Fréttablaðið - 20.12.2006, Qupperneq 39

Minni hagvöxtur | Á þriðja árs-
fjórðungi mældist hagvöxtur 0,8
prósent og hefur ekki verið minni
síðan í árslok. Á þriðja ársfjórð-
ungi í fyrra var hagvöxturinn 10,0
prósent.
CCP útskrifað | CCP verður
útskrifað úr samtökum sprota-
fyrirtækja eftir að velta félags-
ins fór yfir einn milljarð króna
á þessu ári. Sprotafyrirtæki eru
skilgreind svo ef velta þeirra er
undir einum milljarði króna.
Icelandair skráð | Icelandair
Group Holding hf. var skráð í
Kauphöll Íslands á fimmtudag,
fyrst íslenskra félaga eftir að hún
varð hluti af OMX-kauphöllun-
um. Heildarhlutafé félagsins er
1.000.000.000.
Úr Straumi | Straumur-Burðarás,
Samvinnutryggingar og aðrir
fjárfestar kaupa 22,6 prósenta
hlut í Straumi-Burðarási af FL
Group fyrir 42 milljarða króna.
FL Group fær í staðinn peninga og
hlutabréf í Finnair.
Stefnunni haldið | Björgólfur
Thor Björgólfsson telur að kaup
Straums og fleiri fjárfesta á bréf-
um FL Group í Straumi breyti
ekki miklu í því sem snýr að starf-
semi Straums.
Nýr banki | Fjárfestingarbankinn
Askar Capital hefur starfsemi
um næstu áramót. Milestone er
kjölfestufjárfestir í bankanum og
Tryggvi Þór Herbertsson verður
forstjóri.
Minni velta | Kreditkortavelta
í nóvember var tæplega 21 millj-
arður króna og jókst hún um 3,5
prósent milli mánaða. Það gefur
vísbendingu um að enn hægi á
vexti einkaneyslu.
Askar Capital
Finna sér
markaðssyllur
18
CCP
Slær félögum í
Kauphöllinni við
3
Sögurnar... tölurnar... fólkið...
F R É T T I R V I K U N N A R
Stýrivextir Seðlabankans
Sér fyrir endann á
hækkunarferlinu
10-11
Hólmfríður Helga Sigurðardóttir
skrifar
Viðbúið er að Þorláksmessa verði langstærsti dagur
í íslenskri smásölu frá því að land byggðist. Kemur
það fyrst og fremst til af tvennu. Í fyrsta lagi því
að umsvifin í þjóðfélaginu hafa aukist. Í öðru lagi
vegna þess að Þorláksmessu ber upp á laugardag.
Pálmi Kristinsson, framkvæmdastjóri Smáralindar,
segir að gera megi ráð fyrir að þann dag muni neyt-
endur eyða allt frá þremur til fjórum milljörðum
króna á landsvísu. Til samanburðar mun sala síðast-
liðinn laugardag á landinu öllu hafa numið um 1,5 til
tveimur milljörðum króna.
Þunginn í jólaversluninni virðist hafa farið nokk-
uð seinna af stað en í fyrra. Meðal annars vegna þess
að bæði Kringlan og Smáralind fóru viku seinna af
stað með að hafa opið til tíu á kvöldin í ár heldur
en í fyrra. Síðasta laugardag nam söluaukning í
Smáralind um 30 til 35 prósentum miðað við í fyrra.
Þann daginn lögðu rúmlega þrjátíu þúsund gestir
leið sína í verslunarmiðstöðina. Þar á bæ er gert ráð
fyrir að velta jólasölunnar verði um fimmtán pró-
sentum meiri í ár en í fyrra, án þess að tillit sé tekið
til fjölgunar verslana.
Nýbirtar tölur Hagstofunnar um landsframleiðslu
á þriðja ársfjórðungi sýndu að einkaneysla jókst um
tvö prósent að raunvirði frá sama fjórðungi í fyrra
sem er minnsti vöxtur í fjögur ár. Ýmsar aðrar vís-
bendingar hafa jafnframt komið fram sem benda til
þess að einkaneysla sé að dragast saman, svo sem
minni aukning smásölu á fjórða ársfjórðungi og
minni kortavelta í nóvember. Pálmi segir að sé sam-
dráttar farið að gæta í einkaneyslunni verði þess alls
ekki vart í jólasölunni ár. „Fjölmargar verslanir hjá
okkur hafa slegið met, jafnvel dag eftir dag. Stærri
verslanirnar ná aldrei jafnmikilli aukningu og þær
smærri, sem dregur niður heildaraukninguna, en
þorri verslana hjá okkur er að ná 20 til 30 prósenta
aukningu. Ég hef jafnvel heyrt í mörgum kaupmönn-
um sem eru með 40 til 60 prósenta söluaukningu það
sem af er desember.“
Íslandsmet í smásölu
slegið á Þorláksmessu
Þrátt fyrir að einkaneysla fari minnkandi gætir ekki sam-
dráttar í jólagjafainnkaupum. Kaupmenn Smáralindar hafa
slegið hvert sölumetið á fætur öðru undanfarna daga.
