Fréttablaðið - 07.06.2006, Qupperneq 49

MARKAÐURINN
und. Þannig að þetta er í raun einfalt reikn-
ingsdæmi,“ segir Bernhard.
Hann segir sambærileg fyrirtæki hafa náð
tíu til fimmtán prósenta markaðshlutdeild á
fimm árum. „Við verðum að vera hæverskir
þegar við setjum fram áætlanir og setja
okkur raunhæf markmið. Markaðurinn fyrir
þessi tvö tæki ætti að vera um milljarður
bandaríkjadala og við stefnum að góðri mark-
aðshlutdeild eftir fimm ár.“
Bernhard segir þó að ekki sé í raun um
beina samkeppni að ræða. Aðrir framleið-
endur beiti annarri tækni. „Það getur í raun
enginn gert það sama og við erum að gera, en
það eru aðrar aðferðir til við að koma efnum
inn í frumur. Að mínu áliti, og margra ann-
arra, standast þær aðferðum okkar þó hvergi
snúning. Þessi tækni er algerlega byltingar-
kennd.“
Viðskiptamódel Cyntellect gerir þó ráð
fyrir fleiri tekjulindum. „Við seljum einnig
efni sem þarf í tækin. Við sjáum ekki síður
framtíðarvon í efnissölunni en tækjunum
sjálfum. Slíkar tekjur koma jafnt og þétt
meðan tekjur af tækjunum koma í stærri
skömmtum.“
ISEC SPENNANDI KOSTUR
Bernhard segir Cyntellect í dag fá fleiri pant-
anir en það ræður við. Skráningunni sé ætlað
að útvega það fé sem til þarf svo fyrirtækið
geti haldið áfram að vaxa og hægt sé að koma
framleiðslu og markaðssetningu á legg.
Sú ákvörðun Cyntellect að skrá félagið
á markað hér á Íslandi er þó ekki einungis
til komin vegna margvíslegra tengsla við
landið. Bernhard segir tvær meginástæður
fyrir því að ákveðið var að skrá Cyntellect á
iSEC markað Kauphallarinnar. „Í fyrsta lagi
er gríðarlega flókið og dýrt að skrá félag
á markað í Bandaríkjunum. Skráningin á
NASDAQ kostar tvær milljónir dala til að
byrja með og síðan kostar um eina milljón á
ári að viðhalda henni. Í öðru lagi er fyrirtæk-
ið á því skeiði í þróunarferlinu að áhættufjár-
festar líta ekki við því lengur, en við eigum
þó enn nokkuð í land með að ná þeim tekjum
sem þarf til að skrá fyrirtæki á markað í
Bandaríkjunum.“
Bernhard segir iSEC vera spennandi
markað. Hæfilega strangar kröfur séu gerð-
ar til skráðra fyrirtækja, og þeim í senn veitt
aðhald og búnar aðstæður til vaxtar. „Við
erum mjög spenntir fyrir því að vera fyrsta
skráða félagið á iSEC. Það er gaman að taka
þátt í því að koma nýju ævintýri af stað.“
Hann hefur ekki áhyggjur af því að lítil
velta verði á markaðnum eða verðmyndun
ekki nægilega virk. „Tíminn mun vissulega
leiða það í ljós. Það getur vel verið að við-
skiptin verði lítil til að byrja með en þau
munu aukast í samræmi við vöxt fyrirtæk-
isins.“
Bernhard telur ekki loku fyrir það skot-
ið að skráning á iSEC sé fyrsta skrefið
í átt til skráningar Cyntellect á aðallista
Kauphallarinnar. „Það getur vel verið, þótt
það sé ekkert endilega í spilunum núna. Við
erum í það minnsta bjartsýnir og verðum í
góðum málum ef við náum þeim markmiðum
sem við höfum sett okkur.“
13MIÐVIKUDAGUR 7. JÚNÍ 2006
Ú T T E K T
Cyntellect var stofnað árið 1997
af Bernhard Pálssyni. Fyrirtækið
hét Oncosis frá stofnun þar til
árið 2004 að nafninu var breytt
í Cyntellect.
Höfuðstöðvar Cyntellect eru í
San Diego í Kaliforníu og vinna
þar tuttugu og sjö fastir starfs-
menn. Fyrirtækið framleiðir
tæki og tól fyrir lyfja- og líf-
tækniiðnaðinn og er nú þegar
með fimm skráð einkaleyfi tengd
tækni sem meðhöndlar frum-
ur með leysigeisla. Cyntellect
verður ekki einungis fyrsta
félagið sem skráð verður á hinn
nýja iSEC-markað Kauphallar
Íslands, heldur einnig fyrsta
bandaríska félagið sem skráð
verður á íslenskan markað.
Cyntellect er réttnefnt
íslensk-bandarískt fyrirtæki
þótt höfuðstöðvarnar og starf-
semin séu í Bandaríkjunum.
Bernhard Pálsson er stjórnarfor-
maður félagsins auk þess að eiga
fjórðung hlutafjár, en auk hans
sitja þeir Friðrik Jóhannsson
og Tryggvi Pétursson í stjórn
Cyntellect. Forstjóri fyrirtæk-
isins er Bandaríkjamaðurinn
Manfred Koller.
