Fréttablaðið - 04.09.2006, Page 8

8 4. september 2006 MÁNUDAGUR
STRÆTÓ Þrjár biðstöðvar leiðar S5 í
Árbæjarhverfi hafa verið fjar-
lægðar í kjölfar þess að leiðin var
lögð niður. Dagur B. Eggertsson,
oddviti Samfylkingarinnar í borg-
arstjórn, segir að íbúar hverfisins
telji þetta þvert á yfirlýsingar
meirihlutans um
að þessi þjón-
ustuskerðing
yrði ekki endan-
leg.
„Þrjár stopp-
istöðvar, sem
einungis S5
stoppaði við,
voru fjarlægð-
ar,“ segir Ásgeir
Eiríksson, fram-
kvæmdastjóri
Strætó bs. „Stjórn Strætó bs ákvað
að akstur S5 mundi ekki hefjast
aftur eftir sumarlokun leiðarinn-
ar. Þar er ekki talað um tíma-
bundna ráðstöfun. Við reynum svo
að hafa ekki biðstöðvar sem gefa
til kynna að þjónusta sé þar sem
hún er ekki.“
„Á álagstímum á morgnana verð-
ur bætt við aukavögnum sem
keyra með hinum, því margir
vagnar fyllast á morgnana. Þetta
kemur kannski mörgum á óvart
því umræðan hefur verið um tómu
vagnana,“ segir Ásgeir.
Í borgarráði liggur fyrir tillaga
Samfylkingarinnar um að hefja
aftur akstur á leið S5, halda áfram
tíu mínútna tíðni á hraðleiðum á
álagstímum og koma á samstarfi
við skóla og stóra vinnustaði um
aukna nýtingu strætisvagna.
„Það er verið að skoða málin,“
segir Þorbjörg Helga Vigfúsdóttir,
borgarfulltrúi Sjálfstæðisflokks.
„Það er stjórnsýsluúttekt í gangi
og á meðan við erum að tapa svona
miklum peningum getum við ekki
haldið þessari leið úti. Við getum
ekki sagt hvort þetta er alfarið eða
tímabundið.“ - sgj
DÓMSMÁL Mál afkomenda Jóhann-
esar Sveinssonar Kjarvals list-
málara gegn Reykjavíkurborg
verður tekið til efnismeðferðar í
Héraðsdómi Reykjavíkur 20.
september næstkomandi. Deilt
er um eignarrétt á verkum Kjar-
vals sem hafa verið í varðveislu
hjá Reykjavíkurborg síðan 1968.
Guðrún Kjarval og Mette Stiil,
sem búa í Danmörku, eru upphaf-
legir stefnendur í málinu en
aðstandendur Kjarvals fara fram
á að viðurkenndur verði eignar-
rét tur yf ir l is taverkum sem
Reykjavíkurborg telur sig hafa
eignast þegar Geir Hallgríms-
son, þáverandi borgarstjóri, tók
við nokkrum af verkum Kjarvals
á vinnustofu hans við Sigtún árið
1968.
Kristbjörg Stephensen, sem
flytur málið fyrir hönd Reykja-
víkurborgar, segir það vera kröfu
borgarinnar að listaverk Kjar-
vals verði áfram í eigu borgar-
innar.
„Reykjavíkurborg þáði þessi
verk frá Kjarval að gjöf, og á
þeirr i forsendu byggir vörn
okkar í málinu. Það var alveg
skýr vilji Kjarvals að borgin
fengi þessi verk til sýninga og
varðveislu, og borgin hefur staðið
myndarlega að meðferð lista-
verkanna,“ sagði Kristbjörg.
Krafa borgarinnar í upphafi
var sú að málinu yrði vísað frá en
héraðsdómur varð ekki við þeirri
kröfu.
Kristinn Bjarnason fer með
málið fyrir hönd aðstandenda
Kjarvals en krafa þeirra byggir á
því að ekki hafi verið gerður
skr if legur samningur vegna
afhendingar á listaverkunum.
Stefnan byggir að miklu leyti á
því að Kjarval hafi falið Reykja-
víkurborg verkin til geymslu og
því hafi ekki verið um gjöf að
ræða í eiginlegum skilningi.
Upphaf málsins má rekja til
óskar um að „einkaskipti á dánar-
bú i Jóhannesar Sve inssonar
Kjarval yrðu endurupptekin á
þeim grundvelli að ekki hefðu
komið fram allar eignir sem
hefðu átt að koma til álita við
skiptin í öndverðu,“ eins og segir
orðrétt í stefnu sækjanda í mál-
inu.
magnush@frettabladid.is
Deila um eignarrétt á mál-
verkum Jóhannesar Kjarvals
Málflutningur vegna deilu um eignarrétt yfir verkum Kjarvals, sem hafa verið í varðveislu Reykjavíkur-
borgar, fer fram innan skamms. Verkin eru í eigu borgarinnar, segir lögmaður borgarinnar.
