Fréttablaðið - 04.09.2006, Page 24

4. september 2006 MÁNUDAGUR4
Eftir því sem kvöldin lengjast
er þörf á meiri lýsingu bæði
utan dyra og innan. Því var
litið í ljósabúðir.
Það nýjasta í útilýsingu þetta
haustið eru svokölluð díóðuljós.
Þau ryðja sér einnig til rúms innan
dyra og svo munu lituð ljós setja
svip á heimilin á næstunni, sér-
staklega rauð.
Þetta segir Einar Sveinn
Magnússon, sölumaður í Pfaff
Borgarljósum á Grensásvegi.
Kristján Kristjánsson í Lumex í
Skipholti er algerlega sama sinnis,
að minnsta kosti hvað díóðuljósin
varðar. Þar verður komið úrval
nýrra ljósa um miðjan september
að hans sögn en í Borgarljósum
eru nokkur ný komin upp og þang-
að sentist myndasmiður okkar til
að smella af.
Díóðuljósin eru lítil og með
öðrum blæ en flest önnur ljós. Þau
fást í ýmsum litum og hægt er líka
að fá díóðuljós sem skipta litum
sjálf. Díóðuljósin eru gjarnan felld
inn í veggi eða stéttar ef um úti-
ljós er að ræða. Þau eru dýrari en
önnur ljós en díóðan endist í 100
þúsund tíma og eyðir mjög litlu
rafmagni. Díóðuljós henta því
einkar vel sem útiljós og enginn
munur er á frágangi þeirra og
annarra ljósa.
Sem nýjung í innilýsingu eru
svo litaðir lampar og hengiljós.
Mest ber á rauðum enn sem komið
er. Skemmtileg tilbreyting frá
öllum þeim hvítu ljósum sem áber-
andi hafa verið síðustu árin.
- gun
Díóðuljós og
rauðir lampar
Díóðuljósin endast í hundrað þúsund tíma og eyða mjög litlu rafmagni. Ljósin á síðunni fást í Pfaff Borgarljósum á Grensásvegi.
FRÉTTABLAÐIÐ/HÖRÐUR
Ný og endurbætt húsgagna-
verslun var opnuð laugardag-
inn 25. ágúst í húsnæði Heima
að Síðumúla 30.
Í hinu 2.400 fermetra húsnæði má
finna einstakt úrval húsgagna og
fylgihluta frá heimsþekktum fram-
leiðslufyrirtækjum. Þar ber fyrst
að nefna þýska fyrirtækið Hulsta
og hið franska Chateaux d‘ Ax.
Hulsta er þekkt fyrir hágæða
viðarvöru fyrir hús og heimili.
Chateau d´Ax er aftur vinsæll sófa-
framleiðandi og stórtækur á sínu
sviði. Línan frá fyrirtækinu er
breið og því má finna allt frá vönd-
uðum hornsófum upp í tungusófa.
Þrátt fyrir ólíkt útlit eiga hús-
gögn frá þessum fyrirtækjum það
sameiginlegt að vera hágæða hön-
unarvara, hvort heldur sem þau
eru í nútímalegum eða gamaldags
stíl.
Þarna er líka að finna fyrirtæki
að nafni FSM sem eru í eigu sviss-
neskra aðila, en það er meðal ann-
ars þekkt fyrir framleiðslu á marg-
nýtanlegum stólum, sem breyta
má með lítilli fyrirhöfn. Þráðlausir
rafknúnir hvíldarstólar frá fyrir-
tækinu hafa einnig verið nokkuð
eftirsóttir í gegnum tíðina.
Verslunina Heima má enn finna
í sinni upprunalegu mynd í húsinu,
en hún er aðeins hluti af víðfeðmu
húsnæðinu þar sem hvert fyrir-
tæki hannar sinn eigin hluta. Að
þessu sögðu má ljóst vera að þarna
ættu allir í húsgagnahugleiðingum
að finna eitthvað við sitt hæfi. - rve
Áður óþekkt húsgagnaúrval
Verslunin Heima var opnuð fyrir rúmri viku.
TILBOÐSDAGAR
10 - 60% AFSLÁTTUR
Bæjarlind 6, Kóp. - s.534 7470 - www.feim.is
Opið virka daga 10-18 og laugad. 10-16
Nýjar vörur
frá Pej
550 5000
AUGLÝSINGASÍMI