Fréttablaðið - 01.05.2006, Blaðsíða 16

1. maí 2006 MÁNUDAGUR
FRÁ DEGI TIL DAGS
Vagnhöfða 23 - Sími 590 2000
Seltjarnarnesi
KT verslun Akureyri
Njarðarnesi S. 466 2111
Bestu dekkin í USA
8 ár í röð Tire Review Magazine
Low profile fyrir
lúxusjeppa og
sportbíla.
Frábært veggrip.
Mikil mýkt.
Hágæða hönnun.
Veldu TOYO PROXES
og skildu hina eftir.
Mikið úrval frábært verð.
Alþjóðlegur dagur verkalýðsins er haldinn hátíðlegur víða um heim í dag. Rauðir fánar og kröfugöngur hafa löngum einkennt yfirbragð þessa dags, en í austantjaldsríkjunum
sálugu voru það reyndar fjölmennar hersýningar sem einkenndu
hátíðarhöld dagsins. Þar gengu þúsundir hermanna gæsagang og
alþýðan var látin virða fyrir sér nýjustu hertólin að viðstöddum
æðstu ráðamönnum viðkomandi ríkja og stríðshetjum.
Sögu 1. maí hátíðarhalda má rekja til Frakklands allt aftur til
ársins 1889 og er hún því orðið æði löng og viðburðarík. Þá var
það krafan um átta stunda vinnudag sem var efst á blaði. Það var
á þessum árum sem fyrstu íslensku verklýðsfélögin voru stofnuð,
eins og Prentarafélagið og Blaðamannafélagið 1897, en fyrsta
kröfugangan 1. maí var þó ekki fyrr en nokkru síðar hér á landi,
árið 1923. Síðan þá hefur mikið vatn runnið til sjávar og miklar
breytingar orðið á íslensku þjóðfélagi. Fyrst á fyrri hluta síðustu
aldar, síðan á árunum eftir síðari heimsstyrjöldina, og svo nú á
allra síðustu árum, þegar íslenskt efnahagslíf hefur blómstrað
sem aldrei fyrr og margvíslegar umbætur hafa orðið á högum
launafólks. Enn á þó verkalýðshreyfingin og þar með talin samtök
ríkisstarfsmanna ærið verkefni fyrir höndum. Það snýr þá ekki
síst að því að fylgjast með tímanum og taka þátt í þjóðfélagsbreyt-
ingunum sem verða á hverjum tíma. Karp um launamál er þar
kannski ekki alltaf efst á blaði, heldur að standa vörð um kjör
launamanna og að þau skerðist ekki vegna ýmissa ytri aðstæðna,
svo sem verðbólgu og vaxtastigsins í landinu. Dæmi um baráttu
láglaunastéttar að undanförnu, sem stundar umönnunarstörf,
ætti þó að minna forystumenn verkalýðshreyfingarinnar á að
halda vöku sinni, en þar hefur grasrótin sjálf tekið frumkvæðið til
að berjast fyrir jafnrétti í launamálum. Það má segja að þessar
stéttir njóti mikillar samúðar í þjóðfélaginu, og kröfur þeirra hafi
verið mjög sanngjarnar og hógværar, en samt sem áður hefur
þessi stétt þurft að beita svo til öllum sínum ráðum til að ná fram
jafnlaunakröfum sínum. Þetta er ekki stétt sem reið á vaðið í góð-
ærinu til krefjast tugþúsunda launahækkunar, heldur þvert á
móti er þetta fólk í lægstu launaflokkum, sem aðeins fer fram á að
fá sömu laun fyrir sömu vinnu og félagar þeirra sem vinna hand-
an götunnar ef svo mætti að orði komast. Það er langt í frá að
þjóðfélagið fari á hvolf þótt gengið væri að fullu að kröfum
umönnunarstéttanna á dvalar- og hjúkrunarheimilum aldraðra.
Það er kannski misréttið í þjóðfélaginu sem launþegahreyfing-
in i landinu þarf að einbeita sér að á næstu misserum, því það
virðist aukast með hverri vikunni sem líður. Launþegahreyfingin
hefur á undanförnum árum samið um margs konar úrbætur á vel-
ferðarsviðinu og beitt sér fyrir innleiðingu ýmissa réttlætismála,
sem eiga rætur að rekja til ákvarðana Evrópusambandsins. Þar
hefur ASÍ staðið vel á verði. Á hátíðisdegi verkalýðshreyfingar-
innar á 90 ára afmælisárinu er ástæða til að hvetja samtökin
áfram til dáða. Margir sigrar eru að baki í sögu verkalýðshreyf-
ingarinnar en þar má aldrei láta staðar numið. ■
SJÓNARMIÐ
KÁRI JÓNASSON
Alþjóðlegur hátíðisdagur verkalýðsins:
1. maí
Stjórnmál eru ekki bara list hins
mögulega. Stjórnmálabaráttan snýst
um að hrinda hugmyndum í fram-
kvæmd og takast á um hugmyndir.
