Fréttablaðið - 30.09.2006, Blaðsíða 8

8 30. september 2006 LAUGARDAGUR
í Vetrargarðinum í Smáralind
laugardaginn 30. september kl. 11–18
sunnudaginn 1. október kl. 13–18
Kíktu á Ostadaga 2006 og kynntu þér
íslenska ostaframleiðslu. Nýjungarnar
í ár eru svo sannarlega spennandi!
Nýr ostavefur opnaður. Happdrætti með
ferðavinningi fyrir tvo frá Iceland Express.
Kokkalandsliðið sýnir listir sínar og veitir
ráðgjöf. Verðlaunaostar, Skólahreysti,
uppskriftir og margt, margt fleira.
Hver er besti osturinn 2006? Hver verður
ostameistari Íslands 2006? Svalaðu for-
vitninni og kitlaðu bragðlaukana um helgina.
Það kostar ekkert!
Allir velkomnir
Komdu,
smakkaðu og
upplifðu!
Happdrættismiði Fylltu miðann út, komdu með hann á Ostadaga í Vetrargarðinumí Smáralind 30. september og 1. október og þú átt möguleika á að vinna flugferð fyrir tvo með Iceland Express.
Fullt nafn:
Heimilisfang:
Tölvupóstfang:
Póstnr.:
Heimasími:
Sveitarfélag:
Gsm:
Nafn vinningshafa verður birt á heimasíðu Osta- og smjörsölunnar, www.ostur.is, þriðjudaginn 3. október.
VARNARMÁL Nicholas Burns, sem
er aðstoðarutanríkisráðherra
Bandaríkjanna og sá maður sem
hringdi í Geir H. Haarde 15. mars
síðastliðinn til að tilkynna Íslend-
ingum ákvörðunina um brottför
varnarliðsins, segir nýja sam-
komulagið um varnarmálin
„styrkja hið nærri sextíu ára tví-
hliða samstarf þjóðanna“. Hann
ítrekar „bjargfasta skuldbind-
ingu“ Bandaríkjamanna til varna
Íslands.
Burns svaraði spurningum sem
Fréttablaðið sendi honum í tölvu-
pósti. Spurður hvaða langtíma-
áhrif þessi mikla breyting á varn-
arsamstarfi ríkjanna muni hafa á
pólitísk tengsl ríkjanna segir
Burns:
„Þessir samningar styrkja hið
nærri því sextíu ára gamla tví-
hliða samstarf okkar, en að því
stefndu ríkisstjórnir beggja land-
anna þegar við hófum þessar við-
ræður. Þeir byggja á bjargfastri
skuldbindingu okkar að verja
Ísland samkvæmt varnarsamn-
ingnum frá 1951 og Atlantshafs-
sáttmálanum frá 1949. Nýju samn-
ingarnir marka líka brautina að
því hvernig öryggisþörfum
Íslands er fullnægt, og að Ísland
leggi sitt af mörkum til öryggis-
mála í heiminum, í baráttunni
gegn hryðjuverkum, gegn smygli
á eiturlyfjum og fólki og gegn
útbreiðslu gereyðingarvopna.“
Þar sem Ísland er nú eina
NATO-ríkið án loftvarna eða virks
lofthelgiseftirlits, eins og NATO
sér Eystrasaltsríkjunum þremur
fyrir, var Burns líka inntur eftir
því hvort Bandaríkin ætluðust til
að evrópsku bandalagsríkin muni
framvegis sjá um að gæta öryggis
íslensku lofthelginnar eftir að
Bandaríkjamenn eru hættir því.
Í svari sínu lýsir Burns því yfir
að Bandaríkin muni „standa við
skuldbindingu sína til að verja
Ísland, í samræmi bæði við varn-
arsamninginn frá 1951 og Atlants-
hafssáttmálann. Skuldbinding
okkar stendur óhögguð.“ Það sem
hafi breyst á síðustu árum sé eðli
þeirrar ógnar sem að Íslandi og
öllum NATO-bandalagsþjóðunum
steðji.
Bandaríkin kunni annars „sann-
arlega að meta framlag Íslands til
að hjálpa okkur og bandamönnum
okkar í NATO að mæta ógnum 21.
aldarinnar með verkfærum 21.
aldarinnar,“ segir Burns, og lýkur
máli sínu á þessum orðum: „Ég
legg aftur á móti áherslu á að við
stöndum að fullu við skuldbind-
ingu okkar til að verja Ísland og
erum fyllilega færir um það.“
audunn@frettabladid.is
NICHOLAS BURNS „Skuldbinding okkar
stendur óhögguð,“ segir aðstoðarvarnar-
málaráðherra Bandaríkjanna.
