Fréttablaðið - 18.05.2006, Side 76

18. maí 2006 FIMMTUDAGUR44
maturogvin@frettabladid.is
...matinn með
gæðasalti. Villeroy
og Boch í Kringlunni
selur flotta kassa með
sýnishornum af tíu salt-
tegundum frá sjö löndum.
Kassinn kostar kr. 2.190 og
er tilvalin gjöf handa heim-
iliskokknum.
> Saltaðu...
Hvaða matar gætirðu síst verið án?
Parmaskinku því hún er svo bragðgóð og
létt. Það er líka hægt að nota hana í svo
margt.
Fyrsta minning um mat?
Heimatilbúnar franskar hjá mömmu
sem voru algjört lostæti.
Besta máltíð sem þú hefur fengið?
Svartur þorskur á kúbönskum veit-
ingastað í London.
Er einhver matur sem þér finnst
vondur?
Lifur. Mamma reyndi að plata hana
ofan í mig í með öllum ráðum
þegar ég var krakki. Hún reyndi
meira að segja að fela hana í
hamborgurum! Hún ætlaði sér
að koma þessu ofan í mann.
Leyndarmál úr eldhússkápnum?
Sænsku kryddin mín sem ég fæ sér-
staklega send. Ég get galdrað fram
ótrúlegustu hluti með þeim.
Hvað borðar þú til þess að láta
þér líða betur?
Ætli það sé ekki nammi og þá
helst íslenskt súkkulaði.
Hvað áttu alltaf í ísskápnum?
Parmaskinku og bjór.
Ef þú yrðir föst á
eyðieyju, hvað tækirðu
með þér?
Ég held það væri
óvitlaust að taka
hrísgrjón með sér.
Það væri hægt
að bragðbæta
þau með ein-
hverju sem maður fyndi á eynni.
Hvað er það skrítnasta sem þú hefur borðað?
Þegar ég var að nýbyrjuð með manninum
mínum gaf hann mér brauð með hrærðu
eggi og síróp. Mér fannst það mjög undarleg
samsetning.
MATGÆÐINGURINN OLGA SOFFÍA EINARSDÓTTIR STÍLISTI Í LONDON
Göldrótt sænsk krydd
Ómar Einarsson, eigandi
ECC, er mikill kjötmaður
og ef hann mætti ráða væru
bara steikur í matinn á
hans heimili. Sem betur fer
er konan hans með aðeins
breiðari matarsmekk.
„Já, ég verð að viðurkenna að ég er
afar hrifinn af öllu kjöti og þá eru
lamb og naut í miklu uppáhaldi,“
segir Ómar, sem vill helst hafa
kjötið grillað enda flytur fyrirtæki
hans inn amerísku Sizzle King
grillin og því er mikið grillað á
hans heimili. „Ég er reyndar líka
mjög hrifinn af góðu pasta þar sem
sósan er gerð frá grunni. Konan
mín bjó um tíma á Norður-Ítalíu
þannig að hún er snillingur í því að
gera alvöru pastasósur og þá er
parmesan-osturinn að sjálfsögðu
ómissandi hluti af máltíðinni.“
Að sögn Ómars er það eigin-
konan sem sér um hina daglegu
eldamennsku en hann sér sjálfur
um steikurnar og grillið. „Þegar
fólk er komið með alvöru grill er
ekkert því til fyrirstöðu að grilla
allan ársins hring enda margir
farnir að gera það,“ segir Ómar.
Hann segist borða allan mat þó
kjötið sé vissulega í uppáhaldi.
„Konan er með mun breiðari
matarsmekk en ég og eldar til
dæmis oft fisk sem er afar þægi-
legt að elda og við erum að reyna
að borða meira af.“
Ómar gefur lesendum Frétta-
blaðsins hér tvær uppskriftir að
sumarlegum réttum. „Bakaða
grænmetið hentar vel með hvaða
mat sem er og hristingurinn er
afar hressandi sem eftirréttur,
ekki síst í sumar.“
BAKAÐ GRÆNMETI
1 kúrbítur (zucchini)
2 paprikur, gul og rauð
1 rauðlaukur
1 eggaldin
Nokkrir sveppir og í raun hvaða græn-
meti sem fólki hugnast
salt, pipar og rósmarín
olífuolía

Allt grænmetið skorið niður í
munnbita og sett í eldfast mót.
Blandið saman 2 msk. af góðri
olífuolíu, smá salti, pipar og rós-
marín. Hellið olíunni yfir allt græn-
metið og bakið í minnst 30 mínútur
við 200 gráður. Einnig er hægt að
grilla grænmetið á grillinu, en þá
er það sett á grillpinna og grillað í
smá tíma. Takið grænmetið af
pinnum, setjið það í skál og hellið
olíunni yfir og bætið jafnvel smá
balsamediki út í. Algjört nammi.
LÉTT SUMARBLANDA
2 dl bíó vanillumjólk
150 g frosin bláber eða jarðarber
Berin og mjólkin eru hrærð saman
í blandara og þá er kominn sumar-
legur og hollur hristingur sem er
tilvalinn sem eftirréttur. Drykkur-
inn er einnig góður á milli máli.
Góða steik á grillið, takk!
