Fréttablaðið - 30.09.2006, Blaðsíða 76
30. september 2006 LAUGARDAGUR40
Allmargir þekkja baráttuna við aukakílóin í einhverri mynd og margir hafa reynt
ýmsar leiðir til að ná þeim af sér.
Kaloríur eru taldar, kolvetni úti-
lokuð, töflur bruddar og bætiefna-
hristingar drukknir í öll mál. Það
sem þessir megrunarkúrar eiga
sameiginlegt er að þeir snúast um
að neita sér um ákveðnar fæðuteg-
undir. Smám saman linast fólk
gagnvart fæðunni, gefst upp að
lokum og fær þá nagandi sam-
viskubit. Þannig hafa megrunar-
kúrar slæm áhrif á sálarlífið og
fólki sem reynir þá finnst það jafn-
an vera misheppnað og reynir þá
aftur og aftur.
Þrír breskir vísindamenn hófu
rannsóknir fyrir rúmum tuttugu
árum sem leiddu í ljós að venjur
grannra og of þungra í mataræði og
hreyfingu eru almennt mjög svip-
aðar. Þess vegna hlyti það að vera
eitthvað annað sem réði úrslitum
um líkamsþyngd fólks. Í ljós kom
eftir enn frekari rannsóknir að
munurinn liggur í lífsviðhorfum.
Grannir hafa allt annað viðhorf til
lífsins en fólk í yfirvigt. Fram
kemur í bókinni að víðsýnt fólk
hefur jafnan komið sér upp venjum
og siðum sem halda því grönnu en
of þungt fólk hefur á hinn bóginn
tamið sér venjur sem tryggja að
það þyngist stöðugt. Því sveigjan-
legri og víðsýnni sem þú ert, því
meira grennistu. Að auki verðurðu
hamingjusamari og ánægðari og
nýtur mun meiri velgengni á öllum
sviðum lífs þíns. Bókahöfundar
lofa því að ef lesendur að fylgja
eftir ráðleggingunum í bókinni létt-
ast þeir um 3,5 kg eftir 28 daga, auk
þess að vera orðnir hamingjusam-
ari og ánægðari með lífið.
LIFAÐ TIL FULLNUSTU
Aðferð bókarinnar Þú léttist snýst
ekki um að telja kaloríur eða
skipta um mataræði heldur að
breyta hugsunarhættinum og lífs-
munstrinu. Þeir sem eru of þungir
tileinka sér í litlum skrefum hugs-
unarhátt hinna grönnu. Það felur í
sér að brjóta upp vanann sem
heldur fólki í yfirvigt en sam-
kvæmt rannsóknunum eiga grann-
ir það sameiginlegt að vera sveigj-
anlegri og jákvæðari en þeir sem
eru of þungir. Til að ná þessum
sveigjanleika og uppbroti á vana-
festunni eru gerðar smávægilegar
breytingar á hverjum degi. Sem
dæmi gæti maður verið ákveðnari
í einn dag ef maður er vanalega
hlédrægur, farið aðra leið í vinn-
una, sungið hástöfum í baði eða
sleppt því að horfa á sjónvarpið í
heilan dag. Allt þetta er hluti af
megrunaraðferðinni, Þú léttist.
Fyrstu 28 dagana eru nákvæm-
ar leiðbeiningar um hvað skal gera
á hverjum degi. Yfirleitt eru það
smávægileg atriði í daglegu lífi
sem tekin eru fyrir. Að lokum er
fjallað um framhaldið og hvernig
á að ná kjörþyngd og halda henni
til frambúðar. Lykillinn að því að
halda sér grönnum felst í því að
lifa svolítið öðruvísi á hverjum
degi. Lifa til fullnustu. Stórra
breytinga er ekki þörf.
ELÍSABET ÓLAFSDÓTTIRTILBREYTING Samkvæmt Þú léttist eiga of þungir að brjóta upp vanafestuna í lífinu og vera opnir fyrir því að reyna eitthvað nýtt. Kvöld-verður í sjónum er kannski fullöfgakenndur en hugmyndin er þó skemmtileg. FRÉTTABLAÐIÐ/GETTY
Elísabet, eða Beta eins og hún er
jafnan kölluð, er ritari í umhverfis-
ráðuneytinu. Hún býr í Vesturbæ
Reykjavíkur, er 29 ára og einhleyp.
