Fréttablaðið - 07.06.2006, Síða 4

4 7. júní 2006 MIÐVIKUDAGUR
H
V
ÍT
A
H
Ú
S
IÐ
/
S
ÍA
MARAÞON
REYKJAVÍKUR
GLITNIS
19. ÁGÚST
ALLTAF GOTT
VEÐUR TIL
AÐ ÆFA!
GENGIÐ
GENGI GJALDMIÐLA 6.6.2006
Gengisvísitala krónunnar
Bandaríkjadalur 72,79 73,13
Sterlingspund 136,08 136,74
Evra 93,67 94,19
Dönsk króna 12,555 12,629
Norsk króna 12,067 12,139
Sænsk króna 10,168 10,228
Japanskt jen 0,6476 0,6514
SDR 108,57 109,21
HEIMILD: Seðlabanki Íslands
KAUP SALA
129,4194
VESTURBAKKINN, AP Mahmoud
Abbas, forseti Palestínumanna,
gaf Hamas-forystunni sem leiðir
palestínsku heimastjórnina
þriggja daga frest til viðbótar til
að samþykkja skjal um stofnun
sjálfstæðs Palestínuríkis við hlið
Ísraels. Áætlunin er samin af hátt
settum meðlimum Hamas- og
Fatah-hreyfinganna sem sitja nú í
ísraelskum fangelsum.
Leiðtogar Hamas hafa ekki
viljað styðja áætlunina því í henni
felst óbein viðurkenning á Ísra-
elsríki og hafa heimtað að orða-
laginu verði breytt, en Abbas
hefur hótað að kalla til þjóðarat-
kvæðagreiðslu samþykki Hamas
ekki skjalið.
Hamas-hreyfingin vann yfir-
burðasigur yfir Fatah, flokki
Abbas, í þingkosningum í vetur og
verða leiðtogar hennar að sam-
þykkja áætlunina svo hún komist í
framkvæmd. Leiðtogar Hamas
hafa hins vegar staðfastlega neit-
að að viðurkenna tilverurétt Ísra-
els.
Upphaflega hafði Abbas gefið
Hamas-stjórninni frest þar til í
gær, en ákvað eftir fund með
framkvæmdaráði Frelsissamtaka
Palestínu, PLO, í gær að fram-
lengja frestinn fram á fimmtudag.
Á þeim fundi lýstu yfirmenn PLO
yfir stuðningi við áætlunina og
heimiluðu Abbas að kalla til þjóð-
aratkvæðagreiðslu, að sögn Yass-
er Abed Rabbo, háttsetts embætt-
ismanns í Palestínu.
Abed Rabbo sagði jafnframt að
Abbas myndi ekki leyfa neinar
breytingar á skjalinu.
„Abbas forseti hefur tilkynnt
stjórn PLO að hann ætli að hefja
undirbúning þjóðaratkvæða-
greiðslunnar í lok þessarar viku
og að hann muni tilkynna þetta á
blaðamannafundi fyrir helgi,“
sagði Abed Rabbo. Þjóðaratkvæða-
greiðslan færi fram fjörutíu
dögum eftir tilkynninguna, en
Abed Rabbo sagði að viðræður við
Hamas um áætlunina myndu halda
áfram fram að kosningu.
Ismail Haniyeh forsætisráð-
herra sagði frestinn vera kær-
kominn og kallaði eftir frekari
fundum um málið.
Leiðtogar Hamas og Fatah hafa
haldið nokkra fundi um skjalið
síðan Abbas setti úrslitakostina
fyrir tveimur vikum. Að sögn
Abed Rabbo ræddu Abbas og
Haniyeh saman í síma á mánudag
í meira en klukkutíma, án árang-
urs. Í því samtali fór Abbas fram á
að Haniyeh hætti að láta eins og
flokksbundinn stjórnmálamaður
og færi að „haga sér eins og þjóðar-
leiðtogi,“ sagði Abed Rabbo.
Ný skoðanakönnun sem birt
var í gær sýndi að 77 prósent þjóð-
arinnar styðja áætlunina.
smk@frettabladid.is
Hamas veittur lokafrestur
Forseti Palestínu veitti forystu heimastjórnarinnar þriggja daga frest í gær til að samþykkja áætlun sem
óbeint viðurkennir tilverurétt Ísraels. Samþykki Hamas ekki áætlunina mun Abbas kalla eftir þjóðar-
atkvæðagreiðslu um málið. Hamas vann yfirburðasigur yfir flokki Abbas í þingkosningum í vetur.
ERFIÐIR TÍMAR Forsætisráðherra Palestínu,
Ismail Haniyeh, sést hér á fundi í gær.
Mahmoud Abbas forseti gaf Hamas-
stjórninni þrjá daga til viðbótar í gær til að
samþykkja skjal sem óbeint viðurkennir
tilverurétt Ísraels. FRÉTTABLAÐIÐ/AP
Bíll valt Tveir voru í bíl sem valt á
mótum Helgafellsbrautar og Fellavegar í
Vestmannaeyjum í gærkvöldi. Hvorugur
slasaðist alvarlega.
