Fréttablaðið - 01.05.2006, Blaðsíða 74

1. maí 2006 MÁNUDAGUR34
HANDBOLTI Erlendur Ísfeld skrif-
aði í gær undir samning við hand-
knattleiksdeild ÍR um að þjálf-
ara meistaraflokk félagsins
næstu þrjú árin. Erlendur tekur
við af þeim Finnboga Grétari
Sigurbjörnssyni og Júlíusi Jón-
assyni, sem þjálfað hafa hjá ÍR
undanfarin fimm ár, en að sögn
Hólmgeirs Einarssonar hjá hand-
knattleiksdeild ÍR höfðu þeir tví-
menningar ákveðið að láta af
störfum eftir þetta tímabil.
ÍR-ingar munu spila í úrvals-
deild karla á næstu leiktíð eftir
frækinn sigur á Valsmönnum í
síðustu umferð DHL-deildarinn-
ar á laugardag og í fréttatil-
kynningu frá ÍR eru þeim Finn-
boga og Júlíusi þökkuð frábær
störf og þá sérstaklega að hafa
tryggt liðinu sæti í efstu deild
að ári.
Erlendur Ísfeld hefur þjálfað
yngri flokka hjá ÍR í hartnær tut-
tugu ár og gjörþekkir innviði
félagsins en hann var einnig
þjálfari kvennaliðs Stjörnunnar
fyrir tveimur árum og náði þar
mjög góðum árangri. - vig
Finnbogi Sigurbjörnsson og Júlíus Jónasson eru hættir:
Erlendur tekur við ÍR
Meistaradeildin í handbolta:
CIUDAD REAL - PORTLAND S.A. (21-11) 37-28
Mörk Ciudad: Ólafur Stefánsson 7/2, Rolando
Urios 7, Siarhei Rutenka 6, Mirza Dzomba 3/1,
Jonas Kallmann 3, Julio Fis 2, Ales Pajovic 2, Petar
Metlicic 2, Albert Entrerrios 2/1, Didier Dinart 2,
David Davis 1.
Varin skot: Arpad Sterbik 9, Javier Hombrados 8.
Mörk Portland: Albert Rocas 5, David Rodrigues
5, Lasse Boesen 5/5, Alberto Martin 3, Carlos
Ruesga 2, Ratko Nikolic 2, Javier Ortigosa 1, Zoran
Lubej 1, Juancho Perez 1, Lars Jorgensen 1, Ivano
Balic 1.
Varin skot: Tomas Svensson 6, Kasper Hvidt 4/1.
Ciudad Real sigraði 62-47 samanlagt og er Evr-
ópumeistari meistaraliða.
EHF-keppnin í handbolta:
LEMGO - GÖPPINGEN 25-22
Lemgo sigraði 55-51 samanlagt og er Evrópu-
meistari félagsliða. Logi Geirsson var markahæst-
ur hjá Lemgo með átta mörk en Ásgeir Örn Hall-
grímsson skoraði eitt mark. Jaliesky Garcia skoraði
ekki fyrir Göppingen.
Evrópukeppni bikarhafa:
C. MEDVEDI - VALLADOLID 32-24
Chehovski Medvedi sigraði 61-60 samanlagt og er
Evrópumeistari bikarhafa.
ÚRSLIT GÆRDAGSINS
HANDBOLTI Það er síður en svo
djúpt tekið í árinni að halda því
fram að stuðningsmenn Ciudad
Real hafi verið sigurvissir fyrir
leikinn í gær. Þeir blésu til mikill-
ar veislu strax í hádeginu í gær á
veitingastað sem er í eigu línu-
mannsins sterka Rolands Urios og
þar var drukkið og grillað í garð-
inum og einnig sungnir sigur-
söngvar.
Það sem vakti hvað mesta
athygli var að forráðamenn stuðn-
ingsmannaklúbbs Ciudad voru
búnir að prenta boli sem á stóð
„Ciudad Evrópumeistari 2005-06“
og voru fjölmargir áhorfendur í
bolunum á leiknum. Hinum fáu
stuðningsmönnum Portland sem
lögðu leið sína á leikinn var lítt
skemmt er þeir sáu bolina og þeir
afþökkuðu pent þegar þeim var
boðið eitt stykki. - hbg
Stuðningsmenn Ciudad Real:
Í sigurbolum á
leiknum
HANDBOLTI Þó Ólafur og fleiri hafi
fagnað innilega í gær fagnaði eng-
inn þó eins rosalega og króatíski
hornamaðurinn Mirza Dzomba.
