Fréttablaðið - 30.09.2006, Blaðsíða 26

30. september 2006 LAUGARDAGUR26
„Ég velti fyrir mér í
upphafi hvort það sem
gerðist 15. mars væri
tilefni til að segja
samningnum upp og
hætta þessu samstarfi.“
Geir H. Haarde forsætisráðherra
um varnarsamninginn við
Bandaríkin.
„Það er ekki minn stíll
að kvarta undan
körlum.“
Ingibjörg Sólrún Gísladóttir,
formaður Samfylkingarinnar.
Sex þeirra 63 þingmanna
sem setjast á Alþingi á
mánudag hafa tilkynnt að
þeir muni hætta á þingi
í vor. Sjö hafa hætt þing-
mennsku á kjörtímabilinu.
Í það minnsta fimm fyrr-
verandi þingmenn sækjast
eftir að komast aftur á þing.
Alþingi verður sett á mánudag.
Þingsetning verður með hefð-
bundnum hætti; guðsþjónusta í
Dómkirkjunni, forseti Íslands
setur þing, aldursforseti stýrir
fundi, þingforseti kjörinn, fjár-
lagafrumvarpinu dreift, kosið í
nefndir og hlutast til um sæti þing-
manna.
Þótt dagskráin fyrstu daga og
vikur geri ráð fyrir venjulegum
þingstörfum er hætt við að hugur
margra þingmannanna verði
heima í héraði, enda standa próf-
kjör fyrir dyrum. Sagan sýnir að
við slíkar aðstæður er meira um
umræður utan dagskrár og um
störf þingsins en vanalega enda
gefst þingmönnum þá tækifæri til
að láta ljós sitt skína. Viðbúið er
að strax á fyrstu dögum þingsins
verði nokkrar utandagskrárum-
ræður, til dæmis um nýja varnar-
áætlun Íslands, hleranir og njósn-
ir stjórnvalda á tímum kalda
stríðsins og
jafnvel
umhverfismál.
Nokkur
umfangsmikil
frumvörp verða
tekin til
umræðu í haust.
Frumvörp um
Ríkisútvarpið
og fjölmiðla eru
væntanleg frá
menntamála-
ráðherra og vatnalagafrumvarp
iðnaðarráðherra bíður einnig
afgreiðslu. Þá verður frumvarp
dómsmálaráðherra um meðferð
sakamála lagt fram í vetur.
Ekki liggur annað fyrir en að 57
af þeim 63 sem nú eru á þingi sæk-
ist eftir endurkjöri í vor. Flestir
þeirra þurfa að fara í gegnum
prófkjör og er allur gangur á hvort
þingmennirnir þurfi að berjast
hatrammlega fyrir „öruggu“ sæti
á lista. Í sumum tilvikum stefna
tveir og jafnvel þrír þingmenn á
sömu sæti en í öðrum tilvikum eru
menn svo að segja sjálfkjörnir.
Þinghald á kosningavetri
Ég er að fara á þing. Alþingi Íslendinga. Og býst við að sitja þar fram á vor.
Ég hef þó hvorki tillögu- né atkvæðisrétt í þinginu og get því ekki barist fyrir
hugsjónum mínum. Ég verð þingfréttaritari Fréttablaðsins og er ætlað að flytja
tíðindi af baráttu annarra fyrir sínum hugsjónum.
Mér er sagt að starf þingfréttaritara geti verið skemmti-
legt, ekki síst á kosningavetri. Störfin eru þá jafnan líflegri
en ella enda tekur lagasetningin og andróðurinn við hana
mið af því að kosningar eru í nánd. Þingmenn hafa sig
meira í frammi en vanalega og gera ýmislegt til að komast
í sviðsljósið.
En mér er líka sagt að starfið geti verið leiðinlegt
– jafnvel hundleiðinlegt. Var það ekki Agnes Bragadóttir
sem entist til hádegis sem þingfréttaritari Morgunblaðs-
ins? Og svei mér þá ef Davíð Oddsson hefur ekki talað um
hve honum leiddist sem þingfréttaritara á sínum tíma.
Umræður á Alþingi hljóta að vera – eins og flest annað
– misjafnlega áhugaverðar. Þingmennirnir sjálfir hafa líka
mismikla unun af að sitja undir ræðum hver annars, að minnsta kosti skilst
mér að hvert sæti þingsalarins sé ekki alltaf setið.
Alþingi er um margt ólíkt öðrum vinnustöðum; hefðirnar og reglurnar eru
margar. Mér er til dæmis óheimilt að stíga yfir nokkra þröskulda í þinghúsinu.
Verð að halda mig innan þeirra og svei mér þá ef mér er ekki óheimilt að tala
yfir þá. En ég má horfa.
Og í matsalnum eiga menn að geta ræðst við án þess að til þess sé vitnað
og þar er bannað að eiga viðtöl við þingmenn.