Fyrir okkur sem höfum verið eins og
áhorfendur að stjórnmálabaráttunni
á vegum og í Framsóknarflokknum
er jafn almenn ánægja með hve vel
hefur tekist að koma fram stefnu-
málum flokksins og það er mikil
óánægja með að samflokksmenn
skuli takast á út á við um það sem
þeir ættu að afgreiða innan flokks.
Stjórnmálabaráttan snýst nefnilega
líka um að kunna að takast á um
grundvallarmál án þess að efna til
óvinafagnaðar.
Í öllum flokkum er að finna fólk
með mismunandi afstöðu í einstök-
um málum þótt meginhugsjónir sam-
eini þá í einn flokk. Áherslur fólks
eru til dæmis mismunandi í Evrópu-
málum og það er tekist á um afstöð-
una til Evrópusambandsaðildar í
öllum flokkum. Haldið þið til dæmis
að það fari ekki um gömlu kommana
í Samfylkingunni þegar formaður
þeirra talar um inngöngu í Evrópu-
bandalagið? Ennþá bera þeir gæfu til
að halda þeim ágreiningi innandyra.
Hamingjan er heimanfengin.
Í stjórnmálaflokkum gera menn
eins og á öllum góðum heimilum.
Menn skiptast á skoðunum, deila á
vettvangi flokksins og koma svo heil-
ir og samhentir fram á sjónarsviðið
þegar málin hafa verið afgreidd.
Hjón bera sjaldnast ágreining sinn á
torg nema þau séu að skilja og það á
líka almennt við í stjórnmálum.
Oft hefur það hvarflað að mér á
undanförnum misserum að tilteknir
þingmenn hafi annað hvort þegar
ákveðið að skilja við Framsóknar-
flokkinn og hámarka skaðann áður
en þeir skella hurðum, eða þá að
vinna með öllum ráðum gegn for-
manni hans, leynt og ljóst. Hver
veit?
Til eru tvenns konar stjórnmála-
menn, þeir sem með verkum sínum
virðast telja að stjórnmálin og allt
sem gerist á þeim vettvangi snúist
einmitt um þá sjálfa og svo hinir sem
líta á stjórnmálin sem leið til að
hrinda í framkvæmd hugmyndum og
hugsjón. Þeir síðarnefndu hugsa
langt fram í tímann og eru tilbúnir að
leggja mikið í sölurnar til að ná
árangri fyrir fjöldann. Menn sem
hafa bæði dug og djörfung til að sigla
í öllum veðrum til að draga björg í
bú. Halldór Ásgrímsson er í þessum
síðarnefnda flokki að mínum dómi.
Fáir íslenskir stjórnmálamenn
hafa staðið af sér jafn napra vinda,
mátt þola ósanngirni og takast á við
alvarlegar aðdróttanir. Í 30 ár hefur
hann staðið í stafni í stjórnmálum,
alltaf þorað og alltaf haldið út, alltaf
þorað að vera sannfæringu sinni
trúr. Fáum er betur treystandi ein-
mitt nú þegar tímabundnir hagvaxt-
arverkir gera vart við sig að taka
ákvarðanir með hagsmuni heildar-
innar að leiðarljósi og ekki eigin
þrengstu hagsmuni.
Við sem þekkjum Halldór vitum
að heiðarlegri og traustari maður er
vandfundinn. Þjóðin treystir honum
þegar kemur að málum eins og efna-
hagsmálum, atvinnumálum, velferð-
armálum og utanríkismálum, svo
eitthvað sé talið. Hans víðtæka þekk-
ing og reynsla kemur best í ljós
þegar taka þarf á stórum og erfiðum
málefnum. Sá tími er nú runninn upp
og þá þurfa menn að geta reitt sig á
mann sem þorir að tala hreint út í
stað þess að kjósa sér léttu leiðina
ljúfu og bregða fyrir sig ódýrum
vörnum.
Halldór hefur vitaskuld gert mis-
tök, ekki dettur mér í hug að halda
öðru fram. Hann hefur hins vegar
bæði lært af mistökum sínum og leit-
ast við að leiðrétta þau í stað þess að
hlaupa í skjól, eða skjóta ábyrgðinni
á annars herðar. Fáum er eins vel
gefið að taka á flóknum og erfiðum
málum. Framsóknarmenn eiga
honum mikið að þakka og reyndar
þjóðin öll og við framsóknarmenn
eigum að vera stolt af því að eiga
slíkan leiðtoga.
