Fréttablaðið - 24.02.2006, Qupperneq 6

6 24. febrúar 2006 FÖSTUDAGUR
�����������������������������
�������������
��
��
��
��
��
��
�
KJÖRKASSINN
Heldurðu að efnahagsástandið
fari versnandi?
Já 53%
Nei 47%
SPURNING DAGSINS Í DAG
Hefur vinnusiðferði versnað
hérlendis?
Segðu þína skoðun á visir.is
DANMÖRK, AP Danska ríkisstjórnin
hefur boðað til ráðstefnu í Kaup-
mannahöfn í næsta mánuði þar
sem stefnt verður saman íslömsk-
um trúarleiðtogum og dönskum
sérfræðingum, til að efla sam-
ræðu trúarbragða í kjölfar
Múhameðsteikningafársins.
Ríkisstjórnin mun einnig láta
„umtalsverða upphæð“ af hendi
rakna til verkefnis á vegum Sam-
einuðu þjóðanna sem hefur að
markmiði að vinna gegn gagn-
kvæmum fordómum í hinum
íslamska og hinum vestræna
heimi, að því er utanríkisráðherr-
ann Per Stig Møller tilkynnti í
yfirlýsingu í gær. Ennfremur
ætlar ríkisstjórnin að styrkja
íslamska hátíð í Kaupmannahöfn.
Forsætisráðherrann Anders
Fogh Rasmussen sagði á blaða-
mannafundi að það kynni að
þurfa að koma til kasta Samein-
uðu þjóðanna til að binda enda á
fárið. Hann tilgreindi þó ekki
nánar hvað hann ætti við með
þessu.
Heimskirkjuráðið (WCC),
stærstu samtök kristilegra kirkna
heims, sem nær allar helstu
kirkjudeildir utan kaþólsku kirkj-
unnar eiga aðild að, sendi í gær
frá sér ályktun þar sem birting
teikninganna af Múhameð spá-
manni var gagnrýnd, sem og hin
ofbeldisfullu mótmæli múslima
gegn þeim. Heimsþingi samtak-
anna lauk í Porto Alegre í Brasilíu
í gær. - aa
MØLLER OG FOGH Utanríkis- og forsætis-
ráðherra Danmerkur ræða við fréttamenn í
Kaupmannahöfn í gær. FRÉTTABLAÐIÐ/AP
Viðbrögð við Múhameðsteikningafárinu:
Samræða trúarbragða styrkt
HEILBRIGÐISMÁL Samtök blindra og
sjónskertra á Norðurlöndunum,
NSK, hvetja Jón Kristjánsson heil-
brigðisráðherra til að leggja á hill-
una áform um að sameina Sjón-
stöð Íslands og Heyrnar- og
talmeinastöð Íslands.
Enn fremur hvetja samtökin
stjórnvöld til að gera ekkert í svo
viðkvæmu máli án samráðs og
samþykkis hlutaðeigandi samtaka
fatlaðra.
Í ályktun samtakanna segir að
þau þekki ekki til þess að þjónusta
við blinda og sjónskerta annars
vegar og heyrnarlausa hins vegar
fari fram í einni og sömu stofnun-
inni. Jafnframt bendir NSK á að
þessir hópar búa við afar ólíka
fötlun og eigi lítið sameiginlegt
þegar kemur að meðferð og úrræð-
um. - jss
Samtök blindra og sjónskertra:
Ráðherra hætti
við sameiningu
ÍRAK, AP Lík virtrar íraskrar sjón-
varpsfréttakonu og tveggja starfs-
bræðra hennar fundust skammt frá
Samarra-borg í Írak í gær. Þau
höfðu verið skotin til bana.
Jalal Talabani, forseti Íraks, kall-
aði morðin „glæpsamlegt heiguls-
verk“. Þegar blaðamaður spurði
hvort hann myndi leyfa fréttamönn-
um að bera vopn í sjálfsvarnarskyni
sagðist forsetinn mundu leyfa það
umsvifalaust ef formleg beiðni um
slíkt bærist inn á sitt borð.
Konan starfaði sem fréttaritari
fyrir Al-Arabiya-sjónvarpsstöðina
og karlmennirnir unnu sem mynda-
töku- og aðstoðarmaður fyrir annan
miðil. Þau höfðu verið að störfum í
borginni að fylgjast með óeirðunum
sem urðu í kjölfar sprengingar sem
varð í Gullnu moskunni, einum
mesta helgidómi sjíamúslima, á
miðvikudag. Að sögn myndatöku-
manns sem slapp var fólkið um það
bil að halda heim á leið þegar tveir
vopnaðir menn réðust að þeim og
æptu: „Við viljum fréttaritarann“.
Svo rændu þeir fólkinu og óku
burt.
„Við hættum aldrei að ítreka það
að fréttamenn eru hlutlausir og
ómissandi áhorfendur,“ sagði í yfir-
lýsingu sem samtökin Fréttamenn
án landamæra sendu frá sér í gær í
tilefni morðanna. Alls hafa 82
fréttamenn verið myrtir síðan átök-
in í Írak hófust í mars 2003, sam-
kvæmt tölum samtakanna. - smk
Forseti Íraks heimilar fréttamönnum að vopnast:
Sjónvarpsfréttamenn myrtir
SKEMMDIR Moskan sem sprengd var á
miðvikudag. Fréttamennirnir voru að flytja
fréttir af óeirðunum sem urðu í kjölfar
sprengingarinnar. FRÉTTABLAÐIÐ/AP
ÍRAK, AP Vígamenn skutu 47
óbreytta borgara til bana og
skildu lík þeirra eftir í skurði
nærri Bagdad í gær, er átök ólíkra
trúarhópa mögnuðust enn í kjöl-
far sprengjutilræðis í einum
mesta helgidómi sjía á miðviku-
dag. Súnníar aflýstu þátttöku í
viðræðum um myndun nýrrar
ríkisstjórnar.