Hefurðu reynt margar megrunar-
aðferðir? Ég held ég sé búin að
reyna allt nema einhverja brjálaða
megrunarkúra. Ég er búin að fara oft
í ræktina á alls konar námskeið.
Hvernig hefur það gengið? Ekk-
ert sérstaklega vel. Þyngdin hefur
rokkað mikið upp og niður. Það fara
fimm til tíu kíló af og á til skiptis,
sem er mjög dæmigert.
Telurðu þig vera vanafasta? Já, en
ég uppgötvaði það ekki fyrr en ég
fékk bókina í hendur. Ég fattaði allt
í einu að ég geri það nákvæmlega
sama á hverjum einasta degi.
Hvernig heldurðu að þér eigi eftir
að ganga að fylgja bókinni eftir?
Ég geri alltaf allt sem mér er sagt og
það er minn akkillesarhæll. Það fer
bara eftir því hvað fólkið í kringum
mig er miklir fávitar, hversu mikill
fáviti ég verð. Mér var kennt það af
foreldrum mínum að gera eins og
mér er sagt þannig að þetta verður
ekkert mál að fylgja þessu eftir.
Hvernig leggst verkefnið í þig? Það
leggst mjög vel í mig og mér finnst
mjög gaman að pæla í þessu.
Hefurðu einhverjar væntingar til
Þú léttist? Já, hvort sem ég léttist
eða ekki þá er þetta svo skemmti-
leg naflaskoðun sem allir ættu að
tileinka sér. Þetta er bara að læra að
þekkja sjálfa sig og mér finnst ég ýkt
skemmtileg þannig að ég er alveg
ótrúlega ánægð með að kynnast
mér betur.
Ásta er 21 árs og er nýflutt í Stykkis-
hólm, ásamt sambýlismanni sínum
og átta mánaða syni þeirra. Þar starf-
ar hún við aðhlynningu aldraðra.
Hefurðu reynt margar megrunar-
aðferðir? Já, ég hef reynt Herbalife,
átta vikna aðhaldsnámskeið, strata
og lífsstílsbreytingu hvað varðar
mataræði og slíkt.
Hvernig hefur það gengið? Yfir-
leitt ekki nógu vel. Þegar ég prófaði
lífsstílsbreytinguna gekk mér reynd-
ar vel en fékk svo matareitrun og
hægði þá á mér í því. Þau kíló hafa
samt ekki komið aftur enda hef ég
haldið mig að nokkru leyti við það
mataræði síðan.
Telurðu þig vera vanafasta?
Kannski í sumu en ekki mikið held
ég. Annars veit ég það ekki en kem
eflaust til með að átta mig á því
þegar ég byrja að lesa bókina.
Hvernig leggst verkefnið í þig?
Mjög vel. Það verður gaman að sjá
hvort þetta virki eða ekki.
Hefurðu einhverjar væntingar til
Þú léttist? Nei, eiginlega ekki. Ég
hef ekki mikla trú á henni en samt
verður gaman að sjá hvort eitthvað
gerist. Það er svo sem ekkert útilok-
að.
Hefurðu einhver markmið varð-
andi þyngd? Já, ég vil ná af mér
þrjátíu kílóum en til að byrja með er
markmiðið að ná þeirri þyngd sem
ég var í áður en ég varð ólétt.
Sigga er útvarpskona í morgunþætt-
inum Zúúber á fm 95,7. Hún er 36
ára og einhleyp en á 17 ára gamlan
son.
Hefurðu reynt margar megrunar-
aðferðir? Já, ég held ég hafi reynt
nánast allt. Ég hef tekið brennslu-
töflur, prófað alls konar megrunar-
kúra og síðan hef ég verið heilmikið
í ræktinni. Ég held ég hafi verið á
danska kúrnum í viku en hann var
ekki að virka fyrir mig.
Hvernig hefur það gengið? Upp
og ofan. Það hefur verið þannig að
þegar ég tek einhvern megrunarkúr
þá kemur þetta alltaf aftur til baka
og svo verð ég þyngri en ég var áður
en ég byrjaði. Eftir að ég fór að æfa
þá hef ég nú samt alveg haldið mér
nokkuð góðri en annars hef ég verið
mjög rokkandi í þyngd alla tíð.
Hvernig leggst verkefnið í þig?
Þegar ég sá þessa bók þá hugsaði
ég bara: „Æ, nei, enn ein bókin!
