKRÁRGERÐARKONA Á SIRKUS
Mugison, New York og partílífið í 101
Óvíst er um framhald Spurninga-
keppni Grand Rokks, eða Drekktu
betur eins og hún er stundum kölluð.
Síðustu tvö og hálft ár hefur keppnin
verið haldin á Grand Rokki á
Smiðjustíg, en hinn 12. janúar skiptir
staðurinn um eigendur og teflir það
framtíð keppninnar í tvísýnu. „Við
kennum spurningakeppnina við
Grand Rokk og ég veit ekki hvað
verður þegar staðurinn skiptir
um eigendur,“ segir Kristinn
Kristjánsson, kennari og einn
skipuleggjenda keppninnar. „Margir
áhugamenn um keppnina hafa komið
að máli við mig vegna þessa og ég
heyri að menn eru uggandi.“
Spurningakeppni Grand Rokks
hefur verið haldin í rúm 130 skipti
og notið vinsælda frá upphafi.
Margir þátttakenda mæta á hverjum
föstudegi og oft eru þjóðþekktir
menn í hlutverki spyrils. Nú er svo
komið að síðustu fjórar keppnir
verða taldar niður næstu föstudaga.
Auk Kristins hafa Davíð Þór Jónsson
þýðandi, Jón Proppé heimspekingur
og Freyr Eyjólfsson útvarpsmaður
haft veg og vanda af umsjón
keppninnar, en sá síðastnefndi setti
hana á laggirnar á sínum tíma. „Við
munum því sjá um þessar keppnir
sem eftir eru,“ segir Kristinn. „Ég
spyr á föstudaginn, þá Davíð, svo
Jón og Freyr rekur lestina.“
Kristinn er hins vegar bjart-
sýnn á að Drekktu betur eigi sér
framtíð. „Ég vona vitaskuld að
keppnin muni halda áfram. Ef svo
verður leiðir tíminn í ljós hvort
það verði á sama stað eða í nýjum
húsakynnum.“ - bs
KRISTINN KRISTJÁNSSON Segir framtíð keppninnar óvissa en er bjartsýnn á að hún geti
haldið áfram. FRÉTTABLAÐIÐ/E.ÓL
Óvíst um framtíð Drekktu betur
FRÉTTIR AF FÓLKI
Dómur Björns Inga Hrafnssonar um áramótaskaupið er í frekar
„pólitískum“ anda. Hann segist
ekki hafa verið sáttur með skaupið
en geri sér grein fyrir því, líkt og í
pólitíkinni, að einhverjir séu honum
ósammála. „Mér fannst skaupið í
heildina ekki nógu gott enda þótt
í því hafi verið nokkur óborganleg
atriði,“ skrifar frambjóðandinn á
heimasíðu sinni. Hann lætur þess einnig
getið að einhverjir
stjórnmálamenn
hafi ekki verið
á sama máli en
frambjóðandinn
ætti nú að vera
vanur því. Björn
Ingi hefur þó
ekki misst trúna á
Áramótaskaupið
heldur skrifar:
„Ég verð samt
fyrir framan
skjáinn á næsta
ári límdur við
tækið ásamt
fjölskyldunni og horfi í skaupið.“
Össur Skarphéðinsson fór á Bessastaði á nýársdag, eins og flestir alþingismenn,
og lýsir á nokkuð skondinn hátt þegar hann
hitti Guðna Ágústsson landbúnaðarráðherra
en hann hafði fyrr um daginn verið
sæmdur stórriddarakrossi. „Ég var ekki
með gleraugun á nefinu en sá að það
glitraði á eitthvað sem minnti á jólaskraut
á bringunni á landbúnaðarráðherranum.
Mér datt fyrst í hug að Guðni hefði að
sveitasið faðmað frú Dorrit svo fast að
einhvert djásnið hefði krækst í boðunginn
á honum,“ skrifar Össur og heldur síðan
áfram. „Ég fagnaði Guðna kollega vel en
hann var þá eldrauður í framan og kom
varla upp orði. Það hýrnaði yfir mér. Ég hélt
að menn væru loksins farnir að veita sterkt
í glösin á Bessó. En nýja árið byrjaði ekki
svo vel.“ Össur lýsir því síðan þegar hann
tekur eftir að það er stórriddarakrossinn
sem hefur verið strengdur um hálsinn á
Guðna. „Eins og band sem
er reyrt yfir heypoka,“
skrifar Össur. „Hann
hékk framan á honum
niðurúr bláu reipi sem
Ólafur Ragnar hafði
- vonandi í ógáti
- reyrt svo vandlega
um háls ráðherrans í
serimóníu fyrr
um daginn
að Guðni gat
varla andað.“
Ásamt hinum rauðu tveggja
hæða strætóum er ekkert jafn
einkennandi fyrir Lundúnaborg og
hinir svörtu leigubílar, að minnsta
kosti ekkert sem getur tekið farþega
um borð. Tveir rauðir strætóar hafa
verið fluttir hingað til lands og er
annar þeirra notaður til að ferja
túrista (líklega suma komna frá
London) á sumrin, en hinn er í eigu
símafyrirtækisins Og Vodafone. Nú
hefur Vodafone bætt um betur og
einnig flutt inn breskan leigubíl.