Að minnsta kosti 111 manns
hafa týnt lífi í átökunum sem fylgt
hafa í kjölfar sprengingarinnar í
Askariya-moskunni, sem oft er
kölluð Gullna moskan, í Samarra
á miðvikudag. Þar á meðal eru
þrír fréttamenn Al-Arabiya-sjón-
varpsstöðvarinnar. Margir Írak-
ar líta svo á að stöðin dragi taum
Bandaríkjamanna í fréttaflutn-
ingi sínum.
Samtök súnníklerka sögðu 168
súnnímoskur hafa orðið fyrir
árásum, tíu bænaformenn hefðu
verið drepnir og fimmtán rænt
frá því sprengingin varð á mið-
vikudag. Talsmenn innanríkis-
ráðuneytisins sögðust einvörð-
ungu geta staðfest upplýsingar
um það sem gengið hefði á í Bag-
dad; ráðist hefði verið á nítján
moskur í borginni, einn klerkur
verið drepinn og annar numinn á
brott.
Átök trúarhópanna ógna nú
áformum um myndun nýrrar rík-
isstjórnar með þátttöku allra
helstu fylkinga Íraka, þar með
talinna súnnía, en herskáustu
uppreisnarmennirnir koma flest-
ir úr þeirra röðum.
Jalal Talabani, forseti Íraks
sem sjálfur er Kúrdi, stefndi
stjórnmálaleiðtogum allra fylk-
inga á sinn fund í gær en stærsti
flokkur súnnía á hinu nýkjörna
Íraksþingi neitaði að senda full-
trúa á fundinn með beinni vísun
til árásanna á moskur súnnía.
Þeir stjórnmálaleiðtogar sem
á fundinn mættu voru sammála
um að besta leiðin til að bregðast
við átökunum væri að mynda
þjóðstjórn allra fylkinga. Hlut-
verk hennar yrði fyrst og fremst
„að koma lagi á öryggismál þjóð-
arinnar og berjast gegn hryðju-
verkum,“ að því er Talabani tjáði
fréttamönnum eftir fundinn.
„Ef eldur innri átaka breiðist
út mun það skaða alla,“ sagði
Talabani.
Til að reyna að afstýra því að
eiginlegt borgarastríð brjótist út
framlengdi ríkisstjórnin útgöngu-
bann í Bagdad og Saleheddin-hér-
aði um tvo daga. Allt tiltækt lið
hers og lögreglu var sett í við-
bragðsstöðu. audunn@frettabladid.is
Átök trúarhópa í
Írak magnast enn
Í kjölfar sprengjutilræðis í einum mesta helgidómi sjíamúslima á miðvikudag
hafa blóðug átök trúarhópa breiðst út um landið. Stærsta stjórnmálahreyfing
súnnía afboðaði þátttöku í viðræðum um myndun þjóðstjórnar.
REIÐI Sjíamúslimar gefa reiði sinni lausan tauminn á mótmælafundi í Bagdad í gær. Æfir sjíamúslimar hafa efnt til ótal hefndarárása gegn
moskum súnnía vegna sprengjutilræðis í helgidómi sjía í Samarra á miðvikudag. FRÉTTABLAÐIÐ/AP
SKOÐANAKÖNNUN Borgarbúar vilja
frekar Dag B. Eggertsson sem
borgarstjóra eftir kosningar en
Vilhjálm Þ. Vilhjálmsson, ef marka
má skoðanakönnun sem IMG
Gallup gerði fyrir Samfylking-
una.
Af allt úrtakið er skoðað vildu
tæp 43 prósent Dag en tæplega 40
prósent Vilhjálm. Af þeim sem
taka afstöðu studdu tæp 52 pró-
sent Dag í borgarstjórastólinn en
rúm 48 prósent Vilhjálm.
Skoðanakönnunin var gerð 14.-
19. febrúar og var úrtakið 800
borgarbúar á aldrinum 18-80 ára.
Svarhlutfallið var 71,4 prósent.
- ghs
Borgarstjórastóllinn:
Fleiri vilja Dag
en Vilhjálm Þ.
Alvarlegt vinnuslys Maður liggur
þungt haldinn á gjörgæsludeild Land-
spítala - háskólasjúkrahúss eftir að
hafa fallið þrjá metra ofan af húsþaki í
Garðabæ skömmu eftir hádegið í gær.
Var maðurinn við vinnu þar en tildrög
slyssins eru ókunn.
Féll í götuna Karlmaður í Hafnarfirði
slasaðist nokkuð við fall af bílpalli. Var
hann fluttur á slysadeild en mun ekki
vera alvarlega slasaður.
Útafakstur í Hafnarfirði Maður
missti stjórn á bifreið sinni í Flatahrauni
í Hafnarfirði í gær með þeim afleið-
ingum að hann ók útaf en keyrði utan
í tvær kyrrstæðar bifreiðar í leiðinni.
Tvennt var flutt á sjúkrahús en meiðsl
þeirra reyndust ekki alvarleg.
Erill í Hafnarfirði Nóg var að gera
hjá lögreglunni í Hafnarfirði í gær. Fimm
ökumenn voru stöðvaðir fyrir hraðakstur
og þurfti lögregla að hafa afskipti af
fimm minniháttar umferðaróhöppum
að auki.
LÖGREGLUFRÉTTIR