Fréttablaðið - 20.12.2006, Qupperneq 8

Hvaða banki er fyrsti
íslenski bankinn sem heldur
bókhald í evrum?
Hvaða frambjóðandi til
Alþingis er farinn á sjóinn?
Hvaða litríka bandaríska
körfuboltagoðsögn var nýlega
orðuð við b-lið KR, betur þekkt
sem Bumbuna?
Veðurofsi var á
Akureyri í fyrrinótt. Að sögn
lögreglu fuku þakplötur af húsum,
auglýsingaskilti fóru á flakk og
einn vinnuskúr lagðist á hliðina í
rokinu. Þá fuku bílar saman á
bílastæðum enda glerhált undir
þeim.
Ofsaveðrið skall á rétt eftir
miðnætti og stóð til klukkan hálf
fimm. „Þá var bara eins og kippt
væri úr sambandi. Það var bara
komið logn,“ sagði varðstjóri.
Lögregla og björgunarsveitir voru
að störfum allan tímann. Tjón
varð nokkuð og segir lögregla
ljóst að sumir verði að laga
jólaskrautið sitt eftir nóttina.
Vinnuskúr fauk
á hliðina í roki
Síðari umræða um
fjárhagsáætlun Reykjavíkur fyrir
næsta ár fór fram á fundi borgar-
stjórnar í allan gærdag. Meirihlut-
inn gerði nokkrar breytingar á
áætlun sinni milli umræðna en í
þeim felast ekki aukin útgjöld.
Helstu breytingar eru hækkun á
niðurgreiðslum til dagforeldra um
samtals 85,5 milljónir króna,
hækkun niðurgreiðslu til sjálf-
stætt rekinna leikskóla, hækkun
framlaga um 180 milljónir vegna
frístundakorta og 20 milljóna
króna framlag vegna alþjóðlegs
íþróttamóts ungmenna sem haldið
verður í Reykjavík næsta sumar.
Talsverðar tilfærslur voru
gerðar á framlögum til Velferðar-
sviðs. Átján milljónum er ætlað að
tryggja starfsemi Konukots til 1.
maí, fimmtán milljónir fara í
rekstur nýs heimilis fyrir heimil-
islausa, átta milljónir eru ætlaðar
til skipulagðra heimsókna til eldri
borgara og 26 milljónum er ætlað
að mæta auknum niðurgreiðslum
húsaleigu vegna fjölgunar félags-
legra leiguíbúða. Þá er horfið frá
fyrri áformum um hækkun gjald-
skrár fyrir heimaþjónustu aldr-
aðra og hækka framlög borgarinn-
ar sem því nemur, um átta
milljónir.
Kostnaður vegna húsaleigubóta
lækkar um 79 milljónir frá upp-
haflegum áætlunum þar sem nýjar
forsendur liggja fyrir og almenn
fjárhagsaðstoð lækkar um 30
milljónir. Í staðinn eru framlög
vegna átaksverkefna hækkuð um
20 milljónir en þeim er ætlað að
auðvelda fólki sem fengið hefur
fjárhagsaðstoð í langan tíma að
komast aftur út á vinnumarkað-
inn.
Fjárhagsáætlunin gerir ráð
fyrir tæplega fjórtán milljarða
króna afgangi af rekstri og ann-
arri starfsemi borgarinnar og
munar þar mestu um hagnað af
sölu á hlut borgarinnar í Lands-
virkjun.
Átta milljónir
í heimsóknir
til aldraðra
Nokkrar breytingar urðu á fjárhagsáætlun Reykja-
víkurborgar við síðari umræðu í gær. Greiðslur til
dagforeldra og einkarekinna leikskóla hækka.
Allt það fína frá Kína
Gott úrval af lömpum, vösum og glæsilegri gjafavöru á frábæru verði
Ármúla 42 - sími 895 8966
Opið mánudaga - sunnudaga 10 - 18
550 5000
AUGLÝSINGASÍMI
Of hátt magn
af geislavirka efninu pólon 210
fannst í einum þeirra Svía sem
mældir voru í tengslum við dauða
fyrrverandi njósnara KGB, Alex-
ander Litvinenko.
Breska lögreglan hafði haft
samband við sænsk heilbrigðisyf-
irvöld vegna sjö Svía sem dvöldust
á hótelinu sem Litvinenko kom á
um það leyti sem hann veiktist, að
því er fréttavefur Dagens Ny-heter
greindi frá í gær. Fannst eitrið í
þvagi eins þeirra. Þó er ekki um
lífshættulegt magn að ræða, að
sögn talsmanna heilbrigðisyfir-
valda, og ekki þykir heldur full-
sannað að hann hafi komist í snert-
ingu við efnið á hótelinu í London.
Litvinenko lést úr eitruninni
hinn 23. nóvember. Breska lögregl-
an rannsakar nú lát hans, en sjálf-
ur kenndi hann rússneskum yfir-
völdum um veikindi sín.
Rannsókn bresku lögreglunnar
í Moskvu lauk í gær, þar sem hún
fékk að skoða ýmiss konar skjöl.
Bresku lögreglumennirnir fengu
ekki að ræða sjálfir við vitni, en
máttu fylgjast með rússneskum
kollegum yfirheyra þau.
Pólon 210 getur valdið bein-
mergs-, lifrar- og nýrnaskaða í
fólki og leitt til dauða ef um mikið
magn er að ræða.
Minnisvarði um Bríeti
Bjarnhéðinsdóttur kvenréttinda-
frömuð verður reistur á horni
Amtmannsstígs og Þingholts-
strætis í Reykjavík. Borgarstjórn
samþykkti í gær tillögu þar um
við afgreiðslu fjárhagsáætlunar
næsta árs. Framlag Reykjavíkur-
borgar til verksins verður þrjár
milljónir króna og mun ríkið
leggja til samsvarandi fjárhæð.
Ólöfu Nordal myndlistarmanni
hefur verið falið að búa minnis-
varðann til og er stefnt að vígslu
19. júní á næsta ári.
Bríet Bjarnhéðinsdóttir var
helsti hvatamaður að stofnun
Kvenréttindafélags Íslands árið
1907 og var ein fjögurra kvenna
sem kjörnar voru í bæjarstjórn
Reykjavíkur ári síðar. Hún var
fyrsta konan sem tók til máls á
fundum bæjarstjórnarinnar. Bríet
fæddist 1856 og lést 1940.
Borgarstjórn hefur jafnframt
ákveðið að verja fimm milljónum
til verndun minja um sjósókn frá
Grímsstaðavör við Ægisíðu. Þaðan
sóttu trillukarlar í Reykjavík sjó-
inn um áratugaskeið og reru eink-
um til grásleppu í seinni tíð. Þegar
mest var voru sextán bátar gerðir
út frá Grímsstaðavör en útgerð-
inni lauk 1998 þegar Björn Guð-
jónsson lagði árar í bát.
Í sumar afhjúpaði Vilhjálmur
Vilhjálmsson borgarstjóri skilti
sem af má lesa tilurð og sögu
útgerðar frá Grímsstaðavör.
Minnisvarði um Bríeti reistur