Fréttablaðið - 28.01.2006, Blaðsíða 18

28. janúar 2006 LAUGARDAGUR18
BRÉF TIL BLAÐSINS
Jafnrétti og réttlæti eru lykilat-
riði í stefnu Samfylkingarinnar.
Viðamesta jafnréttisverkefnið er
enn sem fyrr að tryggja jafnan
rétt og jafna stöðu kynjanna. En
það þarf jafnframt að vinna að
því í miklu meiri mæli en áður
að bæta stöðu ýmissa hópa, svo
sem fatlaðra, fólks af erlendum
uppruna, samkynhneigðra og
aldraðra.
Reykjavíkurborg má ekki
mismuna neinum, heldur verð-
ur hún að vinna að jafnri stöðu
allra án tillits til uppruna, kyn-
ferðis eða mismunandi uppleggs
fólks að öðru leyti. Allir eiga að
hafa sömu mannréttindi. Leggja
þarf aukna áherslu á jafnréttis-
mál kynjanna á öllum sviðum og
í öllum stofnunum og fyrirtækj-
um borgarinnar. Eitt brýnasta
verkefnið til að byrja með er að
tryggja launajafnrétti í reynd.
Fólk af erlendum uppruna hefur
auðgað íslenskt samfélag, enda
hafa fyrirtæki og stofnanir kall-
að eftir fólki til starfa erlendis
frá. Það er þó ekki hægt að líta á
þetta fólk eingöngu sem vinnuafl.
Það þarf að efla íslenskukennslu
fyrir þennan hóp. Gjöld fyrir
málanámið mega ekki verða að
hindrun í þessu efni. Koma þarf
í veg fyrir að hópar af erlendu
bergi einangrist og að spenna
skapist á milli ýmissa hópa vegna
skilningsleysis og samskiptaörð-
ugleika. Þess vegna þarf að auð-
velda samskiptin og tungumálið
er besta samskiptatækið.
Vinna þarf að því að bæta stöðu
samkynhneigðra í samfélaginu.
Þar er eitt brýnasta verkefnið að
draga úr fordómum og á því þarf
að byrja strax í grunnskólum.
Þetta er spurning um mannrétt-
indi. Það þarf að vinna betur að
því að tryggja fötluðum jafnan
rétt á við aðra í samfélaginu. Í
sumum efnum þyrftu sveitarfé-
lögin á höfuðborgarsvæðinu að
taka sig saman um að veita þjón-
ustu við þennan hóp, t.d. er varð-
ar ferðaþjónustu, sem er hvað
þróuðust í Reykjavík. Það hlýtur
hins vegar að vera sóun þegar
senda þarf nokkra sérútbúna bíla
í stað eins bíls til nokkurra ein-
staklinga á sama stað sem nýta
sér þjónustu innan borgarinnar,
bara vegna þess að þessir ein-
staklingar eiga ekki lögheimili í
sama sveitarfélaginu.
Yngstu og elstu aldurshóparn-
ir þurfa eðlilega að jafnaði meiri
þjónustu en aðrir. Öldrunarþjón-
usta er mjög aðþrengd á Íslandi í
dag. Það á ekki hvað síst við um
hjúkrunarheimili sem fá rekstr-
arframlag frá ríkinu sem í fæst-
um tilfellum dugar til að standa
fyllilega undir þeirri þjónustu
sem til er ætlast. Enn er hér
skortur á hjúkrunarrýmum, en
nú hefur verið gert samkomulag
um byggingu hjúkrunarheimil-
is í austurbæ Reykjavíkur með
110 rýmum, auk þess sem stefnt
er að smíði hjúkrunarheimilis
í vesturbænum. En jafnframt
hefur verið unnið markvisst að
því að finna lausnir fyrir þann
hóp aldraðra og sjúkra sem kýs
að búa heima.
Jafnréttisbaráttan hefur því
á sér margar hliðar. Sem fyrr er
eitt viðamesta verkefnið að jafna
stöðu kynjanna, en jafnréttisbar-
áttan þarf einnig að ná til ann-
arra hópa sem hér er fjallað um.
Höfundur gefur kost á sér í 3.
sæti í prófkjöri Samfylkingarinn-
ar í Reykjavík.
Jafnrétti er lykilatriði
UMRÆÐAN
JAFNRÉTTI
STEFÁN JÓHANN STEFÁNSSON

Stúdentaráð Háskóla Íslands
hefur í ár starfað undir nýju fyr-
irkomulagi, sem segja má að hafi
verið afleiðing af niðurstöðum
kosninganna sl. febrúar. Í kosn-
ingunum gerðist það í fyrsta sinn
í langan tíma að engin þeirra fylk-
inga sem buðu fram til ráðsins
hlaut meirihluta og Háskólalistinn
komst í oddastöðu með því að ná
inn einum manni í ráðið.