Cyntellect verður formlega
skráð á iSEC-markaðinn þann
23. júní næstkomandi. Áður en
skráning fer fram verður útboð
til fagfjárfesta þar sem hlutir
í félaginu verða seldir á 2,5 til
þrjá dali hver, eða sem nemur
180 til 216 íslenskum krónum.
Stefnt er að því að safna alls tíu
til tólf milljónum bandaríkjadala
í útboðinu.
- jsk
Íslenskt-bandarískt hátæknifyrirtæki
Cyntellect verður hvort tveggja í senn fyrst fyrirtækja á iSEC-markaðnum og fyrst bandarískra
fyrirtækja til vera skráð á íslenskan markað.
JIM LINTON MARKAÐSSTJÓRI CYNTELLECT Forsvarsmenn Cyntellect hafa kynnt fyrir-
tækið fyrir fjárfestum og öðrum undanfarna daga. Hér heldur Jim Linton markaðsstjóri tölu
í höfuðstöðvum KB banka í Borgartúni.
Cyntellect fæddist yfir rauðvínsglasi á Strikinu
Bernhard Ö. Pálsson er stjórnarformaður bandarísk-íslenska líftæknifyrirtækisins Cyntellect auk þess að gegna stöðu prófessors við Kaliforníu-
háskóla í San Diego. Bernhard hefur búið í Bandaríkjunum frá árinu 1977 og komið að margvíslegum rekstri. Í samtali við Jón Skaftason sagði hann
skilyrði til skráningar á markað mun hagstæðari á Íslandi en í Bandaríkjunum.
Þórður Friðjónsson, forstjóri
Kauphallar Íslands, segist binda
vonir við að hægt verði að virkja
þann gríðarlega mikla mun sem
er á kostnaði við skráningu í
Bandaríkjunum og á Íslandi.
Umfangsmiklar breytingar
voru gerðar á bandarískum fyr-
irtækjalögum, í kjölfar Enron-
málsins og annarra hneykslis-
mála sem riðu yfir bandarískt
viðskiptalíf, með svokallaðri
Sarbanes-Oxley-löggjöf. Nú
er svo komið að reglur hafa
verið hertar svo mjög og kostn-
aður aukist að skráningum
hefur fækkað hlutfallslega í
Bandaríkjunum og félög leita í
auknum mæli á náðir evrópskra
kauphalla.
„Félög leita í ríkari mæli
til Evrópu, þá sérstaklega til
Lundúna. Ég á von á því að
fleiri erlend og þá einkum
bandarísk fyrirtæki fylgi í
kjölfar Cyntellect, og þá ekki
síst fyrirtæki sem hafa tengsl
við landið og þekkja til hérna
heima,“ segir Þórður.
Þórður telur þó að til að svo
megi verða sé nauðsynlegt að
slaka hvergi á og kappkosta
að búa erlendum fyrirtækjum
góð skilyrði. „Við verðum að
verja það sem ég hef talið okkar
aðalsmerki; að geta unnið hratt
án þess að fórna því að fara
með yfirveguðum og ítarlegum
hætti yfir málin. Hér er sveigj-
anlegt kerfi og skilvirkt reglu-
verk. Við höfum hér aðstæður
sem gætu verið ákjósanlegar
fyrir erlend fyrirtæki.“ -jsk
Aðstæður
ákjósanlegar
erlendum
fyrirtækjum
ÞÓRÐUR FRIÐJÓNSSON FORSTJÓRI
KAUPHALLAR ÍSLANDS Skráning
bandarískra fyrirtækja á evrópska markaði
hefur aukist undanfarin misseri. Þórður
Friðjónsson telur aðstæður á Íslandi
ákjósanlegar slíkum fyrirtækjum.
K O S I N N Í
V E R K F R Æ Ð I A K A D E M Í U
B A N D A R Í K J A N N A
Bernhard Ö. Pálsson var nýlega kosinn í verkfræðiaka-
demíu Bandaríkjanna. Þar situr hann með ekki ómerk-
ari mönnum en Bill Gates, stjórnarformanni Microsoft,
og Steve Jobs, forstjóra Apple.
Í akademíunni eru tvö þúsund manns; þúsund
fræðimenn og þúsund manns sem koma úr iðnaði.
Árlega eru teknir inn sjötíu nýir meðlimir. Bernhard er
fæddur árið 1957 og verður því fjörutíu og níu ára á
þessu ári. Það þykir tíðindum sæta að svo ungur maður
sé valinn til starfa í akademíunni en vaninn er að fólk
öðlist þar sess á gamals aldri. „Þetta er hápunkturinn
á mínum ferli. Þetta er mjög selektívur félagsskapur og
mikill heiður. Maður er hálfgert unglamb samanborið
við þessa kappa.“
Hlutverk akademíunnar er einkum að sinna fræði-
starfi. Gefnar eru út skýrslur og álit unnin um stöðu og
framtíðarhorfur verkfræðinnar.