Fréttablaðið - 01.05.2006, Blaðsíða 73

MÁNUDAGUR 1. maí 2006 33
FÓTBOLTI Alan Curbishley, fráfar-
andi knattspyrnustjóri Charlton,
segir að ákvörðun sín um að
hætta með liðið eftir núverandi
tímabil hafi ekkert með mögu-
leika hans á að verða næsti lands-
liðsþjálfari Englands að gera.
Curbishley segir að ákvörðunin
hafi verið tekin með hagsmuni
Charlton að leiðarljósi ofar öllu
öðru.
„Mér finnst vera kominn tími
á breytingar, bæði fyrir Charlton
og mig. Ég fer frá félaginu í
algjöru bróðerni og óska Charl-
ton alls hins besta,“ sagði
Curbishley og bætti því við að
hann hafi aldrei talið sjálfan sig
vera líklegan til að verða lands-
liðsþjálfari. „Ég held að ég hafi
aldrei verið á óskalista FA,“ sagði
Curbishley. Hann býst ekki við
því að stjórna liði á næstu leiktíð,
en hann hefur verið sterklega
orðaður við Newcastle. „Ég held
að ég taki mér pásu næsta árið.
Ég þarf á smá frið að halda,“
sagði hann. - vig
Alan Curbishley:
Ætlar að taka
sér pásu
ALAN CURBISHLEY Er kominn með nóg af
fótbolta í bili. NORDICPHOTOS/GETTY IMAGES
FÓTBOLTI Wayne Rooney verður frá
keppni í að minnsta kosti sex vikur
eftir að hafa brotið bein í fæti í
leik Manchester United og Chel-
sea á laugardag. Rooney lenti í
samstuði við Paulo Ferreira en
meiðslin þýða að þátttaka hans
með enska landsliðinu á HM í
sumar er í mikilli óvissu.
„Ég get ekki annað en vonað að
brotið sé smávægilegt og að hann
verði fljótur að ná sér. Við þurfum
á öllum okkar mikilvægustu leik-
mönnum að halda,“ sagði lands-
liðsþjálfarinn Sven-Göran Eriks-
son í gær. Fyrsti leikur Englands í
keppninni er eftir nákvæmlega
sex vikur, gegn Paraguay hinn 10.
júní, og hafa nokkrir orðið til þess
að afskrifa möguleika Englands á
HM verði liðið án krafta Rooneys.
„Það yrði skelfilegt ef enska
landsliðið yrði án hans á HM.
Hann er dáður af öllum í landinu
og er okkar helsta stjarna. Ég held
að við getum ekki unnið keppnina
án Rooneys,“ segir Steven Gerr-
ard, fyrirliði Liverpool, sem fékk
einmitt að kynnast því hvernig
það er að missa af heimsmeistara-
keppni árið 2002 þegar hann varð
að sitja heima vegna nárameiðsla.
„Ég krosslegg fingur og vona
að hann sleppi við það sem ég
þurfti að ganga í gegnum. Það er
martröð að þurfa að sitja heima og
horfa á HM heima úr stofunni.
Vonandi nær hann sér fljótt,“
útskýrði Gerrard.
„Án hans tel ég að England fari
úr því að vera mögulegur sigur-
vegari keppninnar í miðlungslið,“
sagði Bobby Robson, fyrrum
landsliðsþjálfari, í samtali við
BBC. „Það er ekki hægt að leysa
hann af. Það er enginn leikmaður
eins og Rooney í Evrópu og í
keppni eins og HM eru það ein-
staklingar sem skera sigurliðið
frá öðrum,“ sagði Robson.
Um eins konar ristarbrot er að
ræða hjá Rooney og segir í til-
kynningu frá Manchester United
að það sé fjórða ristarbeinið sem
hafi brotnað. Í átta liða úrslitum
EM árið 2004 braut Rooney fimmta
ristarbeinið á sama fæti og var þá
sagður þurfa sex vikur í endur-
hæfingu. Það liðu hins vegar tíu
vikur þar til hann spilaði á ný. „Ef
hann getur spilað eftir sex vikur á
hann að vera með á HM en ef hann
má byrja að æfa eftir sex vikur
hefur hann ekkert að gera í hópn-
um,“ sagði Robson við BBC.
- vig
England getur ekki unnið
HM án Wayne Rooney
Steven Gerrard segir að enska landsliðið geti með engu móti verið án Wayne
Rooney á HM í sumar. Framherjinn magnaði braut bein í fæti í leik Man. Utd.
og Chelsea og verður frá í sex vikur hið minnsta, en HM hefst eftir fjörutíu daga.
WAYNE ROONEY Nánast grét þegar hann var borinn af velli í leiknum gegn Chelsea á laugar-
dag, enda er mjög líklegt að hann missi af HM vegna fótbrotsins. NORDICPHOTOS/GETTY IMAGES
ÍSHOKKÍ Íslenska landsliðið í
íshokkí gjörsigraði Tyrki 9-0 í
lokaleik 3. deildarinnar í HM
landsliða á laugardagskvöld en
leikurinn fór fram á skauta-
svellinu í Laugardal.