Þessi nýja staða bauð á ýmis-
legt. Þar á meðal sáu menn fyrir
sér möguleika á auknu samstarfi
milli fylkinganna og þar af leið-
andi meiri virkni og jákvæðari
anda yfir ráðinu í heild en tíðkast
hefur. Að öllu jöfnu hefði þetta átt
að skila sér í kraftmeira Stúdenta-
ráði. Óhætt er að segja að þessar
væntingar hafi fljótlega orðið
að engu. Eftir að viðræður milli
fylkinganna, sem Háskólalistinn
leiddi höfðu staðið yfir í um einn
og hálfan mánuð varð að ná nið-
urstöðu til þess að halda ráðinu
starfhæfu. Niðurstaðan varð sú að
fulltrúi Háskólalistans var kjör-
inn formaður ráðsins með tveim-
ur atkvæðum, á meðan átján stúd-
entaráðsliðar sátu hjá.
Ákveðin stefnubreyting hefur
orðið á hlutverki formanns Stúd-
entaráðs í ár. Hinn nýi formaður
virðist ekki líta svo á að hlutvert
sitt sé að taka frumkvæði og
beita sér í einstökum hagsmuna-
málum stúdenta, heldur fyrst og
fremst að vera sáttasemjari og
eins konar friðarhöfðingi ráðs-
ins. Þessi stefnubreyting hefur
leitt til þess að hagsmunabaráttan
hefur setið á hakanum og mál-
efni stúdenta verið lítt áberandi í
umræðunni á árinu, þrátt fyrir að
jarðvegurinn fyrir slíka umræðu
hafi verið góður. Hver úttektin
á fætur annarri hefur til dæmis
sýnt að Háskóli Íslands stendur
sig afar vel þrátt fyrir að hafa
lítið fjármagn milli handanna.
Innan veggja skólans blasa við
viðfangsefni sem stúdentar ættu
að leita lausna á, s.s gamaldags
kennsluhættir og ófullnægjandi
aðstaða stúdenta. Þrátt fyrir fjöl-
mörg sóknarfæri fyrir stúdenta
og málstað þeirra hefur heimatil-
búin tilvistarkreppa Stúdentaráðs
valdið því að okkar rödd hefur
ekki heyrst á þessum vettvangi.
Grundvallarforsendan fyrir
því að Stúdentaráð er starfrækt
er sú að ráðið sé virkt og forystan
kröftug. Samstarf í orði er til lít-
ils ef því fylgir ekki árangur. Þótt
gott starf hafi verið unnið í mörg-
um nefndum stúdentaráðs í ár þá
er ljóst að núverandi fyrirkomu-
lag hefur ekki í það heila reynst
hagsmunabaráttunni happadrjúgt.
Þessu þarf að breyta.
Kostir þess að sem flestir Stúd-
entaráðsliðar séu virkir í starf-
inu eru ótvíræðir og augljósir.
Núverandi fyrirkomulag hefur
hins vegar einfaldlega ekki leitt
til þess að fleiri Stúdentaráðslið-
ar séu virkir en áður. Það má gera
miklu betur í starfi ráðsins, bæði
hvað varðar að virkja ráðið sem
heild sem og að ná árangri í mál-
efnum stúdenta. Leiðin til þess er
hins vegar ekki sú sem Háskóla-
listinn hefur talað fyrir í ein þrjú
ár en þó aldrei lagt fram tillögur
um, þ.e. að taka upp einstaklings-
kosningakerfi í Stúdentaráð. Slíkt
kerfi myndi ekki leysa þann vanda
sem nú blasir við, það algera
frumkvæðis- og aðgerðaleysi sem
einkennt hefur ráðið. Lausnin er
miklu frekar sú að ráðið komi sér
saman um ákveðna stefnu til að
vinna eftir og að forysta SHÍ láti
verkin tala, fremur en að sitja
með hendur í skauti sér og fagna
ímynduðu samstarfi.
Vaka vill samstarf í Stúdenta-
ráði. En samstarfið þarf að vera á
grundvelli árangurs, en ekki ein-
faldlega samstarfsins vegna.
Inga er formaður Vöku og Árni
er oddviti Vöku í Stúdentaráði.
Staðan í stúdentaráði UMRÆÐAN STÚDENTARÁÐ
HÁSKÓLA ÍS-
LANDS.
ÁRNI HELGASON OG INGA
HREFNA SVEINBJARNARDÓTTIR
Hinn nýi formaður virðist ekki
líta svo á að hlutvert sitt sé að
taka frumkvæði og beita sér í
einstökum hagsmunamálum
stúdenta, heldur fyrst og fremst
að vera sáttasemjari og eins
konar friðarhöfðingi ráðsins.
Flott fyllerí
Ærlegt fyllerí er frábært stundargaman.
Endar oft í algleymi! Að sama skapi
ömurlegt þegar fer að renna af manni
- hausverkur, magapína og minningar
um eitthvað sem miður fór. Sumum
tekst að fresta vandanum með því að
fá sér meira - aftur og aftur - dögum,
vikum og jafnvel árum saman. Veislan
er fín meðan hún stendur og veisluföng
eru nóg.
En sérhver veisla tekur enda, bara spurn-
ing hvenær. Íslensk þjóð er á mjög góðu
fylleríi - mikið keypt og framkvæmt.
