Fréttablaðið - 05.09.2006, Síða 6

6 5. september 2006 ÞRIÐJUDAGUR
STJÓRNMÁL Helgi S. Guðmundsson,
formaður bankaráðs Seðlabank-
ans, segir ekkert óeðlilegt við að
Davíð Oddsson seðlabankastjóri
fjalli um pólitísk álitamál á opin-
berum vettvangi. Þvert á móti sé
það eðlilegt. „Mér finnst fullkom-
lega eðlilegt að Davíð Oddsson
tjái sig um slík mál og það er ekk-
ert í ráðningarsamningi hans um
að hann afsali sér réttinum til að
tjá sig,“ segir Helgi.
Davíð ræddi um Kárahnjúka-
virkjun og umræðuna um grein-
argerð Gríms Björnssonar jarð-
eðlisfræðings í Ríkisútvarpinu
fyrir helgi. Þorvaldur Gylfason,
prófessor í hagfræði við Háskóla
Íslands og fyrrverandi banka-
ráðsmaður í Seðlabankanum,
gagnrýndi framgöngu Davíðs í
viðtali við RÚV á laugardag, og
sagði ummæli hans draga úr trú-
verðugleika bankans. Helgi er á
öðru máli og segir ekkert í orðum
Davíðs rýra trúverðugleikann.
„Virkjunin hefur með efnahags-
mál að gera, stjórnarandstaðan
hefur lagt til að fyllingu Hálslóns
verði frestað og ég spyr hvaða
efnahagslegu afleiðingar gæti það
haft í för með sér,“ segir Helgi.
Davíð var einnig í Kastljósinu
á sunnudag og fór þar hörðum
orðum um dómskerfið. Hann
sagði slæmt að það gæti ekki tekið
stór mál til meðferðar og vitnaði
til Baugsmálsins og Málverka-
fölsunarmálsins. Helgi gerir
engar athugasemdir við þau orð
Davíðs.
Spurður hvort hér gæti stefnu-
breytingar af hálfu Seðlabankans
og hvort bankastjórarnir muni
eftirleiðis tjá sig oftar um þjóðfé-
lagsmál segir Helgi svo ekki vera.
„Það er undir einstaklingunum
komið hvort þeir vilja tjá sig um
málefni líðandi stundar eða ekki.“
Gunnar Helgi Kristinsson,
prófessor í stjórnmálafræði við
HÍ, segir fá dæmi þess að seðla-
bankastjórar tjái sig um önnur
mál en þau sem falla undir starfs-
svið þeirra og almennt blandi
embættismenn sér ekki í flokks-
pólitísk hitamál. Óumdeilt sé að
þeir hafi rétt til að tjá sig en álita-
mál hvort það sé heppilegt. Til
dæmis eigi seðlabankastjóri að
ráðleggja ríkisstjórnum og geti
þurft að ráðleggja ólíkum stjórn-
málamönnum og ólíkum ríkis-
stjórnum.
Gunnar Helgi segir enn frem-
ur að ekki þurfi að koma á óvart
þótt Davíð hafi skoðanir, hann
hafi jú verið forsætisráðherra í
rúm þrettán ár. „Vandinn liggur
frekar í pólitískum ráðningum
seðlabankastjóra en að Davíð hafi
pólitískar skoðanir.“
bjorn@frettabladid.is
LÖGREGLUMÁL Nítján ára karlmað-
ur var ákærður í Héraðsdómi
Reykjavíkur í gær fyrir ýmis
lögbrot. Maðurinn var ákærður
fyrir að hafa í vörslu sinni
smáræði af hassi sem lögreglu-
menn fundu við húsleit í maímán-
uði í fyrra, en þá var maðurinn
átján ára að aldri.
Maðurinn var handtekinn í
júnímánuði sama ár í verslunar-
miðstöðinni Kringlunni með tæp
tvö grömm af tóbaksblönduðu
kannabisefni í vörslu sinni og
bitvopn.
Loks var maðurinn ákærður
fyrir að aka ökuréttindalaus
þrívegis á þessu ári. - æþe
Nítján ára afbrotamaður:
Með hass og
hníf á búðarápi
Telja í lagi að Davíð
tjái sig um pólitík
Formaður bankaráðs Seðlabankans segir ekkert mæla gegn því að Davíð Odds-
son tjái sig um pólitísk álitamál. Prófessor í stjórnmálafræði segir vandann
fremur liggja í pólitískum ráðningum en að Davíð hafi pólitískar skoðanir.
���������������������������������������������������������������������� ������������
�������������
������������
������� ����������
����������������������������������������������������������������
����
�����
�����
��
F
í
t
o
n
/
S
Í
A
Nú fylgir USS!
kortið með öllum
live! símum
USS!
Símatilboð
Fullt verð 16.900 kr.