Fyrir leikinn höfðu bæði liðin
tryggt sér sæti í 2. deild keppn-
innar en leikurinn gegn Tyrkjum
var hreinn úrslitaleikur um hvor
þjóðanna myndi hafna í efsta
sæti riðilsins. Íslendingar unnu
alla leiki sína á mótinu, alls fjóra
talsins, og hlutu átta stig en
Tyrkir komu í 2. sæti með fimm
stig.
Íslenska liðið byrjaði á því að
vinna Lúxemborg 5-2 og í öðrum
leiknum voru Írar burstaðir 8-0.
Ísland sigraði Armeníu naum-
lega 5-4 í þriðja leiknum og eins
og áður segir voru Tyrkir lagðir
sannfærandi að velli í lokaleikn-
um. - vig
Íslenska landsliðið í íshokkí vann sér sæti í 2. deild heimsmeistarakeppninar:
Íslenska liðið vann alla leiki sína
Í EFSTA SÆTI Íslenska landsliðið í íshokkí hefur sjaldan verið eins sterkt og átti liðið ekki í
neinum vandræðum með að vinna sig upp úr 3. deildinni. FRÉTTABLAÐIÐ/ANTON BRINK
FÓTBOLTI Enskir knattspyrnuþjálf-
arar eru orðnir þreyttir á biðinni
eftir því að enska knattspyrnu-
sambandið ráði nýjan landsliðs-
þjálfara. Forkólfar sambandsins
verjast allra frétta af stöðu mála
og gefa aðeins upp að 4-6 nöfn
komi til greina. Sam Allardyce,
knattspyrnustjóri Bolton, er einn
af þeim sem hafa verið nefndir en
hann segist ekki skilja af hverju
verið beðið sé svo lengi með að
taka ákvörðun.
„Hvað mig varðar get ég ekki
sannað mig frekar fyrir knatt-
spyrnusambandinu. Staða lands-
liðsþjálfara snýst um að ná sem
bestum árangri með þá leikmenn
sem hægt er að velja og í því felst
mesta aðdráttarafl starfsins fyrir
mig,“ segir Allardyce, sem er
þekktur fyrir að hafa náð frábær-
um árangri með Bolton þrátt fyrir
að vera með lítinn leikmannahóp.
„Á mínum ferli hef ég alltaf
getað náð árangri þrátt fyrir að
hendur mínar hafi verið bundnar.
Það er sá árangur sem hefur
komið mér upp á pallborðið hjá
enska sambandinu. En ég get ekki
gert neitt meira. Árangur minn
talar sínu máli og þeir hjá FA
verða að taka ákvörðun,“ segir
Allardyce, greinilega orðinn
þreyttur á því að bíða eftir niður-
stöðu. - vig
Enskir þjálfarar orðnir þreyttir á biðinni:
Ég get ekkert gert til að
sanna mig enn frekar
SAM ALLARDYCE Vill fá að vita hvort hann
verði næsti landsliðsþjálfari.
NORDICPHOTOS/GETTY IMAGES
HVAÐ? HVENÆR? HVAR?
MAÍ
28 29 30 1 2 3 4
Mánudagur
■ ■ SJÓNVARP
 20.30 Ítölsku mörkin á Sýn.
 21.00 Ensku mörkin á Sýn.
 21.30 Spænsku mörkin á Sýn.
 16.05 Enska knattspyrnan á
Enska boltanum. Bein útsending frá
leik Sunderland og Arsenal.
 18.50 Enska knattspyrnan á
Enska boltanum. Bein útsending frá
leik Man. Utd. og Middlesbrough.
Silja Úlfarsdóttir, frjálsíþróttakona úr ÍR, hljóp 400 metra grindahlaup á
57.29 sekúndum
á alþjóðlegu móti
sem fram fór á
Martinique-eyjunni
í Karíbahafinu um
helgina. Tíminn
dugði Silju til að
ná fimmta sæti
hlaupsins en sigurvegarinn var Shauna
Smith frá Bandaríkjunum sem hljóp á
55.05 sekúndum.
Stewart Downing, vængmaðurinn knái hjá Middlesbrough, vonast
til þess að góður árangur liðsins í
Evrópukeppninni í ár verði til þess að
Sven-Göran Eriksson landsliðsþjálfari
hafi sig í huga þegar hann velur hópinn
sem fer fyrir Englands hönd á HM í
sumar. Downing hefur lengi verið inni
í myndinni hjá Eriksson og var hann á
meðal áhorfenda í leik Middlesbrough
og St. Búkarest í síðustu viku. „Hann
vill að leikmenn spili í stórum leikjum
til að þeir fái reynslu og leikir verða
varla mikið stærri en þessi. Ég vona
bara að hann hafi tekið eftir mér,“ sagði
Downing.