Hann hafði tapað fimm sinnum í
úrslitum þessarar keppni og hann
ætlaði vart að trúa eigin augum
þegar gullverðlaunin voru hengd
á háls hans.
Hann dansaði sem óður væri í
kjölfarið og faðmaði vini og fjöl-
skyldu en mikill fjöldi vina hans og
ættingja fylgdust með leiknum.
Króatinn Mirza Dzomba:
Sigraði loksins
HANDBOLTI Mikið verður um dýrðir
í miðbæ Ciudad Real í dag þegar
bæjarbúar munu hylla nýkrýnda
Evrópumeistara í handbolta. Búið
er að setja upp stóran og mikinn
pall á helsta torgi bæjarins og þar
verður stiginn stríðsdans fram
eftir kvöldi. - hbg
Íbúar Ciudad Real:
Hylla hetjurnar
HANDBOLTI Ólafur Stefánsson er
svo sannarlega í miklum metum
hjá stuðningsmönnum Ciudad
Real en þeir stuðningsmenn Ciu-
dad sem blaðamaður ræddi við
héldu vart vatni yfir landsliðs-
fyrirliðanum íslenska.
Það er til marks um vinsældir
Ólafs að treyjan hans selst vel í
minjagripabúðinni í Quijote-höll-
inni. Aðeins eru seldar treyjur
með nöfnum fárra leikmanna og
þar eru í mestum metum þjálfar-
inn Dujshebaev og línumaðurinn
Rolando Urios. Ólafur og horna-
maðurinn Mirza Dzomba koma
þar á eftir. - hbg
Ólafur Stefánsson:
Vinsæll meðal
stuðningsmanna
HANDBOLTI Hreint ótrúleg stemn-
ing var í Quijote-höllinni fyrir
leikinn en áhorfendur voru búnir
að fylla húsið klukkutíma fyrir
leik og var setið í öllum hornum
enda komust færri að en vildu.
Sigurstemning var í gleðskap
fyrir leikinn, sama stemning var í
byrjun leiks og hún hélst út allan
leikinn því Ciudad hreinlega
keyrði yfir Portland strax í upp-
hafi leiks og úrslitin í leiknum,
sem og rimmunni, voru ráðin
nokkuð snemma. Heimamenn
dönsuðu og trölluðu og allt ætlaði
um koll að keyra í hvert skipti sem
Ciudad skoraði.
Sem fyrr áttu leikmenn Port-
land engin svör við hreint ótrú-
lega sterkum varnarleik Ciudad
og fyrir aftan vörnina var Sterbik
traustur. Besti leikmaður heims,
Ivano Balic, var eins og byrjandi í
höndunum á Didier Dinart og
félögum í vörn Ciudad og þegar
hann skoraði sitt fyrsta og eina
mark í leiknum í fyrri hálfleik var
ballið í raun búið. Hann minnkaði
muninn í 18-9 þegar fjórar mínút-
ur voru eftir af fyrri hálfleik en
hálfleikstölur voru 21-11. Það var
samt ekki bara vörnin sem skilaði
þessu góða forskoti því hraðaupp-
hlaup og sóknarleikur Ciudad voru
einnig að virka frábærlega og má
í raun segja að Portland hafi ekki
átt svör við neinu í leik heima-
manna.
Ólafur Stefánsson kom af
bekknum um miðjan hálfleikinn
og fann sig strax vel enda greini-
lega mjög vel stemmdur. Hann
skoraði góð mörk, gaf stoðsend-
ingar og stóð vaktina í vörninni
vel.
Síðari hálfleikur var algjört
formsatriði en Portland fær prik
fyrir að sýna karakter í upphafi
hálfleiksins. Þegar Ciudad
„kveikti“ á sínum leik á ný dró
hins vegar aftur í sundur með lið-
unum. Ólafur fylgdi eftir góðum
fyrri hálfleik með enn betri síðari
hálfleik og skoraði mörk í öllum
regnbogans litum. Þegar upp var
staðið sigraði Ciudad gestina frá
Portland með 9 mörkum, 37-28, og
samtals með 15 marka mun.
Ótrúlega sterk liðsheild Ciudad
skapaði sigurinn en Dujshebaev
hefur búið til frábært lið með
stjörnum sem vinna vel saman,
ólíkt nágrannaliðinu í fótbolta í
Madrid. Bestir í gær voru þó Ólaf-
ur, Urios og varnartröllið Dinart.
Frábær leikur hjá besta liði Evr-
ópu í dag og þar er lykilmaður
besti handboltamaður Íslands fyrr
og síðar, Ólafur Stefánsson.