FRÉTTABLAÐIÐ/AP
Aðstoðarutanríkisráðherra Bandaríkjanna um nýja samkomulagið um varnarmálin:
Bjargföst varnarskuldbinding
HÉRAÐSDÓMUR Héraðsdómur
Reykjavíkur hefur komist að
þeirri niðurstöðu að Aquanet-
world og stofnandi þess, Mark
Ashley Wells, eigi að endurgreiða
Lesley P. Ágústsson tæplega 2,7
milljónir króna ásamt dráttar-
vöxtum og 450 þúsund krónur í
málskostnað.
Lesley lagði tæpar 2,7 milljónir
í Aquanetworld veturinn 2004-
2005 og átti að vera svæðisbund-
inn stjórnandi á Íslandi. Fljótlega
komst hún á þá skoðun að Mark
beitti blekkingum til að leggja fé í
félagið. Mark bauð henni endur-
greiðslu sem hún þáði en endur-
greiðslan fór aldrei fram. - ghs
Aquanetworld:
Dæmt til að
endurgreiða
VIÐSKIPTI Tekjujöfnuður ríkis-
sjóðs á öðrum ársfjórðungi var
jákvæður um 17,5 milljarða
króna samkvæmt bráðabirgða-
tölum sem Hagstofan birti í gær
um fjármál hins opinbera. Heild-
artekjur ríkissjóðs voru ríflega
98 milljarðar króna og heildarút-
gjöldin um 81 milljarður króna.
Þegar litið er á fyrstu sex mán-
uði ársins skilaði ríkissjóður 36
milljarða króna afgangi. Hafa
heildartekjur hans aukist um
11,7 prósent og útgjöldin um 3,6
prósent.
Á öðrum ársfjórðungi nemur
áætlaður halli sveitarfélaganna
þremur milljörðum króna. Heild-
artekjur þeirra nema 34,7 millj-
örðum króna en heildarútgjöld
37,6 milljörðum króna. Á fyrri
hluta ársins hafa heildartekjur
sveitarfélaganna vaxið um rúm-
lega ellefu prósent frá sama
tímabili síðasta árs og útgjöldin
um tæplega tólf prósent.
Heildartekjur hins opinbera,
ríkissjóðs, almannatrygginga og
sveitarfélaga, eru í heild áætlað-
ar 131,2 milljarðar króna á öðrum
ársfjórðungi þessa árs. Tekju-
jöfnuðurinn er áætlaður 14,7
milljarðar króna eða rúmlega
ellefu prósent af tekjum hins
opinbera. Litið til fyrri helmings
ársins hafa tekjurnar aukist um
11,7 prósent frá samsvarandi
tímabili fyrra árs og útgjöldin
vaxið um rúmlega sex prósent.
- hhs
SEÐLAVESKI Samkvæmt bráðabirgða-
tölum Hagstofu Íslands virðist budda
ríkissjóðs troðin meðan heldur vantar í
veskið hjá sveitarfélögunum.
Ríkissjóður skilar 36 milljarða króna tekjuafgangi á fyrri helmingi þessa árs:
Afgangur hjá ríki, halli í sveit
MANCHESTER, AP Bill Clinton,
fyrrverandi forseti Bandaríkja-
manna, heillaði flokksmenn
Verkamanna-
flokksins upp úr
skónum með ræðu
sem hann hélt á
flokksþinginu á
miðvikudag.
Clinton hrósaði
flokknum fyrir vel
unnin störf en
varaði við því að
almenningur væri fljótur að gleyma
„félagslegum framförum“. Sagðist
hann tala af reynslu, því hann hefði
barist við fjárlagahalla um árabil til
þess eins að sjá hann vaxa úr öllu
valdi, skömmu eftir að George W.
Bush tók við embætti. Því þyrfti að
vekja kjósendur til meðvitundar um
að framfarir flokksins væru ekki
sjálfsagðar. - kóþ
Ræða Clintons í Bretlandi:
Almenningur
er gleyminn
BILL CLINTON
VEISTU SVARIÐ?
1 Hvað heitir umdeildi stjórn-
málamaðurinn sem ákvað að
snúa aftur á stjórnmálavett-
vanginn í vikunni?
2 Hvaða breska stórblað
hefur keypt birtingarréttinn
á örmyndasögum Hugleiks
Dagssonar?
3 Hvernig endaði leikur
íslenska kvennalandsliðsins í
knattspyrnu gegn Portúgal sem
var háður á fimmtudag?
SVÖRIN ERU Á BLS. 58