HLUTI VERKANNA SEM UM ER DEILT Verkin, sem aðallega eru teikningar, eru geymd
á Kjarvalsstöðum. Tvö af verkunum eru málverk. FRÉTTABLAÐIÐ/HÖRÐUR
SKÁK Hannes Hlífar Stefánsson stórmeistari
varð Íslandsmeistari í skák í áttunda sinn á
föstudag eftir fjögurra skáka einvígi við
alþjóðlega meistarann Héðin Steingrímsson.
Hannes er jafnframt sá fyrsti til að vinna
Íslandsmeistaratitilinn sex sinnum í röð.
„Lokaskákin var svolítið erfið, það er allt-
af smá taugastríð í einvígjum. Héðinn var
með mjög sterkan leik og hefði getað snúið
taflinu við á tímabili en sá það ekki,“ segir
Hannes Hlífar, en lokaskákin endaði í jafn-
tefli og nægði það Hannesi til sigurs. Lokaúr-
slitin urðu að Hannes fékk tvo og hálfan vinn-
ing en Héðinn einn og hálfan, en Héðinn
þurfti að vinna lokaskákina til að jafna
metin.
Hannes sló meira en fimmtíu ára gamalt
met Baldurs Möller, sem varð Íslandsmeist-
ari sjö sinnum. Hannes vann fyrsta Íslands-
meistaratitilinn árið 1998 og hefur borið sigur
úr býtum á mótinu síðan, að undanskildu
árinu 2000 þegar hann tók ekki þátt.
„Nú þarf maður bara að fara að æfa sig og
stúdera, þetta snýst mikið um það að stúdera
byrjanir,“ segir Hannes um það sem er fram-
undan, en hann er búsettur í Prag.
„Það er þægilegt að vera í miðri Evrópu
því það er stutt á mótin. Það er ekki mikið um
að vera fyrir atvinnumenn í skák á Íslandi,“
segir Hannes. - rsg
Hannes Hlífar Stefánsson stórmeistari varð Íslandsmeistari í skák í áttunda sinn:
Sló hálfrar aldar gamalt met Baldurs Möller
HANNES HLÍFAR STEFÁNSSON Fjöldi fólks fylgdist með
einvígi Hannesar og Héðins í höfuðstöðvum Orkuveitu
Reykjavíkur.
Endanlega búið að leggja niður leið S5:
Biðskýlin hafa
verið fjarlægð
ÁSGEIR EIRÍKSSON
GENGIÐ INN Í STRÆTÓ Samfylkingin
hefur lagt fram tillögu um að hefja aftur
akstur á leið S5.
VEISTU SVARIÐ?
1. Hvaða matvöruverslun borg-
ar starfsmönnum sínum hundr-
að þúsund krónur fyrir að finna
nýja starfsmenn í verslunina?
2. Hvað heitir aðstoðarrektor
Viðskiptaháskólans á Bifröst
sem nú hefur sagt upp störfum?
3. Hvar er stærsta tré á
Íslandi?
SVÖRIN ERU Á BLS. 38
Innbrot í Reykjanesbæ
Brotist var inn í áhaldageymslu
Reykjanesbæjar í gærmorgun. Rótað
hafði verið til í húsinu en að sögn
lögreglu leit ekki út fyrir að neinu
hefði verið stolið. Innbrotsþjófarnir
náðust ekki en málið er í rannsókn.
LÖGREGLUFRÉTT
ÞÝSKALAND, AP Angela Merkel,
kanslari Þýskalands, er valda-
mesta kona heims. Þetta fullyrðir
bandaríska
viðskiptatíma-
ritið Forbes í
nýjustu
uppfærslu lista
síns yfir
hundrað
áhrifamestu
konurnar.
Næst á eftir
Merkel er
Condoleezza
Rice, utanríkisráðherra Banda-
ríkjanna, og þriðja á listanum er
Wu Yi, varaforsætisráðherra
Kína.
Meðal annarra kvenna sem
getið er á listanum eru Michelle
Bachelet, forseti Chile, Hillary
Clinton, öldungadeildarþingmað-
ur í Bandaríkjunum og eiginkona
Bill Clinton fyrrverandi forseta,
og Sonia Gandhi, formaður
Kongress-flokksins á Indlandi.
- aa
Forbes-tímaritið bandaríska:
Merkel valda-
mesta konan
ANGELA MERKEL