Óvinafagnaðurinn sem tilteknir
þingmenn framsóknarmanna efna til
með gaspri og á stundum lítt grund-
uðum málflutningi skýrir um margt
þá stöðu sem Framsóknarflokkurinn
glímir við og kemur nú fram í skoð-
anakönnunum. Það er löngu tíma-
bært að þeir sem efna til óvinafagn-
aðar taki sjálfir ábyrgð á gjörðum
sínum. Í stjórnmálum hafa menn
mismunandi skoðanir en samflokks-
menn geta ekki ætlast til að ágrein-
ingur og andóf gagnvart forystunni
skoli þeim upp til æðstu metorða.
Það gerir hins vegar trúmennska,
virðing fyrir hugsjónunum sem
menn standa fyrir og heiðarleiki
gagnvart samstarfsmönnum sínum.
Fyrir okkur, harða stuðningsmenn
liðsins, sem stöndum á hliðarlínunni
er óþolandi að horfa upp á nokkra
leikmenn deila svo á fyrirliðann að
við töpum leikjum sem áttu að vinn-
ast, eða glutrum þeim niður í stein-
dauð jafntefli. Takið slaginn inn á
við, ágætu félagar, en takið á sameig-
inlega út á við - nema þið viljið
skemmta andskotum ykkar.
Að skemmta andskotum sínum
Í DAG
STJÓRNMÁL
INGIBJÖRG PÁLMA-
DÓTTIR
Til eru tvenns konar stjórn-
málamenn, þeir sem með
verkum sínum virðast telja að
stjórnmálin og allt sem gerist á
þeim vettvangi snúist einmitt
um þá sjálfa og svo hinir sem
líta á stjórnmálin sem leið til
að hrinda í framkvæmd hug-
myndum og hugsjón.
Miklar breytingar hafa átt sér stað á
Akureyri á sl. kjörtímabili. Þjónusta
sveitarfélagsins við íbúana hefur auk-
ist en full ábyrgð sýnd í fjármála-
stjórn. Veikustu hlekkir þjónustunnar
hafa verið styrktir svo um munar,
t.a.m. öldrunarþjónustan.
Mikil vinna er þó enn framundan
við að móta framtíðarbúsetumögu-
leika aldraðra Akureyringa auk ann-
arra þátta. Mikið hefur áunnist í upp-
byggingu íþróttamannvirkja, m.a.
uppbygging Vetraríþróttamiðstöðvar
í Hlíðarfjalli og íþróttahús við Síðu-
skóla svo eitthvað sé nefnt. Nýlega
var samþykkt að hefja niðurgreiðslu
á íþrótta-, tómstunda- og listnámi
barna en við viljum ganga enn lengra.
Mikil drift er í skólamálum á Akur-
eyri á öllum skólastigum sem endur-
speglaðist m.a. í lífskjarakönnun
Gallup. Akureyri hafði frumkvæði að
lækkun leikskólagjalda og hafa önnur
sveitarfélög fylgt í kjölfarið. Áfram
verður haldið á sömu braut en vissu-
lega þarf efnahagur bæjarins að ráða
för.
Öllum bæjarbúum er fullljóst
mikilvægi Háskólans á Akureyri og
þau gríðarlegu áhrif sem uppbygging
skólans hefur haft á byggðarlagið.
Það er bjargföst trú mín að áhrif skól-
ans eigi enn eftir að aukast og tengj-
ast atvinnulífi bæjarins á margvísleg-
an hátt. Skólinn hefur og þarf að
byggjast hratt upp og Bæjarstjórn
Akureyrar þarf að fylgja því eftir af
alefli.
Spennandi tímar eru framundan í
uppbyggingu miðbæjarins. Mikil-
vægt er að miðbærinn verði miðstöð
menningar og mannlífs á Akureyri.
Atvinnuástand á Eyjafjarðarsvæðinu
hefur verið óviðunandi. Við Fram-
sóknarfólk á Akureyri viljum stórefla
Atvinnuþróunarfélag Eyjafjarðar
sem hefur unnið mikið og gott starf
en stofnunin hefur verið fámenn og
úr því þarf að bæta. Þar er þekkingin
til staðar og engum betur treystandi
til að finna ný atvinnutækifæri. Íbúa-
lýðræði hefur verið stóraukið t.d. með
íbúaþingi og stofnun hverfisnefnda.
Leiðarljós okkar Framsóknarfólks á
yfirstandandi kjörtímabili hefur verið
aukin þjónusta við alla íbúa bæjarins.
Nú horfum við stolt um öxl og biðjum
um áframhaldandi umboð til góðra
verka,
Höfundur skipar fyrsta sætið á
lista Framsóknarflokksins fyrir
sveitarstjórnarkosningar 2006.
