Fréttablaðið - 30.09.2006, Blaðsíða 12

30. september 2006 LAUGARDAGUR12
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 6.286 -0,78% Fjöldi viðskipta: 839
Velta: 20.118 milljónir
HLUTABRÉF Í ÚRVALSVÍSITÖLU: Actavis 67,00 +0,00% ... Alfesca
5,12% ... Atlantic Petroleum 587,00 +0,86% ... Atorka 6,50
+0,78% ... Avion 30,50 +3,04% ... Bakkavör 58,00 -0,17% ...
Dagsbrún 5,07 +0,00% ... FL Group 22,80 -1,72% ... Glitnir 20,30
-0,49% ... KB banki 850,00 -0,70% ... Landsbankinn 26,60 -1,48%
... Marel 76,50 -1,29% ... Mosaic Fashions 17,60 -1,12% ... Straum-
ur-Burðarás 17,50 -1,69% ... Össur 126,00 -0,79%
MESTA HÆKKUN
TM +13,51%
Flaga +3,20%
Avion +3,04%
MESTA LÆKKUN
FL Group -1,72%
Straumur-Burðarás -1,69%
Landsbankinn -1,48%
Öll starfsemi Samskipa sameinast
í dag undir einu nafni og nýju
merki félagsins og eru því nokkur
tímamót í sögu þess.
Breytingunum er ætlað að
styrkja enn frekar ímynd Sam-
skipa á alþjóðlegum flutninga-
markaði í kjölfar mikillar upp-
byggingar síðustu misseri eftir
kaup á hollenska flutningafélag-
inu Geest North Sea Line og
breska flutningafélaginu
Seawheel. Velta Samskipa hefur
þrefaldast eftir þessar fjárfest-
ingar og farið úr 20 milljörðum
króna árið 2003 í um 60 milljarða á
þessu ári.
„Þetta eru merk tímamót í
útrásarsögu okkar,“ segir Ásbjörn
Gíslason, forstjóri Samskipa, og
segir mikið verk hafa verið að
sameina félögin þrjú í eitt. „Á
heildina litið er útkoman í sam-
ræmi við þær áætlanir sem lagt
var upp með í upphafi, að skapa
stórt og öflugt gámaflutningafé-
lag sem er leiðandi á Evrópumark-
aði.“
Útlitsbreytingarnar hjá Sam-
skipum hafa takmörkuð áhrif hér
en erlendis hverfa þekkt nöfn á
borð við Geest og Seawheel. Í stað-
inn kemur nýtt merki Samskipa.
„Við erum stolt af þessum breyt-
ingum. Við vorum í hópi fyrstu
útrásarfyrirtækjanna og lítum á
þetta sem enn eitt skrefið í þeirri
þróun sem átt hefur sér stað á
undanförnum árum þar sem
íslensk fyrirtæki setja æ meira
mark sitt á alþjóðleg viðskipti. Það
gleður okkur líka hér heima að
leggja á áfram rækt við þann
frumkvöðlaanda sem einkennt
hefur starfsemi Samskipa frá upp-
hafi, bæði heima og erlendis, hjá
hinu sameinaða félagi,“ segir
Ásbjörn. - óká
Sameinaður rekstur und-
ir nýju merki Samskipa
NÝJA SAMSKIPAMERKIÐ Með nýju merki
Samskipa hverfur til dæmis af gámum
nafn Geest North Sea Line. MYND/SAMSKIP
Saman á ný
Fjárfestafélagið Grettir, sem er í eigu Landsbank-
ans, Björgólfsfeðga og Sunds, tilkynnti í gær að
eignarhlutur félagsins í Avion Group væri kominn
í sjö prósent en Straumur-Burðarás seldi bréfin að
öllum líkindum. Straumur hefur verið áberandi á
kauphliðinni í vikunni eftir að gengi Avion snarféll
í kjölfar uppgjörs sem var vel
undir væntingum markaðsaðila.
Sennilega hefði virði Avion
lækkað enn meira ef Straumur
hefði ekki komið til sögunnar.
Stærsti eigandi í Avion Group
er Magnús Þorsteinsson sem
sagði skilið við Björgólfsfeðga
fyrir rúmu ári síðan, en þremenn-
ingarnir högnuðust ævintýralega á
fjárfestingum í Rússlandi og keyptu
síðar kjölfestuhlut í Landsbank-
anum. Félagarnir eru því að
færast saman á ný.
Berlingur enn á ferð
Berlingske Tidende tekur fegins hendi öllu því sem
hægt er að túlka neikvætt fyrir íslenska viðskipta-
menn. Þannig telja þeir að Kaupthing hafi fengið
slæm kjör á skuldabréf sín, sem vissulega eru mun
lakari en fengist hefðu í fyrra. Kjör hafa almennt
versnað á slíkum mörkuðum auk þess sem
umræða um bankakerfið varð með þeim hætti að
menn töldu íslensku bankana eiga í vandræðum
með að fá fjármagn yfirleitt. Það hefur lengi legið
ljóst fyrir að kjör bankanna á markaði yrðu verri í
skuldabréfaútboðum nú og litlar fréttir í því. Hins
vegar hafa kjörin farið batnandi og ánægjulegt
að sjá að traust á íslenskum bönkum hefur vaxið.