Íslendingaliðið Skjern í danska hand-boltanum komst á laugardag í fjög-
urra-liða úrslitakeppnina um meistaratit-
ilinn þar í landi með
því að sigra Álaborg,
26-23, í lokaumferð-
inni. Skjern hafnaði
í þriðja sæti deildar-
innar með 36 stig en
GOG varð langefst
með 47 stig. Vignir
Svavarsson var eini Íslendingurinn sem
komst á blað í leiknum og skoraði þrjú
mörk. Sturla Ásgeirsson skoraði fimm
mörk fyrir Aarhus sem vann Ajax. Hann-
es Jón Jónsson var markahæstur hjá
Ajax með átta mörk. Þá skoraði Fannar
Þorbjörnsson eitt mark fyrir Fredericia
sem vann Helsinge 28-22.
Steven Gerrard, fyrirliði Liverpoool, segir að sitt æðsta markmið sé að
verða enskur meistari með liði sínu.
Gerrard, sem var nýlega valinn leikmað-
ur ársins af leikmönnum deildarinnar,
hefur unnið flesta titla sem í boði eru
með Liverpool en aldrei enska deild-
armeistaratitilinn. „Það er eini bikarinn
sem mig vantar í safnið mitt og mig
langar svakalega í hann. En það þýðir
ekki að mig langi ekki í aðra titla. Ég er
mjög gráðugur í að vinna bikara,“ sagði
Gerrard, en Liverpool mætir West Ham í
úrslitum bikarsins eftir tvær vikur.
ÚR SPORTINU
Enska úrvalsdeildin:
TOTTENHAM - BOLTON 1-0
1-0 Aaron Lennon (60.).
Enska 1. deildin:
PRESTON - LEEDS 2-0
Gylfi Einarsson sat allan tímann á varamanna-
bekk Leeds.
READING - QPR 2-1
Ívar Ingimarsson lék allan leikinn fyrir Reading en
Brynjar Gunnarsson lék síðustu fimm mínúturnar.
BRIGHTON - STOKE 1-5
BURNLEY - LUTON 1-1
COVENTRY - CARDIFF 3-1
CREWE - MILLWALL 4-2
DERBY COUNTY - SHEFF. WED. 0-2
NORWICH - WOLVES 1-2
PLYMOUTH - IPSWICH 2-1
SHEFFIELD UTD. - CRYSTAL PALACE 1-0
SOUTHAMPTON - LEICESTER 2-0
LOKASTAÐAN:
READING 46 31 13 2 99-32 106
SHEFF. UTD. 46 26 12 8 76-46 90
-----------------------------------------------------
WATFORD 46 22 15 9 77-53 81
PRESTON 46 20 20 6 59-30 80
LEEDS 46 21 15 10 57-38 78
C. PALACE 46 21 12 13 67-48 75
-----------------------------------------------------
WOLVES 46 16 19 11 50-42 67
COVENTRY 46 16 15 15 62-65 63
NORWICH 46 18 8 20 56-65 62
LUTON 46 17 10 19 66-67 61
CARDIFF 46 16 12 18 58-59 60
S´AMPTON 46 13 19 14 49-50 58
STOKE 46 17 7 22 54-63 58
PLYMOUTH 46 13 17 16 39-46 56
IPSWICH 46 14 14 18 53-66 56
LEICESTER 46 13 15 18 51-59 54
BURNLEY 46 14 12 20 46-54 54
HULL CITY 46 12 16 18 49-55 52
SHEFF. WED. 46 13 13 20 39-52 52
DERBY 46 10 20 16 53-67 50
QPR 46 12 14 20 50-65 50
CREWE 46 9 15 22 57-86 42
MILLWALL 46 8 16 22 35-62 40
BRIGHTON 46 7 17 22 39-71 38
Ítalska úrvalsdeildin:
AC MILAN - LIVORNO 2-0
SIENA - JUVENTUS 0-3
CAGLIARI - PARMA 3-1
CHIEVO - ROMA 4-4
LAZIO - LECCE 1-0
PALERMO - FIORENTINA 1-0
REGGINA - MESSINA 3-0
SAMPDORIA - UDINESE 1-1
TREVISO - ASCOLI 2-2
STAÐA EFSTU LIÐA:
JUVENTUS 36 25 10 1 67-23 85
AC MILAN 36 26 4 6 80-28 82
INTER 36 23 5 8 65-27 74
FIORENTINA 36 20 8 8 59-39 68
AS ROMA 36 18 12 6 68-40 66
ÚRSLIT GÆRDAGSINS
FÓTBOLTI Íslendingaliðið Reading,
sem Ívar Ingimarsson og Brynjar
Björn Gunnarsson leika með, setti
glæsilegt stigamet í 1. deildinni í
Englandi með því að sigra QPR á
heimavelli í síðasta leik tímabils-
ins 2-1. Reading fékk alls 106 stig
í ár, einu stigi meira en Sunder-
land gerði árið 1999, og fullkomn-
aði þannig ótrúlegt tímabil hjá
sér.
Watford, Leeds, Preston og
Crystal Palace munu fara í umspil
um sæti í úrvalsdeild en Reading
og Sheffield United höfðu þegar
tryggt sér sæti í efstu deild. - vig
Enska 1. deildin:
Reading setti met