Hvað á eiginlega að hafa af manni
mikla peninga í þessum endalausa
áróðri um að maður þurfi að leggja
af?“ Síðan var ég kynnt fyrir bók-
inni og þá sá ég að þetta er eitt-
hvað alveg splunkunýtt í þessarri
megrunarumræðu. Ég er alveg til í
að prófa þetta. Kannski er það bara
málið að ég hafi verið svona vana-
föst allt mitt líf og það hafi haft áhrif
á mataræðið og allt. Ég er alveg til í
að tékka á því.
Telurðu þig vera vanafasta? Já,
að mörgu leyti en að mörgu leyti
ekki. Ég er alveg opin fyrir nýjung-
um og svona en þarf samt alltaf að
hafa mitt nánasta umhverfi í föst-
um skorðum. Ég vil geta gengið að
ákveðnum hlutum vísum og það er
eitthvað sem má alveg brjóta meira
upp.
Hvernig heldurðu að þér komi til
með að ganga? Ég hef enga trú á
öðru en að mér eigi bara eftir að
ganga vel. Ég tók prófið í bókinni
um hvort ég sé tilbúin í þetta eða
ekki og þar kom í ljós að ég er bara
alveg tilbúin að byrja. Ég er opin fyrir
breytingum og tilbúin að sjá hlutina
í nýju ljósi. Mér finnst það svo frá-
bært við þetta að það er ekkert sem
ég þarf að neita mér um eða telja í
mig hitaeiningarnar.
ÁSTA SÓLVEIG HJÁLMARSDÓTTIR Ásta
telur sig ekki vera mjög vanafasta
en er samt spennt að komast að því
hvort Þú léttist aðferðin eigi eftir að
virka. FRÉTTABLAÐIÐ/HÖRÐUR
SIGGA LUND Sigga er alveg viss um
að henni eigi eftir að ganga vel við að
brjóta upp vanafestuna enda sé hún
almennt mjög opin fyrir nýjungum.
Megrun án megrunar
Bókin Þú léttist – án þess að fara í megrun er nýkomin út hjá Veröld og
kynnir algjörlega nýja nálgun að því að léttast. Fréttablaðið fékk þrjár ungar
konur til liðs við sig til að reyna þessar nýju aðferðir og næstu fjóra laugar-
daga verður fylgst með hvernig þeim gengur.
ELÍSABET ÓLAFSDÓTTIR Beta áttaði
sig á því þegar hún fór að skoða bók-
ina að hún væri stillt á sjálfstýringu
alla daga og hlakkar til að brjóta upp
hversdagslífið. FRÉTTABLAÐIÐ/VILHELM
ÁSTA SÓLVEIG HJÁLMARSDÓTTIR
SIGGA LUND
NOKKRAR ÁSTÆÐUR FYRIR ÞVÍ AÐ LEIÐIN
ÞÚ LÉTTIST GERIR ÞÉR GOTT:
1. Kílóin fara smám saman.
2. Þyngdartapið er varanlegt.
3. Hún er vísindalega sönnuð og byggð á traustum sálfræðileg-
um grunni.
4. Hún er skemmtileg.
5. Hún dregur úr kvíða og þunglyndi.
6. Hún leiðir til heilsusamlegra mataræðis.
7. Hún byggist ekki á bönnum og þú þarft ekki að neita þér um
neitt.
8. Hún opnar nýjan reynsluheim.
9. Hún hefst í huganum, ekki maganum.
10. Hún beinist ekki að mat, svo hann verður ekki að þráhyggju og
viðhorf þitt til matar verður ekki ónáttúrulegt.
11. Þetta merkir að þú nærð tökum á framtíð þinni en verður ekki
fangi fortíðarinnar.
12. Ekki er þörf á lyfjum, sérstöku fæði eða kaloríu- eða kolvetna-
talningu.
13. Hún kippir þér ekki úr sambandi við matarlystina og spillir ekki
náttúrulegum hæfileikum þínum til að skynja hvort þú sért
svangur eða ekki.
14. Hún gefur lífi þínu aukinn lit í stað þess að setja því takmörk.
15. Hún byggist á því sem þú getur gert, ekki því sem þú getur
ekki gert.
Bókin býður upp á skemmti-
lega naflaskoðun hvort sem
fólk ætlar sér að léttast eða
ekki. Gaman verður að sjá
hvort það ber í raun og veru
árangur að breyta viðhorf-
um fólks til lífsins í barátt-
unni við aukakílóin.