Fréttablaðið - 04.03.2006, Qupperneq 36

LAUGARDAGUR 4. mars 2006 5
Viðurkenndur þjónustuaðili
sem byggir á áratugareynslu
Ræsir hefur frá árinu 1942 þjónað landsmönnum dyggilega með innflutningi
og sölu nýrra bíla og varahluta frá ýmsum framleiðendum, auk viðgerðarþjónustu
og sölu á notuðum bílum.
Bílasala
Útvegum flestar gerðir bíla, atvinnubíla jafnt sem fólksbíla , nýja sem notaða.
Áratugareynsla og þekking hjá sölumönnum okkar.
MANTRA 4x4
Atvinnubílar
Traustir atvinnubílar af öllum stærðum
og útfærslum.
Ræsir er umboðsaðili fyrir Mantra 4x4,
torfærutröll sem byggir á traustum
grunni frá Mercedes-Benz.
Bílasalan er opin frá kl. 9–18 alla virka daga og 12–16 laugardaga.
Varahlutaverslun er opin frá kl. 8–18 alla virka daga og 10–14 laugardaga.
Verkstæðið er opið frá kl. 7.30–18 alla virka daga og 9–13 laugardaga.
Viðurkennd, sérhæfð og örugg
varahluta- og verkstæðis-
þjónusta fyrir eftirtaldar
tegundir bifreiða: Mercedes-
Benz, Mazda, Chrysler, Dodge
og Jeep. Öll önnur almenn
verkstæðisþjónusta.
Þjónustumiðstöð
Hekla, umboð Mitsubishi á Íslandi,
hefur nú hafið sölu á Rallitronic-
aflauka fyrir Mitsubishi-dísilvélar.
Aflaukinn er sagður fjölga hestöflum
vélarinnar um þrettán prósent og
togafl hennar um tuttugu prósent.
Hægt er að fá aflaukann í 3,2 lítra
dísilvélar í Pajero árgerðir 2002 til
2006 og í 2,5 lítra dísilvélina í Pajero,
Pajero Sport og L-200 árgerðir 2002
til 2006.
Aflaukinn með ísetningu kostar hjá
Heklu 150.000 kr.
Mitsubishi
aflmeiri
AUKIN HESTÖFL OG TOG Í
MITSUBISHI-JEPPUM.
Íslandsmeistaramótið í snjókrossi
heldur áfram í dag, 4. mars.
Keppnin hefst klukkan 14.00 og er
haldin við Húsavík.
Síðasta umferð WPSA Snocross
fór fram 18. febrúar á Ólafsvík í
frábæru veðri og á góðri braut.
Spennandi verður að sjá hvernig
málin þróast í dag en staðan í
keppninni til Íslandsmeistara er
sem hér segir:
Í unglingaflokki er Aðalbjörn
Tryggvason efstur með 100 stig,
Baldvin Þór Gunnarsson annar
með 95 stig og Páll Snorrason
þriðji með 61 stig.
Fyrsta sæti í sportflokki skipar
Ásgeir Frímannsson með 99 stig, í
öðru sæti er Jónas Stefánsson með
95 stig og í því þriðja er Guðmund-
ur Skúlason með 79 stig.
Í meistaraflokki er von á harðri
keppni. Eftir fjarveru í fyrstu
umferð er Alexander „Lexi“ Kára-
son mættur aftur til leiks og varð í
öðru sæti í annarri umferð. Í
fyrsta sæti var Eyþór Hemmert,
sem er líka efstur í keppninni til
Íslandsmeistara með hundrað stig.
Í öðru sæti er núverandi Íslands-
meistari, Helgi Reynir Árnason,
með 87 stig og í því þriðja er Stein-
dór G. Stefánsson með 79 stig.
Snjókross-
keppni í dag
3. umferð Íslandsmeistara-
mótsins hefst klukkan 14.00
við Húsavík.
Íslandsmeistarinn 2005, Helgi Reynir Árna-
son, er meðal þeirra sem keppa um stig í
3. umferð WPSA Snocross í dag.
Vegna reglugerðabreytinga
neyddist Audi til að skipta út R8-
keppnisbíl sínum sem hefur gert
góða hluti í Sebring og Le Mans
kappökstrunum. Nýi bíllinn heitir
R10 og fyrir utan að hafa slegið
fjögurra ára gamalt brautarmet í
prófunum, vera illilega flottur og
hlaðinn tæknibúnaði gæti ein-
hverjum þótt hann hljóma undar-
lega þegar hann er þaninn. Ástæð-
an er sú að hann er útbúinn 650
hestafla V-12 dísilvél. Já - dísil.
Bandarískir blaðamenn hafa
keppst við að lýsa furðu sinni á
þessari ákvörðun Audi. Framleið-
andinn bendir réttilega á að á
heimamarkaði séu dísilbílar sjötíu
prósent seldra bíla og því ekkert
undarlegt við evrópskan kapp-
akstursbíl með dísilvél.
Þó að þróunarkostnaður vélar-
innar hafi verið gríðarlegur er
hún sögð ævintýralega sparneyt-
in, sem gæti farið að skipta meira
og meira máli í heimi
akstursíþrótta. Ökumenn liðsins
segja að bíllinn standi undir vænt-
ingum sem Audi-bifreið en hafi
mun meira tog. Skyldi engan
undra með 5,5 lítra V-12 dísilmótor
með tveimur túrbínum.
Dísilmótor í Le Mans
Audi stígur skrefið inn í dísilöld akstursíþrótta.
Gamla hugmyndin um um þunga og hæg-
fara dísilbíla hefur endanlega verið jörðuð.

Með einföldum aflauka má fjölga
hestöflum í Mitsubishi-dísiljeppum
umtalsvert.
Vaxtalausir dagar standa
yfir hjá Bílalandi B&L núna
um helgina og eru þá sem
kunnugt er í boði allt að 100
prósenta vaxtalaus bílalán.
Að sögn Guðlaugs A. Sigfús-
sonar, sölustjóra Bílalands,
eru vaxtalausu lánin þau
hagstæðustu sem bjóðast
núna. Þau beri hvorki vexti
né verðtryggingu. Þá sé enn
fremur ekkert lántökugjald
reiknað af þeim og við það
sparist til viðbótar 4,5 pró-
sent af kaupverði bíls.
Guðlaugur bendir jafnframt á
að vaxtalausu lánin séu afar gagnsæ
fjármögnun á bíl. Kaupverðið dreifist
einfaldlega jafnt á fjölda afborgana
og mánaðarlegar greiðslur séu fyrir
vikið þær sömu út lánstímann.
Vaxtalausum dögum lýkur hjá
Bílalandi B&L á morgun, sunnudag
kl. 16.
Vaxtalausir dagar um helgina
NOTAÐIR BÍLAR Á HAGSTÆÐUM 100 PRÓSENTA LÁNUM HJÁ BÍLALANDI.
Hægt er að gera góð kaup á vaxtalausum dögum
Bílalands B&L núna um helgina.