Fréttablaðið - 12.08.2006, Qupperneq 29

þýða þó ég geti ekki borið þau
fram. Það er líka eitt að geta talað
kínversku og að tala góða kín-
versku. Það tekur gífurlegan tíma
að ná almennilegum tökum á mál-
inu og það verður ævistarf mitt,“
segir Arnar Steinn en lokaverk-
efni hans var þýðing á íslenskri
sögu yfir á kínversku. „Ég þýddi
smásöguna Farfuglinn eftir Guð-
berg Bergsson yfir á kínversku
og fékk góða einkunn fyrir. Á kín-
versku heitir sagan Hou Niao. Ég
bað að vísu Guðberg ekki um leyfi
en ég vona að það sé í lagi. Ég
ætla hvort eð er ekki að gefa hana
út,“ segir Arnar Steinn hlæjandi.
Eitt stærsta efnahagssvæði heims
Á síðustu árum hefur Kína opnast
mikið og er sívaxandi efnahags-
svæði. Arnar Steinn segir að
Guang Zhou sé ein mesta við-
skiptaborg Kína. „Guang Zhou er
eitt af stærstu efnahagssvæðum
heims. Kína er í fjórða sæti yfir
stærstu efnaahagssvæði heims en
héraðið er inni á topp tíu yfir
stærstu efnahagssvæði heims,
sem er í raun ógnvænlegt. Það eru
allir frændur okkar, Norðmenn,
Svíar, Danir, með viðskiptaráð í
Kína og mjög margir sem stunda
viðskipti þar. Ég rakst hins vegar
ekki á marga Íslendinga þar,“
segir Arnar Steinn. „Það eru flest-
ir sem koma þangað til að kaupa
textílvörur eða ódýrar rafmagns-
vörur. Guang Zhou er mikið fram-
leiðsluhérað og það er mikið um
alþjóða viðskipti þar. Viðskiptin
eru í raun svo mikil að þegar ég
sagðist ekki vera að stunda við-
skipti spurði fólk hvort ég væri
veikur.“
Arnar Steinn segist ekki hafa
haft mikinn áhuga á viðskiptum
þegar hann kom til Kína en nú sé
áhuginn farinn að kvikna. Hann vil
samt ekki láta það uppi hvort hann
hafi fengið stóra viðskiptahug-
mynd. „Ég vil nú sem minnst tjá
mig um það. Margir vinir mínir
þarna úti vildu hins vegar fara að
stunda stóran og mikinn bisness á
Íslandi en þegar ég sagði þeim
hvað það búa margir hérna fannst
þeim markaðurinn helst til lítill.“
kristjan@frettabladid.is
MEÐ BEKKJARFÉLÖGUNUM Arnar Steinn
og samnemendur úr háskólanum í Guong
Zhou.
Arnar Steinn Þorsteinsson
er kominn til Íslands ásamt unn-
ustu sinni Sonoko Oki. Sonoko er
frá Japan en þau kynntust í Kína.
„Hún er frá Japan og við erum búin
að vera saman í næstum fimm ár.
Hún er mannfræðingur að mennt
og vann meðal annars fyrir útflutn-
ingsráð Japans í Kína og svo hjá
rafeindafyrirtækinu NEC,“ segir
Arnar Steinn. „Við ætlum að vera á
Íslandi í eitt ár og sjá hvernig okkur
líkar. Hún er að melta Ísland með
sér og athuga hvort hún vilji búa
hér. Hún rembist eins og rjúpa við
staurinn að læra íslensku. Hún á
samt erfitt með framburðinn. Svo
getur vel verið að við förum til Kína
eða Japan. Það er allt opið hjá
okkur eins og er.“
Arnar Steinn er sem stendur í
atvinnuleit en segist ekki hafa séð
margar atvinnuauglýsingar þar sem
kínverskan kemur við sögu. „Ég
hef samt sérstakan áhuga á ferða-
málaiðnaðnum. Það eru margir
kínverskir ferðamenn sem koma til
Íslands en það er ekki langt síðan
stjórnvöld í Kína leyfðu heimsóknir
til Íslands,“ segir Arnar Steinn sem
hefur þó sérstakan áhuga á menn-
ingartengslum þjóðanna.
Undirbúningur fyrir tónleika
Björgvins Halldórssonar og Sin-
fóníuhljómsveitar Íslands er að
komast á lokastigi. Miðasala á við-
burðinn hefst í þarnæstu viku og
æfingar um næstu mánaðamót en
tónleikarnir sjálfir verða haldnir í
Laugardalshöllinni laugardaginn
23. september. Mikið stendur til
enda munu að öllum líkindum vel
á annað hundrað manns taka þátt í
tónleikunum með einum eða
öðrum hætti.
„Ég ætlaði að gera þetta fyrir
tíu árum og í rauninni á undan
öllum öðrum sem hafa gert þetta
undanfarið,“ segir Björgvin um
tónleikana. Hann segist þekkja
fólkið í Sinfóníuhljómsveitinni
mjög vel enda hefur hann komið
víða við á löngum ferli sem tón-
listarmaður, upptökustjóri og
framleiðandi.
„Ég er væntanlega búinn að
vera nógu lengi í bransanum til að
vera búinn að vinna fyrir þessu,“
bætir hann við.
Hljómsveitarstjóri verður
Bernharður Wilkinson, Þórir
Baldursson útsetur fyrir hljóm-
sveit og kór og Hrafnkell Orri
Egilsson útsetur forleik tónleik-
anna sem byggður er á lögum eftir
Björgvin. Hrynsveit Björgvins
leikur með sinfóníuhljómsveitinni
og karlakórinn Fóstbræður syng-
ur, svo nokkrir séu nefndir.
Fjölmargir gestir stíga á svið
með Björgvini á tónleikunum og
má þar nefna börn hans, Svölu og
Krumma. Aðspurður segist Björg-
vin ekki vilja segja meira um þá
sem gleðja munu áhorfendur við
hlið hans, nema að þeir verði
eflaust fleiri en búið að er að gefa
upp.
Bó tíu árum á eftir áætlun
STÓRTÓNLEIKAR
NÁLGAST Vel á annað
hundrað manns taka
þátt í tónleikum Björg-
vins Halldórssonar og
Sinfóníuhljómsveitar
Íslands.
LAUGARDAGUR 12. ágúst 2006 29