Fréttablaðið - 04.03.2006, Qupperneq 92

HANDBOLTI Stjarnan og Haukar
leiða saman hesta sína í Garða-
bænum í dag klukkan 16.15 í DHL-
deild karla í handbolta. Stjarnan
bar sigurorð af Haukum í bikarúr-
slitaleiknum um síðustu helgi og
Páll Ólafsson, þjálfari Hafnar-
fjarðarliðsins, er svo sannarlega í
hefndarhug eftir útreiðina.
„Að sjálfsögðu ætlum við ekki
að tapa aftur. Ég vona að það séu
allir í hefndarhug, ég er það per-
sónulega og ég vona að ég komi
því inn hjá mínum mönnum. Við
ætlum að borga fyrir okkur frá
því í bikarúrslitaleiknum,“ sagði
Páll við Fréttablaðið í gær.
Stjarnan varð bikarmeistari í
fyrsta skipti í sautján ár þegar
liðið lagði Hauka í Laugardalshöll
um síðustu helgi 24-20. Haukar
voru yfir í hálfleik en slæmur
sóknarleikur varð liðinu að falli í
þeim síðari og Stjörnumenn
kláruðu verkefnið auðveldlega
undir lokin. þrátt fyrir það ætlar
Páll ekki að breyta miklu hjá sínu
liði.
„Fyrst og fremst þurfum við að
spila betri sóknarleik og það er
algjörlega í okkar höndum en ekki
þeirra. Ég legg leikinn upp mjög
svipað og um síðustu helgi og það
verða engar stórvægilegar breyt-
ingar á okkar leik,“ sagði Páll.
Lokasprettur deildarinnar er
framundan en Haukar eru í efsta
sæti deildarinnar, í harðri baráttu
um titilinn við Fram og Val. Páll
býst við mjög spennandi loka-
spretti en átta leikir eru nú eftir.
„Það er nóg af leikjum eftir og
þetta verður spennandi á loka-
sprettinum. Í augnablikinu eru
þrjú lið í baráttunni um titilinn en
Stjarnan á eftir að spila við efstu
liðin og ef félaginu tekst að landa
sigrum gegn þeim þá blanda þeir
sér líka í toppbaráttuna,“ sagði
Páll að lokum. - hþh
Haukar eru í hefndarhug gegn Stjörnunni eftir tap í bikarúrslitunum:
Við ætlum ekki að tapa aftur
TEKINN FÖSTUM TÖKUM Tite Kalandadze er hér tekinn föstum tökum í bikarúrslitaleiknum
um síðustu helgi. Búast má við svipuðum átökum í leiknum í dag. FRÉTTABLAÐIÐ/ANTON
Louis Saha, franski framherjinn hjá Man. Utd, var í liðinu í úrslitaleik
deildabikarsins fyrir skemmstu þar sem
stjórinn Alex Ferguson hafði áhyggjur
yfir því að hann kynni að fara frá félag-
inu hefði hann
ekki fengið að
spila. Þetta sagði
knattspyrnustjór-
inn sjálfur í gær.
„Ef ég hefði ekki
látið hann spila
eftir að hann
hafði skorað
svona mörg
mörk fyrr í keppninni, þá hefði hann
líklega hugsað með sjálfum sér: „Ég get
fengið að spila reglulega með einhverju
öðru liði,“ sagði Ferguson.
John Terry, fyrirliði Englandsmeistara Chelsea, segir að ein megin stæða
þess að hann hafi náð svo miklum
framförum í sínum
leik á síðustu árum sé
að horfa á upptökur
af sjálfum sér eftir
alla leiki liðs síns. „Ég
skoða eigin frammi-
stöðu og sé hvað
ég hefði mátt gera
betur. Fyrir mér snýst
fótbolti að miklu leyti um einbeitingu
og ég held að það sé stærsta breytingin
á mínum leik. Ég held betri einbeitingu
núna en fyrir 7-8 árum,“ segir Terry.
Meistaralið San Antonio sigraði Dallas í NBA-deildinni í körfubolta
í fyrrinótt, 98-89, í uppgjöri tveggja
af efstu liðum deildarinnar. Þetta var
fimmti sigur San Antonio í röð en
jafnframt fyrsta tap Dallas í síðustu sjö
leikjum.