Margir með glampa í augum og gleði í
taugum. Veisluföngin eru íslensk náttúra,
erlent vinnuafl og influtt góss. Skuldir
hlaðast upp eins og gengur í stórveisl-
um. Flestir eru nógu ölvaðir til að sjá ekki
fyrir endann á þessari hátíð, en einhverjir
eru þó með rænu og sjá fram á veislulok
með tilheyrandi timburmönnum eftir 1-2
ár. Hvað er til ráða? Auðvitað að fram-
lengja fylleríið um nokkur ár með nýjum
veilsuföngum. Fórna fleiri náttúruperlum
og taka meiri lán. Höldum gleði hátt á
loft. Skál, bræður og systur!
Þorvaldur Örn Árnason líffræðingur.
Níu gefa kost á sér í sex efstu
sætin í forvali á lista VG á laugar-
daginn. Fólkið hefur fjölbreytta
reynslu af atvinnulífi og félags-
starfi. Þar fer fremst meðal jafn-
ingja Valgerður H. Bjarnadóttir
bæjarfulltrúi okkar, reynd og
víðsýn baráttukona. Sjónarmið
VG þurfa að fá aukinn hljóm-
grunn í stjórnun bæjarins.
Þar er nauðsynlegt að halda á
lofti umhverfisvernd, jafnrétt-
is- og velferðarsjónarmiðum
þegar fjallað er um atvinnu- og
menntastefnu bæjarins. Stefnu-
skrá VG sem lögð var fram fyrir
sveitastjórnarkosningarnar 2002
fékk yfirskriftina: „Akureyri -
heilbrigt samfélag“. Þar er lögð
áhersla á samhengi í umhverfis-
heilbrigðis og efnahagsmálum
sem miðar að sjálfbærri þróun.
Heilbrigðu mannlífi og atvinnu-
lífi er ætlað að haldast í hendur
við stjórnun, verndun og nýtingu
á sameiginlegum auðlindum. Síð-
ustu daga hefur komið í ljós að
stefnuskrá VG á landsvísu hlýtur
æ meiri hljómgrunn, samanber
Norðlingaölduveitumálið. Und-
irrituð situr í félagsmálráði og
stjórn Norðurorku hf.
Hvað félagsmálaráð áhrærir
þarf að finna fjölbreyttari úrræði
í þjónustu við aldraða, sjúka og
öryrkja. Þar er fyrst hugað að
geðfötluðum og aðstandendum
þeirra. Þeim málaflokki hef
ég kynnst með starfi í stuðn-
ingshópi Lautarinnar sem er
athvarf fyrir geðfatlaða. Mikið
hefur þó áunnist í búsetumálum
þeirra hér á Akureyri, en brýn
þörf er á að stækka geðdeildina
við FSA. og koma á teymi við
Heilsugæslustöðina sem sinnt
getur forvörnum og eftirfylgni
í bata sjúklinga sem útskrifaðir
eru. Starfsemi Hugarafls þarf að
styrkja og tengja við hugmyndir
um heilbrigt samfélag fyrir alla.
Skólamál og forvarnarbarátta í
áfengis- og vímuvörnum þarfn-
ast öflugra talsmanna sem af
hugsjón og áræðni sinna þeim
fyrir hönd bæjarins. Undirrituð
hefur brennandi áhuga á þess-
sum málaflokkum, ekki síst til
að vinna gegn geðsjúkdómum
síðar.
Hvað Norðurorku hf. varðar
er hún gullkýr Akureyringa og
þarf að tryggja að Akureyrar-
kaupstaður eigi þar áfram meiri-
hluta. Norðurorka var því miður
gerð að hlutafélagi, en ekki sam-
eignarfélagi árið 2002, eins og
gert var við Orkuveitu Reykja-
víkur. Þar með gæti Norðurorka
verði sett á opinberan markað
án þess að bæjarbúar fengju
rönd við reist. Það skiptir því
máli hvaða skilaboð sá flytur
sem fer með meirihlutaumboð
á hluthafafundum í Norðurorku
hf. Undirrituð var eini fulltrúinn
í stjórn Norðurorku sem lagðist
gegn hlutafélagsvæðingu fyrir-
tækisins.
Norðurorka skiptir máli með
aðkomu að orku- og vatnsmiðlun
bæði fyrir heimilin og atvinnu-
starfsemi. Má þar benda á orku-
frekan og vatnsþurfandi iðnað,
svo sem álþynnuverksmiðju sem
vonandi verður reist hér. Norð-
uorka getur gert margþætta
atvinnustarfsemi mögulega á
Akureyri í framtíðinni, sem er
umhverfisvænni en álver og
hefur víðtæk jákvæð margfeld-
isáhrif.
Ég sækist eftir 4 - 6 sæti og
vonast til að einhverjir lesendur
þessarar greinar geri sér ferð
á laugardaginn í Hafnarstætið,
gangi í VG, kjósi og taki svo þátt
í endurritun stefnuskrár fyrir
vorið undir forystu Valgerðar H.
Bjarnadóttur.
Höfundur er framhaldsskóla-
kennari og umhverfisfræðingur.
Aukum hljómgrunn VG
UMRÆÐAN
FORVAL VINSTRI
GRÆNNA
KRISTÍN SIGFÚSDÓTTIR