KJÖTKALL Ómar er afar hrifinn af kjöti en er einnig mjög ánægður þegar konan býr til pasta. Hún bjó um tíma á Norður-Ítalíu og kann því
réttu handtökin þegar ítölsk matargerð er annars vegar. FRÉTTABLAÐIÐ/HÖRÐUR
Veitingahúsið Greifinn
hefur unnið sér fastan sess
í hjörtum Akureyringa,
enda staður sem óhætt
er að segja að höfði til allra. Staðurinn
kappkostar að þjóna sem breiðustum
hópi viðskiptavina og tekst það vel með
sínum fjölbreytta matseðli. Staðurinn
er byggður á amerískri hugmyndafræði
þar sem hröð og góð þjónusta er höfð í
hávegum. Staðurinn er reyklaus og afar
fjölskylduvænn.
Matseðilinn? Það er hægt að fá allt
á milli himins og jarðar á Greifanum,
eins og pitsur, steikur, fiskrétti, pasta-
rétti og tex mex rétti. Matseðillinn
er endurnýjaður reglulega og mat-
reiðslumennirnir fylgjast vel með því
sem er að gerast.
Verð? Verðinu á Greifanum er yfirhöfuð
stillt í hóf og er afar sanngjarnt. Hér er
vel hægt að fá góða máltíð undir 2.000
krónum.
Vinsælast? Pitsur staðarins eru alltaf
jafn vinsælar en Greifinn býður einn-
ig upp á ýmis sértilboð. Til dæmis
er boðið upp á grillmatseðil sem
er vinsæll á sumrin. „Blessuð sértu
sveitin mín“ er heitið á matseðli
sem er uppfullur af alvöru steikum
og gefur Greifinn ábót á 400 g steik-
urnar. „Hafið bláa hafið“ seðilinn er
einnig afar girnilegur en þar er að
finna ýmsa fiskrétti, meðal annars
saltfiskpitsu með eyfirskum saltfiski.
Sérstakur matseðill er á boðstólum
fyrir börnin.
VEITINGASTAÐURINN GREIFINN, GLERÁRGATA 20, 600 AKUREYRI, S. 460-1600
Alltaf jafn vinsæll
Undanfarnar vikur hafa staðið yfir Chiledagar í vínbúðum og standa
til 10. júní. Í síðustu viku fjallaði ég um vín í milliverðflokki. Nú ætla
ég hins vegar að líta á dýrari vínin en í tilefni þemadaganna var sett-
ur saman glæsilegur sérlisti vína sem eingöngu verða fáanleg þessa
daga. Þrjú vín skera sig allnokkuð frá sökum verðs og stærðar. Það
eru Casa Lapostolle Clos Apalta og Santa Rita Casa Real sem kosta
4.890 kr. og Montes Folly á 4.390 kr. Þetta eru flaggskip þessara
frægu framleiðanda, risastór vín sem geta verið nokkuð lokuð við
fyrstu kynni og höfða fyrst og fremst til þeirra sem hafa allnokkra
þekkingu og áhuga á vínum af dýrari sortinni. Önnur vín á listanum
losa flest ríflega 2000 kallinn. Það er verð sem ætti ekki að stöðva
neinn sem vill kynna sér sumt af því besta í víngerð Chile.
Casa Lapostolle á nokkur vín á listanum og þau sem mér líkar
einna best eru merlot-vínin. Casa Lapostolle Merlot á 1.590
kr. er mjög góð kaup en Merlot Cuvee Alexandre á 2.290
kr. rís mun hærra og hefur verið margverðlaunað. Caber-
net Sauvignon er útbreiddasta þrúga Chile og Santa Rita
Medalla Real á 1.790 kr. er góður fulltrúi cabernet-hefðar-
innar, þétt og mikið. Vinsælustu vínin hérlendis frá Chile
koma frá Concha y Toro og Montes og vínin frá þeim eru
ekki af lakari sortinni. Concha y Toro Terruyno Sauvign-
on Blanc á 1.890 kr. virkar vel fyrir þá sem eru hrifnir
af bestu sauvignon blanc vínum frá Nýja heiminum.
Enn hrifnari er ég af Concha y Toro Terruyno (1.890
kr.) úr carmenere-þrúgunni sem er þjóðarþrúga Chile.
Eiginlega ekki hægt annað en að kíkja á þá þrúgu
vilji menn komast að kjarna Chile. Rúsínan í pylsu-
endanum er svo Montes Purple Angel sem kostar
reyndar 2.990 kr. og er því komið hálfa leið í prís til
risavínanna sem ég minntist á í byrjun. En þetta
nýja vín hans Aurelio Montes er það glæsilegt að
verðmiðinn verður að teljast býsna hagstæður.
Vínin eru útlistuð nánar í prýðilegum bæklingi
vínbúðanna og vona ég að vínáhugafólk veiti
betri vínunum frá Chile athygli en yfirgnæfandi
meirihluti sölunnar hefur verið í einföldustu og
ódýrustu vínunum.
Dýrari og óvenjuleg Chile-vín
VERT AÐ SPÁ Í
Nokkur óvenjuleg vín eru á boðstólum á Chile-dögum.
Athyglisvert sætvín frá Concha y Toro og riesling frá
Cousino-Macul. Hið jarðarberjablandaða freyðivín Fresita
er á kynningarverði auk þess að vera í nýjum umbúðum.
Rósavín úr cabernet sauvignon frá Santa Rita er líka sérlega
skemmtilegt.
ÞRÚGUR GLEÐINNAR
> EINAR LOGI VIGNISSON