Fréttablaðið - 22.06.2006, Page 54

■■■■ { sumarið 2006 } ■■■■■■■■■■■■■■■■■■■■■■■■■■■■■■■■■■■■■■■■■■■■■■■14
Fátt er betra en að aka um Ísland og
upplifa fjölbreytta fegurð landsins.
Oftar en ekki fara íslenskir ferða-
langar þangað sem sólin skín, en
eru ekki endilega með áform hvert
skal halda næsta dag. Á veginum
geta skipst á skin og skúrir og leikur
ljóss og skugga birtir manni nýjar
myndir af náttúrunni sem maður
hefur aldrei séð áður, jafnvel þó
maður hafi keyrt sama veginn mörg-
um sinnum. Ef tækifæri gefst, er um
að gera að taka sér góðan tíma og
njóta þess sem fyrir augu ber.
Á ferð um landið
Ljósmyndari Fréttablaðsins, Vilhelm Gunnarsson, lagði
land undir fót og myndaði nokkrar náttúruperlur landsins.
Börn að leik við Seljalandsfoss.
Ekið yfir Skeiðarársand.
Maðurinn er smár í samanburði við ísbreiðuna á Breiðamerkurlóni.
Litadýrð við Námaskarð.