„Þetta var fyrst og fremst
hugsað sem ágætis umhverfis-
auglýsing,“ segir Björn Víglundsson,
framkvæmdastjóri markaðssviðs Og
Vodafone. „Við eigum eina rútu sem
við notum sem stórt auglýsingaskilti
og færanlega verslun ef það er
einhver uppákoma. Við könnuðum
möguleikann á því að kaupa leigubíl,
og komumst að því að það var hægt
að fá einn með stýrið réttum megin,
en bílarnir eru einnig í notkun í
Norður-Ameríku og Þýskalandi.
Rútan var 25 ára gömul þegar við
keyptum hana og hafði verið notuð
til farþegaflutninga í London, en
bíllinn er beint úr kassanum.“
Fyrirtækið LTI (London Taxis
International) rekur sögu sína
aftur til ársins 1919, en árið 1948
hófst framleiðsla á sem brátt urðu
þekktir um allan heim sem eitt
af einkennum London, enda voru
bílarnir í fyrstu notaðir í London
þó að smám saman hafi þeir dreifst
um allar Bretlandseyjar og víðar.
Árið 2002 kom nýjasta gerðin af
leigubílnum á markað, sem nefnist
TXII, en það er einmitt þessi tegund
sem nú hefur ratað til Íslands. En
hver eru helstu einkenni bílsins?
„Hann er með dísilvél og hefur
ótrúlega langan notkunartíma. Það
er fátt í honum sem getur bilað
nema ljósaperurnar. Hann getur
tekið sex farþega, eða tveimur fleiri
en aðrir leigubílar af venjulegri
stærð. Bíllinn er mjög rúmgóður
og farþeginn getur tekið allan sinn
farangur með sér inn í bílinn án
þess að þurfa að notast við skottið.
Svo er rampur fyrir hjólastóla og
sjálfvirk barnalæsing.“
Bíllinn er þó ekki ódýr.
„Hann er á verði lúxusjeppa.
Hann kom til landsins milli jóla
og nýárs, og mun fara í almennan
rekstur í byrjun febrúar þegar
leigubílstjóri mun leigja bílinn. Þetta
verður þá eini leigubíllinn í bænum
sem mun einnig selja frelsiskort,
þannig að fólk getur fyllt á símann
í leiðinni.“
Ætlunin með bifreiðakaupunum
er einnig að kynna nýja þjónustu,
enda hefur bíllinn númeraplöturnar
Live.
„Þjónustan nefnist Vodafone
live, og er það sem við köllum
„virðisaukandi þjónustu“. Þú getur
fengið mörkin niðurhlaðin beint í
símann, eða fréttir frá NFS og Vísi,
þú getur keypt hringitóna og leiki,
fengið upplýsingar um hlutabréfin
þín eða gengi gjaldmiðla. Nýju Og
Vodafone Live símarnir eru þó
ekkert dýrari en þeir gömlu, þar
sem við getum nú keypt þá beint
frá fyrirtækinu á afar hagstæðum
kjörum,“ segir framkvæmdastjóri
markaðssviðsins. ■
OG VODAFONE: KAUPIR BRESKAN LEIGUBÍL
Lundúnataxar beygja betur
MEÐ DÍSILVÉL OG TEKUR SEX FARÞEGA.
HRÓSIÐ...
...fær Ólafur Sigurðsson frétta-
maður sem hefur sest í helgan
stein eftir langan og farsælan
feril hjá RÚV.
LÁRÉTT
2 stórt spendýr 6 í röð 8 spíra 9
vandlega 11 skóli 12 teygjudýr 14
helgimyndir 16 utan 17 runa 18
hafði sæti 20 klukkan 21 þriggja
manna hljómsveit.
LÓÐRÉTT
1 hvetja 3 hætta 4 dagatöl 5 draup
7 námskeið 10 rúm ábreiða 13 al 15
tigna 16 kærleikur 19 golf áhald.
LAUSN
LÁRÉTT: 2 hval, 6 rs, 8 ála, 9 vel, 11
mk, 12 amaba, 14 íkona, 16 án, 17
röð, 18 sat, 20 kl, 21 tríó.
LÓÐRÉTT: 1 örva, 3 vá, 4 almanök, 5
lak, 7 semínar, 10 lak, 13 bor, 15 aðla,
16 ást, 19 tí.
[ VEISTU SVARIÐ ]
1 Björk Vilhelmsdóttir.
2 Guðjón Valur Sigurðsson handb.
3 Vestur-Virginíu
Íhugar húsakaup á Íslandi
Tarantino á Rex
Kelaði við Rose úr
þættinum
Charmed
DV2x10 4.1.2006 21:27 Page 1