Fréttablaðið - 24.10.2006, Blaðsíða 24

24. október 2006 ÞRIÐJUDAGUR4
Í LaserSjón eru framkvæmdar
augnaðgerðir með leiser sem
geta lagað nærsýni, fjarsýni,
sjónskekkju og læknað ýmsa
yfirborðssjúkdóma í augum.
Sjónin gæti jafnvel orðið betri
en nokkru sinni.
Aðgerðum á augum með leiser
fer stöðugt fjölgandi enda um
örugga og tiltölulega einfalda
aðgerð að ræða. Til eru ýmis
afbrigði aðgerða en í grundvallar-
atriðum ganga þær út á það að
lögun hornhimnunnar er breytt
þannig að augað taki fullan fókus
og sjónin verður betri.
Algengasta aðgerðin kallast
Lasek (Laser-in-situ-keratomil-
eusis). Þá er hornhimnuflipi, 0,12
mm að þykkt, losaður ofan af
auganu að hluta og myndar hann
eins konar lok. Lögun dýpri laga
hornhimnunnar er svo breytt en
það er gert samkvæmt nákvæm-
um útreikningum. „Ef um er að
ræða nærsýni gerir maður augað
örlítið flatara og þynnra. Ef það
er fjarsýni þá gerir maður það
örlítið brattara,“ segir Eiríkur
Þorgeirsson augnlæknir. „Ef það
eru sjónskekkjur þá þarf maður
að laga kúrfurnar til að fá fókus-
inn í einn punkt.“
Þegar breytingu á auganu er
lokið er flipanum komið aftur á
sinn stað og grær sárið á innan
við sólarhring. Sjónin verður skörp
á nokkrum dögum eða vikum og
er varanleg eftir það. „Langflestir
sjúklinga vilja LASIK vegna þess
að í 97 prósent tilvika er fólk
komið með svokallaða fulla sjón
daginn eftir aðgerðina,“ segir
Eiríkur. „Hún er sársaukalaus og
ef það þarf að laga augað aftur,
sem gerist í fimm prósentum til-
vika, þá er það mjög auðvelt.“
Önnur algeng aðgerð kallast
Lasek en hún er framkvæmd ef
hornhimnan er ekki nógu þykk til
að hægt sé að framkvæma LASIK.
Þá er einungis efsta frumulag
augans losað af, en þetta frumu-
lag endurnýjar sig stöðugt. Sjúk-
lingar eru lengur að jafna sig
eftir þessa aðgerð en hún skilar
sama árangri og LASIK.
Fylgikvillar aðgerðanna eru
fáir en stærsta vandamálið teng-
ist náttblindu. „Það er mismun-
andi hugbúnaður og útreikningar
við að gera rétta prófílinn fyrir
augað. Til er prógramm sem
minnkar aðgerðina eins og mögu-
legt er. Það er líka hægt að hanna
prófílinn þannig að dragi úr nátt-
blindunni. Svo er aðferð sem er í
hraðri þróun sem felst í persónu-
legum mælingum,“ segir Eiríkur.
Með persónulegum mælingum
má reikna út alla bjögun á ljósi í
auganu og laga hana. Mögulegt
er að gera sjónina betri en hún
hefur nokkru sinni verið hjá sjúk-
lingi og jafnvel er mögulegt að
bæta náttblindu sem sjúklingur
þjáðist af fyrir aðgerð. „Með
þessu móti má líka bæta sjón
þeirra sem þjást af óreglulegri
sjónbjögun, sem ekki er hægt
að laga með gleraugum,“ segir
Eiríkur.
Nánari upplýsingar er að finna á
www.lasersjon.is. tryggvi@frettabladid.is
Betri en 20/20 sjón
Eiríkur segir að augnaðgerð kosti 285 þúsund krónur og fyrir sérlausnir bætist fimmtán þúsund krónur ofan á fyrir hvort auga.
FRÉTTABLAÐIÐ/ANTON
Persona.is
EYJÓLFUR ÖRN JÓNSSON
SÁLFRÆÐINGUR SKRIFAR
Ég hef barist við átröskun frá því ég varð ólétt fyrir
níu árum og borða annaðhvort allt of mikið eða
ekki neitt. Ég vil þó taka fram að ég kasta ekki upp
matnum eða svelti mig. Þegar ég borða þá er það
nánast bara óhollusta og í hvert sinn segi ég sjálfri
mér að þetta sé í síðasta sinn en stend svo aldrei
við það eins og einhver fíkill, ég hætti hreinlega ekki
að hugsa um matinn fyrr en ég hef keypt hann. Mér
líður mjög illa, finnst ég vera feit, ljót og hallærisleg
og þrái ekkert heitar en að verða aftur fitt og fín og
ánægð með lífið. Hvað get ég gert?
