Fréttablaðið - 30.09.2006, Blaðsíða 28
30. september 2006 LAUGARDAGUR28
timamot@frettabladid.is
Tilkynningar um
merkisatburði,
stórafmæli og útfarir
má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma
550 5000.
MERKISATBURÐIR
1148 Bæjarbruni verður á Mýrum.
Þetta er mannskæðasti
eldsvoði á Íslandi þar sem
meira en sjötíu manns
fórust, meðal annars
Magnús Einarsson biskup.
1399 Hinrik IV verður konungur
yfir Englandi eftir að
Ríkharður II lætur af völdum.
1846 Eter er notað í fyrsta
sinn sem svæfingalyf í
tannlækningum.
1954 Tekin var ákvörðun um
að láta smíða fyrsta
kjarnorkuknúna kafbát
heims, sem bera átti heitið
Nautilius.
1966 Sjónvarpið hefur
útsendingar.
1996 Eldgos hefst í Vatnajökli og
stendur í tvær vikur. Þetta
er talið fjórða stærsta gosið
á tuttugustu öld.
TRUMAN CAPOTE
FÆDDIST Á ÞESSUM DEGI
„Allar bókmenntir eru slúður.“
Rithöfundurinn lét mörg gullkornin flakka á
sínum tíma.
Bandaríski kvikmyndaleikarinn
James Dean lést í bílslysi á þess-
um degi árið 1955. Dean var að
þenja nýja Porsche 550 Spyder
sportbílinn sinn þegar hann lenti
framan á bíl sem kom úr gagn-
stæðri átt.
Sagan segir að síðustu orð Deans
hafi verið „gaurinn hlýtur að víkja“
en það er vitaskuld enginn til
frásagnar þar sem Dean var einn í
bílnum og lést samstundis.
Dean hafði nýlokið við að leika í
myndinni Giant, þar sem hann lék
olíufursta í Texas. Framleiðendur
kvikmyndarinnar höfðu bannað
honum að stunda kappakstur
meðan á tökum stóð, en hann
notaði tækifærið um leið og færi
gafst með þessum hörmulegu
afleiðingum.
Þennan örlagaríka dag var James
Dean á leiðinni til Salinas í
Kaliforníu þar sem hann ætlaði
að taka þátt í kappakstri á nýja
bílnum. Fyrr um daginn var hann
reyndar stöðvaður fyrir of hraðan
akstur.
Með honum í bílnum var Rolf
Wutherich, bifvélavirki, sem
slasaðist illa en náði sér eftir
nokkra mánuði. Ökumaður hinnar
bifreiðarinnar var 22 ára piltur sem
slapp ómeiddur.
Kvikmyndin Rebel Without a Cause
var frumsýnd 9. október, daginn
eftir að James Dean var jarðaður.
Giant var frumsýnd ári síðar.
ÞETTA GERÐIST: 30. SEPTEMBER 1955
Lifði hratt og dó ungur
Jóhanna Þóra Jónsdóttir, elsta kona Norðurlands og
næstelsta kona á Íslandi, lést á Dvalarheimilinu
Hlíð aðfaranótt 26. september. Hún var þá 106 ára
gömul. Jóhanna fæddist á Illugastöðum í Fnjóskadal
12. febrúar árið 1900, en fluttist til Akureyrar árið
1934. Hún bjó í Aðalstræti 32 í 67 ár, eða þar til að
hún fluttist á Dvalarheimilið Hlíð á 102. aldursári.
Á 104 ára afmæli sínu sagðist Jóhanna aldrei
hafa neitt áfengis né tóbaks. Hún taldi reglusamt
líferni og létta lund vera lykilinn að langlífi.
Elsta kona
Norðurlands látin
JÓHANNA ÞÓRA JÓNSDÓTTIR
Með nokkrum niðja sinna á 106 ára afmælinu.
FRÉTTABLAÐIÐ/GUÐBJÖRG BIRGISDÓTTIR
Óli H. Þórðarson lætur af störfum sem for-
maður Umferðarráðs 1. október, en hann á
að baki tuttugu og átta ára feril sem fram-
kvæmdastjóri og síðar formaður ráðsins.
„Það er bara tími til kominn að leyfa öðrum
að taka við kyndlinum,“ sagði Óli, en að
sögn hans hefur ýmislegt gengið á á þessum
árum. „Einn eftirminnilegasti slagurinn var
sá sem við háðum um lögleiðingu bílbelta á
Íslandi. Það voru mjög margir á móti því,“
sagði Óli.
Nú lítur út fyrir að annar erfiður slagur
standi fyrir dyrum hjá Umferðarráði, en á
sama fundi og Óli tilkynnti brottför sína
sendi Umferðarráð frá sér ályktun um ofsa-
akstur, sem Óli segir vera vaxandi vanda-
mál. „Við lýsum þarna yfir mjög miklum
áhyggjum af þessari þróun,“ sagði hann.
„Það er fullt af fólki víða um land sem á um
sárt að binda vegna einhverra kjána sem
skilja ekki ákveðna eðlisfræði í umferðinni.