Evrópumeistarar með stæl
Ciudad Real bauð upp á flugeldasýningu af bestu gerð þegar liðið tryggði sér
sigur í Meistaradeildinni á heimavelli í gær. Ólafur Stefánsson var frábær í
leiknum en hann var að vinna keppnina í annað sinn.
EVRÓPUKEPPNIN Í
HANDBOLTA
HENRY BIRGIR GUNNARSSON
Skrifar frá Ciudad Real
henry@frettabladid.is
HANDBOLTI Ólafur Stefánsson var
einn besti, ef ekki besti, leikmaður
vallarins í Quijote-höllinni í gær.
Hann skoraði sjö glæsileg mörk og
átti stórkostlegan leik. Ólafur
sleppti síðan af sér beislinu eftir
leikinn; fagnaði hreint gríðarlega
og meir en nokkur maður hefur
séð hann fagna áður. Áhorfendur
stóðu upp og hylltu íslenska lands-
liðsfyrirliðann, sem þakkaði fyrir
sig með því að dansa einn furðu-
legasta dans sem sést hefur í ára-
raðir.
„Þetta var vélsagardansinn. Ég
er vanur að taka hann á diskóunum
hérna,“ sagði Ólafur léttur á brún
og algjörlega búinn á því enda fóru
síðustu bensíndroparnir í hinn
furðulega vélsagardans. Í honum
þykist Ólafur ræsa vélsög og síðan
hristist hann um allt gólf með sög-
ina. Hreint út sagt mögnuð sjón og
vonandi sjáum við þennan dans
eftir Svíaleikinn heima í sumar.
„Þetta er búinn að vera átta
mánaða pakki og frábær endir.
Leikurinn var léttur enda erum við
einfaldlega betri en þeir, sem sést
best á því að þeir áttu engin svör
við okkar leik,“ sagði Ólafur, sem
var rosalega vel stemmdur og
fagnaði öllum mörkum sínum af
ákafa. „Ef maður er ekki stemmd-
ur fyrir úrslitaleik í Meistaradeild-
inni þá er eitthvað að. Þetta var
svakalega gaman.“
Ólafur var að vinna þessa
keppni í annað sinn en hann vann
einnig með Magdeburg árið 2002.
Ætli það sé einhver munur á að
vinna titlana tvo?
„Þetta er voða svipuð tilfinning.
Ég er rétt að byrja að fatta þetta.
Síðast unnum við ekki fyrr en hálf
mínúta var eftir en þessi leikur
var búinn eftir korter,“ sagði Ólaf-
ur, sem hefur aldrei leikið betur en
í ár að margra mati. Er hann búinn
að ná hátindi ferilsins? „Auðvitað
er þetta ákveðinn tindur en von-
andi verður þetta svona næstu tvö
til þrjú árin. Þetta lið getur hæg-
lega unnið þessa keppni næstu
árin enda rosalega öflugt og við að
gera frábæra hluti. Dujshebaev á
mestan heiðurinn af þessum titli
og við leikmennirnir erum eigin-
lega bara brúður í höndunum á
honum og gerum það sem hann
biður um,“ sagði nýbakaður Evr-
ópumeistari, Ólafur Stefánsson.
- hbg
Ólafur Stefánsson fór á kostum og varð Evrópumeistari öðru sinni:
Þeir áttu engin svör við okkar leik
STUÐ Áhangendur Ciudad fóru á kostum.
STÓRKOSTLEGUR LEIKMAÐUR Ólafur Stefánsson sýndi svo sannarlega í úrslitaleikjunum
gegn Portland að hann er ekki dauður úr öllum æðum sem handboltamaður. Ólafur lék
frábærlega í báðum leikjunum og átti stóran þátt í sigrunum. FRÉTTABLAÐIÐ/VILHELM
BIKARINN Á LOFT Ólafur Stefánsson réði sér vart af kæti eftir að Ciudad Real hafði tryggt sér Evrópumeistaratitilinn í gær. Hér lyftir hann
bikarnum stórglæsilega ásamt félögum sínum en það hafði hann áður gert með Magdeburg árið 2002. Stemningin í Quijote-höllinni var
engu lík eftir leikinn eins og þessi mynd ber með sér. FRÉTTABLAÐIÐ/VILHELM
ÓTRÚLEGT LIÐ Portland San Antonio átti aldrei möguleika gegn Ciudad Real í úrslitunum
en Ólafur og félagar komu gríðarlega vel stemmdir í úrslitaleikina tvo. FRÉTTABLAÐIÐ/VILHELM
VÉLSAGARDANSINN Ólafur fagnaði sem
villtur maður eftir leik og dansaði það sem
hann sjálfur kallar „Vélsagardansinn“.