Blaðið sætir líka lagi og hnýtir í Pálma Haralds-
son sem seldi hlut sinn í FlyMe. Hann er kallaður
grænmetissalinn, en blaðið lætur þess ógetið að
Pálmi er með mastersgráðu í rekstrarhag-
fræði frá Gautaborg og hefur sérhæft sig í
erfiðum fyrirtækjum með svo góðum árangri
að leitun er á sambærilegu.
Peningaskápurinn ...
Miklar hækkanir einkenndu þriðja
ársfjórðung á innlendum hluta-
bréfamarkaði. Úrvalsvísitala
Kauphallar Íslands hækkaði um
rúm fimmtán prósent á tímabilinu,
eða um 830 stig. Úrvalsvísitalan
endaði í 6.286 stigum í gær og er
því á svipuðu róli og hún var fyrir
hálfu ári.
Það var þó ekki fyrr en upp úr
miðjum ágúst sem viðsnúningur
varð eftir dauft hlutabréfasumar.
Velta snarjókst eftir sumarfríin og
var heildarvelta með hlutabréf
fjórum sinnum meiri í ágúst en
júlí. Margir telja að lífeyrissjóð-
irnir hafi komið markaðnum aftur
á skrið og aðrir fjárfestar fylgt í
kjölfarið.
Nokkrar ástæður kunna að
skýra umskipti á markaði. Mikilli
óvissu var eytt þegar fréttir tóku
að berast af góðum gangi viðskipta-
bankanna við endurfjármögnun
vegna ársins 2007 og er henni nú
lokið. Þótt bankarnir taki á sig auk-
inn fjármagnskostnað gefur þetta
væntingar um að þeir geti nú snúið
sér að öðrum verkefnum.
Þá studdust fjárfestar við góðar
afkomutölur á fyrri hluta ársins
en hálfs árs uppgjör frá Glitni
fékk jákvæð viðbrögð frá erlend-
um aðilum sem smitaði út frá sér á
markaðinn. Exista og Marel fengu
sterk viðbrögð frá fjárfestum
þegar hlutabréf voru seld í félög-
unum í september. Fyrrnefnda
félagið fór jafnframt í gegnum
stærstu nýskráningu í sögu
íslenska markaðarins.
Fjögur félög voru í sérflokki á
þriðja ársfjórðungi. FL Group
hækkaði mest allra félaga eða um
þriðjung en Landsbankainn,
Bakkavör og Alfesca hækkuðu um
þrjátíu prósent. Hlutabréf í Dags-
brún lækkuðu mest.
eggert@frettabladid.is
Þáttaskil urðu
um miðjan ágúst
Úrvalsvísitalan hækkaði um tæp 15 prósent á
þriðja ársfjórðungi. Fjögur félög voru í sérflokki: FL
Group, Landsbankinn, Bakkavör og Alfesca.
GENGI FÉLAGA Á
3. ÁRSFJÓRÐUNGI
Félag Gengi 29.9 Breyting
FL Group 22,8 33,3%
Landsbankinn 26,6 31,7%
Bakkavör 58 29,2%
Alfesca 5,12 28,0%
TM 42 16,7%
Össur 126 16,1%
KB banki 850 14,9%
Glitnir 20,3 14,0%
Mosaic 17,6 10,7%
Marel 76,5 8,4%
Vinnslustöðin 4,55 8,3%
Exista 23,2 7,9%
Atlantic 587 6,7%
Actavis 67 6,0%
Flaga 3,87 5,2%
Nýherji 14,9 4,9%
Atorka 6,5 4,8%
Straumur-Burðarás 17,5 0%
Icelandic 8 0%
HB Grandi 11,95 -2,0%
Avion 30,5 -5,9%
Dagsbrún 5,07 -12,3%
Heimild: KB banki
MARKAÐSPUNKTAR
Greiningardeild Landsbankans hefur
gefið út nýtt verðmat á Alfesca. Í verð-
matinu er mælt með því að fjárfestar
haldi í bréf sín í félaginu.
Írska lággjaldaflugfélagið Ryanair spáir
því að hagnaður félagsins á yfirstand-
andi rekstrarári, sem lýkur í mars á
næsta ári, muni nema 335 milljónum
evra, jafnvirði tæpra 30 milljarða króna.
Þetta er 11 prósenta hækkun á milli ára.
Vísitala neysluverðs hækkaði um 0,2
prósent í Bandaríkjunum í ágúst. Þetta
jafngildir 2,5 prósenta verðbólgu á
ársgrundvelli ef undan er skilin hækkun
á matvöru- og raforkuverði, samkvæmt
útreikningum viðskiptaráðuneytis
Bandaríkjanna. Verðbólga hefur ekki
verið meiri í Bandaríkjunum í rúm 11 ár.