Það er ekki mjög gleðilegt að hætta við þær
aðstæður.“ Óli segist trúa því að margar
ástæður séu fyrir ofsaakstrinum og almennu
kæruleysi í umferðinni. „Það er nokkuð
mikið agaleysi í þjóðfélaginu sem endur-
speglast í umferðinni eins og á öðrum svið-
um. Viðurlög eru ekki heldur nógu ströng.“
Umferðarráð hvetur í ályktuninni til þess
að viðurlög verði stórhert. „Við viljum láta
hækka sektir, endurskoða refsipunktakerf-
ið og það fyrirkomulag sem nú er á þar sem
fólk hefur skilyrðislaust ökuleyfi til sjö-
tugs. Við viljum geta kallað fólk inn til end-
urmenntunar og ekki síst þá sem haga sér
svona illa.“ Framtíðina segir Óli vera óljósa.
„Ég verð í einhverjum verkefnum fram að
áramótum og í rannsóknarvinnu á næsta
ári. Svo sé ég bara til hvað verður, en ég
býst ekkert frekar við því að það verði á
sviði umferðarmála.“ Óli var dagskrárgerð-
armaður í útvarpi og sjónvarpi áður en hann
hóf störf fyrir Umferðarráð. „Það heillar
mig ennþá, en ég geri mér fullkomlega
grein fyrir að aldurinn vinnur ekki með
manni í því!“ sagði Óli. „Hvað sem verður
vil ég bara þakka öllum þeim fjölmörgu sem
ég hef haft samskipti við í gegnum tíðina,
og þar meðtöldum gríðarlegum fjölda blaða-
manna og fréttamanna.“
ÓLI H. ÞÓRÐARSON: HÆTTIR SEM FORMAÐUR UMFERÐARRÁÐS
Stoltur af bílbeltunum
Á AÐ BAKI TUTTUGU OG ÁTTA ÁRA FERIL Óli segir framtíðina vera óljósa en að dagskrárgerð og blaða-
mennska heilli hann enn. FRÉTTABLAÐIÐ/VALLI
Fjölskyldu- og húsdýragarð-
urinn gefur gestum sínum
tækifæri til þess að kynnast
gælurottum í dag. Kynning-
in stendur yfir milli tvö og
fjögur, en um hana sér Krist-
björg Sara Thorarensen.
Kristbjörg hefur ræktað
gælurottur frá árinu 2004,
en þá flutti hún þær fyrstu
inn frá Danmörku.
Gælurottum svipar sterk-
lega til villtu tegundarinnar
í útliti. Hegðun þeirra er þó
ekki alfarið sú sama, því
með ræktuninni hefur tekist
að minnka mannfælni
rottanna. Aðdáendur
rottanna segja þær vera fyr-
irtaks gæludýr að mörgu
leyti, en fyrir utan að vera
fyrirferðarlitlar og hljóðlát-
ar eru rotturnar einnig
fremur hreinlegar og flug-
gáfaðar. Rottur eiga að geta
lært ýmsar kúnstir og geta
einnig lært að þekkja nafn
sitt. Kristbjörg mun taka
með sér nokkra af skjól-
stæðingum sínum og er þar
rottan Benni fremstur meðal
jafningja. Það er ekki fokið í
öll skjól fyrir þá sem ekki ná
að heimsækja rotturnar í
dag, því Benni kemur fram í
kvikmyndinni Mýrinni sem
verður frumsýnd í október.
-sun
Kynning á
gælurottum
FYRIRTAKS GÆLUDÝR Rotturnar
eru litlar, hljóðlátar og fremur
hreinlegar, svo ekki sé minnst á
hvað þær eru gáfaðar.
Elskulegi vinur okkar og frændi
Kristinn Breiðfjörð
(Dinni) frá Flatey á Breiðafirði, Blesugróf 29,
lést þriðjudaginn 26. september. Jarðsett verður frá
Bústaðakirkju þriðjudaginn 3. október kl. 13.00.
Þeim sem vildu minnast hans er bent á Styrktarfélag
vangefinna.
Heimilisfólk Blesugróf 29 og aðstandendur.
Þökkum hlýhug og vináttu vegna andláts
og útfarar
Ívars Björnssonar
frá Steðja, Bólstaðarhlíð 41.
Jarðsungið verður frá Grafarvogskirkju föstudaginn 22.
september kl. 13.00.
Gunnar Páll Ívarsson Jónína Ragnarsdóttir
Símon H. Ívarsson María J. Ívarsdóttir
Andrea Margrét Gunnarsdóttir
Katrín Sylvía Gunnarsdóttir Gunnþór Jónsson
Katrín Sylvía Símonardóttir
Ívar Símonarson Ástrún Friðbjörnsdóttir
Svandís Ósk Símonardóttir Axel Örn Sigurðsson
Gunnar Páll, Heimir Páll og Hinrik Snær.
Okkar innilegustu þakkir til allra þeirra er auðsýndu okkur
samúð og hlýhug við andlát og útför elskulegrar dóttur okkar
og barnabarns,
Bryndísar Evu Hjörleifsdóttur
Heiðarbóli 10, Keflavík.
Sérstakar þakkir viljum við færa starfsfólki
Barnaspítala Hringsins og öllum þeim sem studdu
okkur í veikindum Bryndísar Evu.
Hjörleifur Már Jóhannsson Bergþóra Ólöf Björnsdóttir
Jóhann Guðnason Sóley Vaka Hjörleifsdóttir
Björn Viðar Björnsson Birna Oddný Björnsdóttir
Eyjólfur Örn Gunnarsson