Flestir bankar og sparisjóðir veita
mótframlag eða gefa gjafir við
stofnun framtíðarreikninga fyrir
börn og ungmenni nú fyrir jólin.
Framlag í peningum liggur á bil-
inu 2.000 til 2.500 krónur.
Framtíðarreikningar eru verð-
tryggðir innlánsreikningar sem
eru almennt bundnir til átján ára
aldurs reikningseiganda.
SPRON veitir tvö þúsund króna
framlag við stofnun nýs framtíð-
arreiknings sem er óháð fram-
lagi þess sem stofnar reikninginn.
Þannig getur nýr eigandi fengið
tvö þúsund krónur inn á bók án
þess að nokkurt mótframlag komi
til.
Kaupþing veitir 2.500 króna
mótframlag við stofnun nýs fram-
tíðarreiknings gegn því skilyrði
að lagðar séu inn fimm þúsund
krónur. Eigandi reikningsins fær
því fimmtíu prósenta ávöxtun í
einu vetfangi miðað við lágmarks-
innlögn.
Sparisjóðirnir leggja fram
tvö þúsund krónur á móti fimm
þúsund krónum þess sem leggur.
Þetta er óháð því hvort um nýjan
eða eldri reikningseiganda sé að
ræða. Reikningseigandinn fær því
fjörutíu prósenta ávöxtun.
Hjá Glitni fengust þær upp-
lýsingar að við stofnun framtíð-
arreiknings fengi reikningseig-
andi Latabæjardót. Fimm þúsund
króna mótframlag fæst ef lagðar
eru inn eitt þúsund krónur á mán-
uði í hálft ár.
Landsbankinn er eini viðskipta-
bankinn sem býður ekki mótfram-
lag eða gjöf við stofnun framtíðar-
reiknings um þessi jólin. - eþa
Börnin græða á bönkum fyrir jólin
Nýleg skuldabréfaútgáfa
Straums-Burðaráss Fjárfestinga-
banka upp á 200 milljónir evra
er með stækkunarmöguleika
upp í 1,6 milljarða evra, eða sem
nemur 144 milljörðum íslenskra
króna.
Gengið var frá útgáfunni, sem
er til fimm ára, í lok síðasta
mánaðar, en hún er í gegn um
svokallaðan CLO lánaramma
(collateralized loan obligations)
og eyrnamerkt ákveðnum
fjárfestingum sem auka munu
vaxtatekjur bankans.
Svanhildur Nanna Vigfúsdóttir,
framkvæmdastjóri fjárstýringar
Straums-Burðaráss, segir útgáfu
af þessum toga hjálpa til á
þeirri leið félagsins að breytast
úr fjárfestingarfélagi yfir í
fjárfestingabanka sem byggi á
annars konar tekjustoðum.
Sjá síðu 8 / - óká
Geta áttfaldað
CLO-útgáfuna
Vísitala byggingarkostnaðar,
reiknuð eftir verðlagi um miðjan
desember, er 356,3 stig og hækk-
ar um 0,31 prósent frá því í nóv-
ember. Síðastliðna tólf mánuði
hefur vísitalan hækkað um 12,5
prósent. Árið 2006 var vísitala
byggingarkostnaðar að meðaltali
um 8,6 prósentum hærri en árið
2005.
Byggingarvísitalan mælir
breytingar á kostnaði við bygg-
ingu húss skilgreint á mjög
nákvæman hátt, allt frá kostnaði
á skrúfum og boltum til vinnunn-
ar sem fer í húsið.
Guðrún Ragnheiður Jónsdóttir,
sérfræðingur á vísitöludeild
Hagstofu Íslands, segir mikla
hækkun vísitölunnar á árinu
koma til vegna þess að bæði laun
og efniskostnaður hafi hækkað
mikið. Hækkunin í desember
kemur fyrst og fremst til vegna
efnisliða sem hafa hækkað um
0,7 prósent milli mánaða. Munar
þar mest um hækkun á pípulagn-
ingaefni upp á 2,7 prósent. - hhs
Sífellt dýrara
að byggja