Wayne Rooney, framherji Man. Utd og enska landsliðsins, segir að til-
hneigð enska liðsins fyrir því að skora á
síðustu mínútum leikja sinna geti reynst
góður kostur á HM í Þýskalandi í sumar.
„Michael Owen náði því gegn Argentínu
og Joe Cole nú gegn Urúgvæ. Þetta sýnir
að við erum að halda einbeitingu í 90
mínútur en andstæðingar okkar ekki.
Það gefur okkur mikið forskot.“
Margir í Bandaríkjunum hafa lýst yfir furðu sinni á því að Allen Iverson
hafi ekki verið valinn í landslið Banda-
ríkjanna sem tekur
þátt á HM í Japan í
sumar og ÓL í Peking
eftir tvö ár. Nýjasta
samsæriskenningin
er sú að forráðamenn
Adidas hafi ekki sam-
þykkt að Iverson yrði
valinn þar sem hann er á risasamningi
hjá Rebook, helsta keppinautar Adidas í
körfuboltavörum, en Adidas mun verða
helsti styrktaraðili körfuboltaliðs Banda-
ríkjanna í þessum mótum.
Grétar Rafn Steinsson kom ekki við sögu hjá AZ Alkmaar sem vann
sannfærandi sigur á NEC Nijmegen í
hollensku úrvalsdeildinni í knattspyrnu
í gær. Grétar hefur vermt varamanna-
bekkinn mikið að undanförnu eftir gott
gengi framan af leiktíðinni. Það voru
Haris Medunjanin og Danny Koever-
mans sem skoruðu mörk AZ sem er í
toppbaráttunni í deildinni.
ÚR SPORTINU
DHL-deild karla:
VALUR-FYLKIR 30-28
Mörk Valur: Hjalti Þór Pálmason 10, Mohamadi
Laotoufi 6, Baldvin Þorsteinsson 5, Sigurður
Eggertsson 4, Kristján Þór Karlsson 2, Ingv-
ar Árnason 2, Atli Rúnar Steinþórsson 1.
Varin skot: Hlynur Jóhannesson 20, Pálmar Pét-
ursson 4.
Mörk Fylkis: Heimir Örn Árnason 9, Arnare Jón
Agnarsson 5, Eymar Kruger 3, Arnar Þór Sæþórs-
son 3, Ingólfur Axelsson 2, Davíð Óskarsson 2,
Hreinn Þór Hauksson 2.
Varin skot: Hlynur Morthens 15, Sölvi Thoraren-
sen 3.
ÞÓR AK.-HK 22-35
Mörk Þórs: Arnór Þór Gunnarsson 5, Rúnar Sig-
tryggsson 4.
Mörk HK: Valdimar Þórsson 7, Elías Halldórsson
6.
ÍR-AFTURELDING 28-28
Mörk ÍR: Ólafur Sigurjónsson 7, Davíð Georgsson
5, Ragnar Helgason 4.
Mörk Aftureldingar: Vlad Trufan 8, Aleks Kusmins
8, Ernir Hrafn Arnarsson 5.
SELFOSS-VÍK/FJÖ 28-33
KA-FH 28-30
ÚRSLIT GÆRDAGSINS
FÓTBOLTI Ronaldo er æfur eftir að
hafa verið tekinn úr leikmanna-
hópi Real Madrid fyrir nágranna-
slaginn gegn Atletico Madrid í
kvöld en leikurinn er í beinni
útsendingu á Sýn klukkan 19.00.
Þetta gæti verið dropinn sem
fyllir mælinn hjá Ronaldo sem
hefur áður sagt að hann gæti farið
frá liðinu. Hann hefur verið orðað-
ur við lið bæði á Englandi og
Ítalíu.
Fernando Martin, hinn nýi for-
seti Real, sagði í gær að hann sætti
sig ekki við leikmenn sem legðu
sig ekki alla fram fyrir liðið. Ron-
aldo hefur verið gagnrýndur und-
anfarið fyrir einmitt það en samt
sem áður er hann markahæsti
leikmaður liðsins með tíu mörk á
tímabilinu. Juan Ramon Lopez
Caro, þjálfari liðsins, segir aftur á
móti að Ronaldo sé ekki í hópnum
vegna taktískra ástæðna. - hþh
Ronaldo gæti farið frá Real:
Skilinn eftir
RONALDO Gæti farið frá Real Madrid vegna
ósættis. NORDICPHOTOS/GETTY IMAGES