Fréttablaðið - 04.12.2006, Síða 42

4. desember 2006 MÁNUDAGUR18
Íburður einkennir anddyri Þingholts.
Barinn í Þingholti er skreyttur myndum úr vinnustofu Kjarvals.
Hótel Holt er teiknað af Herði Bjarnasyni, húsameistara ríkisins.
Klassískar innréttingar úr kjörviði, vönduð húsgögn
og verðmæt málverk einkenna Hótel Holt við Berg-
staðastræti. Ljósmyndari Fréttablaðsins Gunnar V.
Andrésson skrapp í heimsókn.
Hótel Holt var byggt af athafnamanninum Þorvaldi Guð-
mundssyni sem jafnan var kenndur við Síld og fisk og konu
hans Ingibjörgu Guðmundsdóttur. Enn er það í eigu fjöl-
skyldu þeirra og enn prýða hundruð málverka úr einkasafni
þeirra hjóna veggi hótelsins. Fjörutíu og tvö herbergi eru í
hótelinu, vel innréttuð og útbúin og auk almenns veitingasal-
ar er þar viðhafnarsalurinn Þingholt.
Hótel Holt var opnað í febrúar 1965 og á sér því rúmlega
fjörutíu ára sögu. Því hefur verið vel viðhaldið og því lifir
tímalaus hönnun þess og húsbúnaður af sér breytingar í stíl
og stefnum. Marmari, dökkur harðviður og húsgögn úr
leðri skapa þar rólega og þægilega stemningu. Það sem
gerir það þó frábrugðið flestum öðrum hótelum eru mál-
verkin sem prýða veggina hvert sem litið er. Listamennirn-
ir eru engir meðaljónar, heldur þeir frægustu sem Ísland
hefur alið. Þar er því eitthvert stærsta listaverkasafn í
einkaeign á landinu. gun@frettabladid.is
Málverk eftir Gunnlaug Scheving og fleiri njóta sín vel í anddyri hótelsins. FréttaBlaðið/Gva
Húsgagn sem mundi sóma sér í hvaða konungshöll sem er.
Fáir veitingasalir hótela státa af jafn glæsilegum málverkum og Holtið.
Hefur yfir sér
höfðingssvip