Akureyri í dag
UMRÆÐAN
SVEITASTJÓRNAR-
KOSNINGAR
JÓHANNES G. BJARNASON
ÚTGÁFUFÉLAG: 365 – prentmiðlar RITSTJÓRAR: Kári Jónasson og Þorsteinn Pálsson FRÉTTARITSTJÓRI: Sigurjón M. Egilsson AÐSTOÐARRITSTJÓRI: Jón Kaldal FRÉTTASTJÓRAR: Arndís
Þorgeirsdóttir, Pétur Gunnarsson og Trausti Hafliðason RITSTJÓRNARFULLTRÚI: Steinunn Stefánsdóttir RITSTJÓRN OG AUGLÝSINGAR: Skaftahlíð 24, 105 Reykjavík AÐALSÍMI: 550 5000
SÍMBRÉF Á FRÉTTADEILD: 550 5006 NETFÖNG: ritstjorn@frettabladid.is og auglysingar@frettabladid.is VEFFANG: visir.is UMBROT: 365 – prentmiðlar PRENTVINNSLA: Ísafoldarprentsmiðja
ehf. DREIFING: Pósthúsið ehf. dreifing@posthusid.is Fréttablaðinu er dreift ókeypis á heimili á höfuðborgarsvæðinu, Suðurnesjum og Akureyri. Einnig er hægt að fá blaðið í völdum verslunum
á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. issn 1670-3871
Það er kannski misréttið í þjóðfélaginu sem launþega-
hreyfingin i landinu þarf að einbeita sér að á næstu
misserum, því það virðist aukast með hverri vikunni
sem líður.
Ósamstíga forysta
Það dylst engum að Framsóknarflokkurinn
á í erfiðleikum. Erfiðleikar í landsmálunum
hafa smitað út frá sér og nú sýna kannanir
vegna sveitarstjórnarkosninga að Fram-
sóknarflokkurinn á undir högg að sækja
víðast hvar. Þó ástæður erfiðleikanna séu
vísast margar verður forysta flokksins að
taka á sig ábyrgðina. Hjálmar Árnason
gagnrýndi forystuna í viðtali í Ríkisút-
varpinu í síðustu viku og sagði hana hafa
verið ósamstíga í mörgum mikilvægum
málum, til dæmis Evrópumálum.
Halldór Ásgrímsson formaður og
Guðni Ágústsson varaformaður
feta ekki sömu leið um þessar
mundir. Alveg ljóst er að stirt
er á milli þeirra Halldórs og
Guðna. Framsóknarmenn
verða hins vegar að
vona að þeir í það
minnsta ræði saman.
Átök í sjónvarpssal
Björn Ingi Hrafnsson Framsóknarflokki og
Ólafur F. Magnússon, oddviti Frjálslyndra,
tókust harkalega á um flugvallarmálin
í Kastljósinu í lok síðustu viku. Ólafur
F. gagnrýndi stefnu Framsóknar að vilja
flytja flugvöllinn út á Löngusker og sagði
það dýrt og líklega ómögulegt af ýmsum
ástæðum. Björn Ingi benti þá á að 22.
ágúst síðastliðinn hefðu Frjálslyndir sent
frá sér fréttatilkynningu þar sem fagnað
hefði verið umræðu um flugvöll á Löngu-
skerjum. Þetta fór heldur fyrir brjóstið
á Ólafi F., sem varð nokkuð pirraður og
reiður og sakaði Björn Inga um lygar.
Björn Ingi fjallar um atvikið á heimasíðu
sinni þar sem hann er með tengingu inn
á umrædda fréttatilkynningu á heimasíðu
Frjálslyndra.
Tveir góðir
Guðmundur Guðmundsson, fyrrum
landsliðsþjálfari í handbolta, sannaði það
á laugardaginn að hann er snjall þjálfari.
Þá varð Fram Íslandsmeistari í hand-
bolta í fyrsta skiptið í 34 ár. Guðmundur
tók við Fram-liðinu á síðasta ári. Ekki
var búist við miklu af liðinu í vetur og
var takmarkið í byrjun vetrar að verða
meðal átta efstu. Annar þjálfari var líka
í sviðsljósinu um helgina. Það var hinn
umdeildi Jose Mourinho sem gerði Chel-
sea að Englandsmeisturum annað árið
í röð. Mourinho hefur oft verið sakaður
um hroka og þegar hann sagði
um síðustu áramót að hann
hygðist landa titlinum 29.
apríl á móti Manchester
United létu margir það
sem vind um eyru þjóta.
Mourinho stóð hins
vegar við orð sín.
trausti@frettabladid.is