LÖGREGLUFRÉTTIR
Læknir sakaður um morð Banda-
rískur læknir hefur verið ákærður fyrir
morð á eiginkonu sinni sem lést fyrir 38
árum síðan. Upphaflega var mænusótt
sögð vera banamein hennar, en grunur
lék á að um morð væri að ræða. Árið
2003 var gröf hennar opnuð og ný
krufning sýndi fram á að mænusótt
hefði ekki dregið konuna til dauða.
Læknirinn er 72 ára gamall.
BANDARÍKIN
© GRAPHIC NEWS
DÓMSMÁL Tvítugur karlmaður,
Birkir Árnason, var í Héraðsdómi
Reykjavíkur í gær dæmdur í
tveggja ára fangelsi fyrir nauðgun.
Maðurinn neitaði sök.
Stúlkan var á Humarhátíð á
Höfn og gisti á tjaldstæði á Hross-
bitahaga. Maðurinn dró stúlkuna
með sér inn í trjálund, reif í hár
hennar, neyddi hana til að veita sér
munnmök og stakk fingrum inn í
leggöng hennar. Við yfirheyrslu
hjá lögreglu síðar um kvöldið sagð-
ist hann aðspurður ekki viss um
það hvort hann hefði sett getnaðar-
liminn inn í leggöng hennar.
Stúlkan rispaðist á hálsi og Jón
Torfi Gylfason, læknirinn sem
annaðist réttarlæknifræðilega
skoðun á stúlkunni, sagðist í áliti
sínu ekki áður hafa séð einstakling
í jafnmiklu áfalli og stúlkuna
skömmu eftir árásina.
Vitni sögðu að maðurinn hefði
verið „útúrdópaður“ umrætt kvöld
og hefði haldið uppi gífuryrðum
um að hann gæti lamið alla á tjald-
stæðinu.
Maðurinn játaði því að hafa
haft munnmök við stúlkuna en
sagði það hafa verið með hennar
samþykki. Maðurinn var dæmdur
í tveggja ára fangelsi og til að
greiða stúlkunni eina milljón
króna í skaðabætur auk máls-
kostnaðar. - sh
Tvítugur karlmaður dæmdur í tveggja ára fangelsi fyrir nauðgun á tjaldstæði:
Dró stúlkuna inn í trjálund
HÉRAÐSDÓMUR REYKJAVÍKUR Réttarlæknir
sagðist aldrei áður hafa séð einstakling í
jafnmiklu áfalli og stúlkuna sem nauðgað
var.
BANDARÍKIN, AP Yfirmönnum banda-
rísku leyniþjónustunnar, CIA, var
kunnugt um dvalarstað nasistans
og stríðsglæpamannsins Adolf
Eichmann á sjötta áratugnum, en
tóku þá ákvörðun um að þegja yfir
vitneskju sinni því þeir óttuðust að
hann gæti sagt frá aðgerðum í
Vestur-Þýskalandi sem ætlað var
að grafa undan kommúnisma á
dögum kalda stríðsins.
Þetta kemur fram í leynilegum
gögnum CIA sem gerð voru opin-
ber í Washington í gær.
Í þeim kemur jafnframt fram
að CIA hafi blekkt innflytjenda-
yfirvöld í Bandaríkjunum varðandi
aðra nasista. - smk
Bandaríska leyniþjónustan:
Hylmdi yfir
með nasistum
SLYSFARIR Eins hreyfils Cessna-
flugvél nauðlenti í Fljótavík á Vest-
fjörðum um kvöldmatarleytið á
mánudag. Flugvélin missti vélarafl
og þurfti að nauðlenda henni á
flugbraut í Fljótavík. Flugvélin
stöðvaðist þó ekki fyrr en í ósi við
enda brautarinnar.
Samkvæmt upplýsingum frá
lögreglunni á Ísafirði var flugmað-
urinn einn í vélinni og er hann
ómeiddur. -at
Flugvél nauðlenti í Fljótavík:
Endaði í ósi
FERÐAMÁL Gistinóttum á hótelum
fjölgaði úr 77.300 frá apríl árið
2005 í 80.300 í sama mánuði í ár.
Gistinóttum fjölgaði hlutfallslega
mest mest á Austurlandi en Suður-
land er eina landsvæðið þar sem
fækkun varð á gistinóttum á milli
ára en þar fækkaði þeim um 13,5
prósent, úr 9.800 í 8.400.
Gistinóttum erlendra ferða-
manna fjölgaði um 9 prósent á
meðan gistinóttum Íslendinga
fækkaði um 7 prósent. Á sama
tíma fjölgaði herbergjum úr 3.571
í 3.674 sem er 3 prósenta aukning
og fjöldi rúma fór úr 7.199 í 7.470
sem er 4 prósenta aukning. - hs
Gistinóttum í apríl fjölgar:
Mest fjölgun á
Austurlandi