Fréttablaðið - 05.01.2006, Blaðsíða 59

FIMMTUDAGUR 5. janúar 2006 43
Eins og Íslendingar vita, sem
hafa ferðast mikið erlendis,
og þá einkum til Austurlanda,
hefur hrár fiskur löngum þótt
sælkerafæða í þeim heimshluta.
Þessi framreiðsla á fiskmeti hefur
breiðst út á undanförnum áratugum
og í dag er væntanlega ekki það
land til í heiminum sem ekki
býr svo vel að hafa veitingastað
sem býður upp á sushi. Nú hefur
nýr sushi staður opnað í miðbæ
Reykjavíkur. Veitingastaðurinn
Osushi var opnaður þann 2.
desember síðastliðinn á annarri
hæðinni í Iðu við Lækjargötu.
Að því er framkvæmdastjórinn,
Kristján Þorsteinsson, segir hafa
viðtökurnar verið framar vonum.
,,Við ráðum í raun ekki við meira,
það hefur verið allt fullt hjá okkur
síðan við opnuðum og við höfum
ekkert auglýst okkur þannig að
það er góðs viti. Við tökum um
30 manns í sæti og staðurinn er
þannig að þú kemur og sest við
borðið. Síðan er færiband sem
kemur með matinn til þín og þú
tínir á diskinn það sem þú vilt.“
Eigendur að þessum stað eru
þeir sömu og eiga Humarhúsið
hér í bænum. Kristján segir að
matreiðslan á Osushi fari eftir
mjög ströngum gæðakröfum. ,,Við
gerum þetta alveg eins og á að gera
þetta. Grjónin okkar fara aldrei í
kæli eftir að búið er að elda þau.
Maturinn á færibandinu hefur
einungis fjögurra klukkustunda
líftíma og eftir það er honum hent.
Þannig er okkar matur alltaf eins
ferskur og völ er á. Það er líka
nauðsynlegt þar sem þetta er mjög
vandmeðfarið hráefni.“ Kristján
segir að staðurinn bjóði einnig
upp á aðra möguleika fyrir þá sem
vilja ekki hrámeti. ,,Það er eitt og
annað sem við erum með líka. Þar
má nefna andarsalat, nautasalat,
krabbasalat og kjúklingasúpur
og sjávarréttasúpur en allt er
þetta með japönsku ívafi,“ segir
Kristján að lokum.
Sushi á
færibandi
Hrámetið rennur ljúflega í gegn.
Um áramótin lækkaði verð á
danska bjórnum Slots í vínbúðum.
Hann er nú langódýrasti bjórinn.
Næstur í verði er frændi hans
Thor sem kostar 99 kr. og vakti
frétt í Ríkissjónvarpinu á dögunum
um hann mikla athygli en þar var
borið saman verð á honum og 33 cl
kókdós sem fréttamaður fann í búð
á sama verði.
Fyrirtækið HOB vín ehf. flytur
inn þessar ódýru tegundir, en
fyrirtækið var leiðandi í lækkun
bjórverðs til neytenda fyrir
þremur árum þegar það hóf að
flytja inn Faxe. Sigurður Bernhöft,
framkvæmdastjóri HOB, segist
stefna að því að bjóða neytendum
upp á verð sem liggi eins nálægt því
verði sem bjóðist í nágrannalöndum
okkar og mögulegt sé, að teknu
tilliti til ofurgjaldanna sem séu
lögð á áfenga drykki hérlendis.
„Enda eru íslenskir neytendur að
kikna undan okrinu og ég hef mjög
gaman af því að benda á hversu há
álagning á þessari matvöru hefur
verið hér á landi. Sem dæmi þá er
Slots Guld núna heilum 40 krónum
ódýrari en sambærilegur bjór frá
Víking, báðir eru þeir 5,6% að
styrkleika. Slots er þó fluttur um
langan veg frá Danmörku.
Annar sambærilegur danskur
bjór, Prins Kristian, er einnig 40
krónum dýrari. Ég vil þó alls ekki
leggja dóm á gæði þessara bjóra
sem ég nefni í þessu samhengi,
neytendur eru fullfærir um það,“
segir Sigurður sem einnig bendir
á hátt verð á bjór í Fríhöfninni.
„Þar er danskur bjór, 5,5% í 33 cl
dósum á boðstólum á 99 krónur og
renna þó engin gjöld af honum til
samneyslunnar. Samanburðurinn
verður ennþá óhagstæðari þegar
kemur að Slots-pilsner en hann
er núna ódýrari í vínbúðum en
sambærilegur danskur bjór í
Fríhöfninni. Með öðrum orðum
geta neytendur keypt sér Slots-bjór
á „duty free“ -verði í vínbúðum þó
að sjáfsögðu séu greidd af þeim
öll gjöld og virðisaukaskattur
sem rennur í sameiginlega sjóði
landsmanna.
Slots-bjórinn er bruggaðir
samkvæmt dönskum brugghefðum,
inniheldur maís og bygg. Bjórinn
er frísklegur og bragðgóður í
alla staði. Danir kaupa Slots í
miklum mæli í Þýskalandi, en
þar er danskur bjór ódýrari
en í Danmörku. Danir
hafa landfræðilegan og
pólitískan kost á að gefa
gjaldastefnu stjórnvalda
langt nef, ólíkt Íslend-
ingum sem eru í
gíslingu af pólitískum
og landfræðilegum
orsökum og komast
hvergi.“
Verð í vínbúðum:
Slots-pilsner kostar
89 krónur og Slots
Guld 119 krónur.
Kassi af Slots-
Pilsner kostar 2.136
kr.
SLOTS: Fríhafnarverð á bjór í vínbúðum
AF
SL
ÁT
TU
R 10%
20%30%
40
%
50
%
60% 70%
Hljóðfærahúsið Laugavegi 176 105 Reykjavík www.hljodfaerahusid.is info@hljodfaerahusid.is Sími 591 5340
KOMIÐ OG GERIÐ FRÁBÆR KAUP.
ALLT AÐ 70% AFSLÁTTUR!
GÍTARAR, TROMMUSETT, UPPTÖKUBÚNAÐUR,
NÓTUR, STATÍF, TÖSKUR OG MARGT FLEIRA
Á FRÁBÆRU TILBOÐSVERÐI!