USS! kortið fylgir með
Samsung X660v
STJÓRNMÁL Enn hefur ekki verið
ákveðið hvenær sala Reykjavíkur-
borgar á hlut borgarinnar í Lands-
virkjun, til íslenska ríkisins, gengur
í gegn. Reykjavíkurborg á 45 pró-
sent í Landsvirkjun, íslenska ríkið
50 prósent og Akureyrarbær fimm
prósent. Ráðandi meirihluti í borg-
arstjórn hefur lýst því yfir að hann
ætli sér að selja hlutinn, að því
gefnu að sanngjarnt verð fáist fyrir
hlutinn.
Vilhjálmur Þ. Vilhjálmsson borg-
arstjóri segir vinnu vegna sölunnar
standa yfir. „Það liggur fyrir endur-
skoðað verðmat sem fulltrúar borg-
arinnar og ríkisins þurfa að fara
yfir. Það er unnið hörðum höndum
að framgangi málsins og við von-
umst eftir niðurstöðu sem fyrst.
Það gengur ekki upp að Reykjavík-
urborg sé 45 prósenta eigandi að
Landsvirkjun og 95 prósenta eig-
andi að Orkuveitu Reykjavíkur. Það
sjá allir,“ sagði Vilhjálmur.
Guðlaugur Þór Þórðarson,
stjórnarformaður Orkuveitu
Reykjavíkur, segir það óæskilega
stöðu að Reykjavíkurborg eigi stór-
an hlut í bæði Landsvirkjun og
Orkuveitu Reykjavíkur, miðað þá
stöðu sem nú er á markaði. „Þetta
er óþolandi staða fyrir alla. Það er
fráleitt að Reykjavíkurborg eigi
ráðandi hlut í báðum þessum félög-
um, sérstaklega þegar samkeppnin
er orðin lífleg á raforkumarkaði,“
sagði Guðlaugur Þór. - mh
Sala Reykjavíkurborgar á hlut sínum í Landsvirkjun hefur ekki enn verið ákveðin:
Unnið að framgangi málsins
VILHJÁLMUR Þ. VILHJÁLMSSON Vonast
eftir skjótir niðurstöðu. FRÉTTABLAÐIÐ/GVA
Ætti stjórnarandstaðan að
mynda kosningabandalag fyrir
næstu þingkosningar?
JÁ 52,4%
NEI 47,6%
SPURNING DAGSINS Í DAG:
Vinna Íslendingar landsleikinn
gegn Dönum?
Segðu þína skoðun á visir.is
KJÖRKASSINN
GUNNAR HELGI
KRISTINSSON DAVÍÐ ODDSSON
HELGI S. GUÐ-
MUNDSSON
SEÐLABANKINNN Formaður bankaráðs Seðlabankans telur fullkomlega eðlilegt
að seðlabankastjóri tjái sig um stjórnmál en fá dæmi eru um slíkt í 45 ára sögu
bankans.
JERÚSALEM, AP Ehud Olmert, forsæt-
isráðherra Ísraels, boðaði í gær
stefnubreytingu í málefnum Pal-
estínumanna og herteknu svæð-
anna. Forsætisráðherrann skýrði
frá nýrri áætlun um landnema-
byggð á herteknum svæðum Pal-
estínumanna, en þar eru Ísraelar í
trássi við alþjóðalög. Stendur nú til
að reisa þar ríflega 700 nýjar íbúð-
ir. Frambjóðendur Kadima-flokks
Olmerts hétu því áður en þeir kom-
ust til valda að rífa landnema-
byggðir á herteknu svæðunum, en
Olmert sagði að forsendur þess lof-
orðs hefðu breyst eftir Líbanons-
stríðið.
Einnig var haft eftir Olmert að
hann væri reiðubúinn til viðræðna
við forseta palestínsku heima-
stjórnarinnar, Mahmoud Abbas.
„Ekkert vandamál er brýnna en
Palestínumenn,“ mun Olmert hafa
sagt utanríkis- og varnarmála-
nefnd ísraelska þingsins í gær.
Talsmaður Abbas sagði að forseti
Palestínumanna væri tilbúinn til
viðræðna svo lengi sem Olmert
setti engin skilyrði fyrir fundin-
um.
Olmert aftók þó í gær að til
stæði að hafa fangaskipti við
Palestínumenn. Það yrði ekki gert
fyrr en ísraelska hermanninum
Gilad Shalit yrði sleppt úr haldi,
þar sem honum hefði verið rænt.
„Undir þrýstingi mannráns verður
ekki samið,“ sagði Olmert. - kóþ
Kúvending ísraelsku stjórnarinnar í málefnum Palestínumanna:
Byggja á herteknu svæðunum
EHUD OLMERT FORSÆTISRÁÐHERRA
ÍSRAELS Ísraelska ríkisstjórnin er orðin
afhuga „vegvísi“ Bandaríkjamanna og
stefnir nú á að fjölga íbúðum á herteknu
svæðunum um ríflega sjö hundruð.
FRÉTTABLAÐIÐ/AP