Það er ætlast til að menn séu snyrtilegir í þinghúsinu og Levi‘s og Wrangler
eru á óopinberum bannlista. Ætli ég klæðist ekki jakkafötum í vetur, líkt og
karlþingmennirnir fjörutíu. Og beri bindi. Sem minnir mig á að fá mér bindi
til skiptanna.
Hvað felst annars í snyrtimennsku? Ætli ég þurfi alltaf að vera nýrakaður?
Um það verð ég að spyrja.
Starfsaðstaða fjölmiðlamanna í þinghúsinu kallast Bolabás. Þar er ekkert
grænt kjarr eins og í kvæði Jónasar en veggirnir hins vegar fagurlega rauðmál-
aðir og gluggar snúa út að Reykjavíkurtjörn. Ég get því fylgst með mávunum
ræna ætinu af öndunum á meðan ég hlusta á þingmennina ræða um lands-
ins gagn og nauðsynjar. Og laga bindishnútinn um leið.
VIKA Í PÓLITÍK
BJÖRN ÞÓR SIGBJÖRNSSON
Á þing
Samkvæmt upplýsingum frá
Alþingi halda þrjátíu þingmenn
úti heimasíðum. Ritgleðin er
misjöfn en þeir duglegustu skrifa
daglega. Aðrir skrifa sjaldnar og
raunar eru nokkur dæmi um að
þingmenn hafi
ekki sett svo
mikið sem
staf á
síður sínar
í fjögur ár.
Þegar svo
háttar til
má reyndar deila um réttmæti
þess að segja að viðkomandi
haldi úti síðu. Siv Friðleifsdóttir,
Björn Bjarnason, Össur Skarp-
héðinsson, Sigur-
jón Þórðarson
og Ögmundur
Jónasson eru
meðal þeirra
þingmanna
sem dug-
l e g -
astir
eru við skrifin en Lúðvík Bergvins-
son og Rannveig Guðmundsdóttir
eru sýnu lötust. Þau sáu ástæðu
til að stinga síðast niður penna
árið 2002. Guðjón A. Kristjánsson
og Guðrún Ögmundsdóttir verða
líka seint sökuð
um ofskrif á
sínar síður,
þau rit-
uðu síð-
ast grein-
ar árið
2004.
Í vikunni sem er að ljúka skrif-
uðu sautján þingmenn pistla eða
hugleiðingar á síður sínar og sjö
til viðbótar hafa skrifað eitthvað í
septembermánuði. Hjálmar Árna-
son og Magnús Stefánsson skrif-
uðu síðast í júní.
Finna má
slóðir á heima-
síður þing-
manna á
síðu Alþing-
is, althingi.is
Skrifæði og pennaleti
FRÁ ALÞINGI Þing verður sett á mánudag og verður fjárlagafrumvarpinu þá dreift.
Umræður um það hefjast á fimmtudag.
HALLDÓR BLÖNDAL JÓHANN
ÁRSÆLSSON
JÓN KRISTJÁNSSON MARGRÉT
FRÍMANNSDÓTTIR
RANNVEIG
GUÐMUNDSDÓTTIR
SÓLVEIG
PÉTURSDÓTTIR
ÞESSI HÆTTA Í VOR
ÁRNI JOHNSEN
þingmaður 1983-
1987 og 1991-2001.
ÍSÓLFUR GYLFI
PÁLMASON þing-
maður 1995-2003.
KARL V. MATTHÍAS-
SON þingmaður
2001-2003.
KRISTJÁN PÁLSSON
þingmaður 1995-
2003.
SIGRÍÐUR JÓHANN-
ESDÓTTIR þing-
maður 1996-2003.
ÞESSI
VILJA
INN Á NÝ
GUÐMUNDUR ÁRNI
STEFÁNSSON varð
sendiherra.
ÁRNI MAGNÚSSON
varð starfsmaður
Glitnis.
BRYNDÍS HLÖÐ-
VERSDÓTTIR varð
deildarforseti á
Bifröst.
DAVÍÐ ODDSSON
varð seðlabanka-
stjóri.
GUNNAR I. BIRG-
ISSON varð bæjar-
stjóri í Kópavogi.
HALLDÓR ÁSGRÍMS-
SON hefur ekki
tekið við nýju starfi.
TÓMAS INGI
OLRICH varð sendi-
herra.
ÞESSI HÆTTU Á
KJÖRTÍMABILINU
Fyrst þú ert að lesa þetta þá hefurðu
fengið Fréttablaðið. En til vonar
og vara skaltu klippa þetta símanúmer
út og hringja í það ef Fréttablaðið
kemur einhverntímann ekki.
550 5600
Ekkert blað?
- mest lesið
stjornmal@frettabladid.is nánar á visir.is
UMMÆLI VIKUNNAR,, U MÆLI VIKUN AR ,,