Sæl. Oft vill það verða þannig að hegðunin að borða
breytist í viðhöfn sem veitir manni eitthvað sem manni
finnst maður ekki fá annarsstaðar í lífinu. Þetta kann að
hljóma eins og fíkn og að einhverju leiti er það vissulega
rétt en þó er afar mikilvægt að varpa ekki ábyrgðinni frá
sér þar sem þá varpar maður einnig lausninni annað. Til
þess að takast á við þennan vanda er nauðsynlegt að
skoða af hverju maður borðar og nær ekki að temja sér
hófsemi. Í þínu tilfelli væri gott að skoða hvað gerðist
fyrir níu árum, hvaða áhrif barnsburðurinn hafði á þig,
hvernig þér líður dagsdaglega og svo framvegis til þess
að komast að rót vandans. Einnig getur verið gott að
athuga nánar hvernig þér líður rétt áður en þú ferð að
borða eða kaupa mat? Ef svarið er illa, er spurning hvort
ekki sé hægt að finna aðrar lausnir á leiðanum og dep-
urðinni en át og innkaup. Þú gætir þá til dæmis prófað
að fara í göngutúr eða heimsókn þegar löngunin kviknar.
Það er greinilegt að sjálfsmynd þín hefur orðið fyrir
miklum skaða af þeim breytingum sem þú hefur gengið
í gegnum og er það einnig eitthvað sem nauðsynlegt er
fyrir þig að laga. Þú tengir sjálfsmynd þína mjög mikið
og hugsanlega alfarið við líkamsmyndina og því rokkar
hún með þyngdinni. Þar sem breytingar á þyngd geta
tekið, og eiga helst að taka, töluverðan tíma, ef þær eiga
að endast, er mikilvægt að þú finnir aðra eiginleika í fari
þínu til að tengja sjálfsmyndina. Til þess að bæta sjálfs-
myndina er mikilvægt að skoða hvað þú hefur í lífinu
sem þú ert stolt af og ánægð með og helst leggja aukna
áherslu á þá. Einnig er möguleiki að bæta hlutum inn í
líf þitt sem þig hefur langað til að gera en ekki getað eða
þorað af einhverjum ástæðum til að auka sjálfstraustið.
Það er gott fyrir þig að hafa í huga að hugsanlega er líkams-
þyngd þín, að miklu leyti, tengd andlegri líðan þinni og
þú komin í vítahring. Hugsanlegt er að þú hafir þyngst
og dottið niður í einhvern leiða eftir barnsburðinn. Svo
hefur þetta viðhaldist þannig að þú lendir í vandræðum
með þyngdina og verður leiðari yfir því, í kjölfarið leitar
þú huggunar í matinn þar sem innst inni finnst þér eins
og það gangi ekkert að grennast. Það sem þú verður
að hafa í huga er að þetta er hegðunarmynstur sem þú
hefur vanið þig á í tengslum við vanlíðan þína. Þegar þér
líður illa þá leitarðu í mat, sem síðan leiðir aftur til að þér
líður illa. Þegar þú svo ætlar að taka á vandanum berð
þú þig saman við einhverja staðalmynd og ætlar þér of
mikið sem svo fær þig til að falla og líða illa.
Þegar þú ákveður að taka þig á og gera hreyfingu að
hluta af lífi þínu, þá er mikilvægt fyrir þig að muna að
allt er gott í hófi. . Mikilvægast er að setja sér hófleg
markmið og halda út. Fljótlega verður maður hressari,
kemst í betra skap og hættir að hafa samviskubit yfir því
sem maður borðar. Þegar þú loks brýtur vítahringinn og
velur að iðka hreyfingu eða gera eitthvað annað þegar
þú finnur hjá þér löngun í sælgæti eða mat, þá líður ekki
á löngu áður en kílóin fara að hrynja af þér.
Þar sem vandi þinn hefur varað mjög lengi og haft mikil
áhrif á líf þitt myndi ég mæla með að þú leitaðir þér
aðstoðar fagaðila. Sálfræðingur getur hjálpað þér með
því að spyrja þær spurningar sem þarfnast svara og
aðstoðað þig í leitinni að svörunum.
Matarvenjur og þunglyndi