Fréttablaðið - 20.12.2006, Side 72

MARKAÐURINN 20. DESEMBER 2006 MIÐVIKUDAGUR18
F Y R S T O G S Í Ð A S T
„Ég var búinn að vera lengi hjá Hagfræði-
stofnun og því tilbúinn að takast á við önnur
verkefni. Ég hef undanfarið fengið tilboð
sem ég hef neitað en hugmyndin um þennan
nýja fjárfestingarbanka var hins vegar svo
spennandi að ég gat ekki annað en slegið til.
Ekki síst finnst mér áhugavert að vinna með
Karli Wernerssyni, manni sem hefur rifið
sig upp í það að vera með efnaðari mönnum
landsins. Það bendir til þess að hann hafi
eitthvað sem varið er í að vinna með,“ segir
Tryggvi Þór Herbertsson, fyrrverandi for-
stöðumaður Hagfræðistofnunar Háskóla
Íslands, sem nýverið tók við stöðu forstjóra
fjárfestingarbankans Aska Capital.
ÞRJÚ FÉLÖG RENNA SAMAN Í EITT
Karl Wernersson er aðaleigandi Milestone
sem er kjölfestufjárfestir í Askar Capital.
Bankinn verður til með því móti að fjármála-
ráðgjafarfélagið Ráðgjöf og efnahagsspár og
fjárfestingarfélagið Aquila Venture Partners
(AVP) munu renna inn í Sjóvá fjármögnun
um áramótin. Sjóvá fjármögnun hefur þegar
bankaleyfi en við samrunann verður nafni
þess breytt í Aska Capital. Þá verður bæði
sótt um leyfi til Fjármálaeftirlitsins fyrir
samrunanum og aukin leyfi til frekari banka-
starfsemi. Þangað til mun bankinn starfa
innan þeirra marka sem Fjármálaeftirlitið
setur honum. „Við áætlum að þessi leyfi
fáist á fyrri hluta næsta árs og upp frá því
geti bankinn starfað eftir þeirri stefnu sem
lagt er upp með,“ segir Tryggvi. Sameinuð
hafa félögin þrjú ellefu milljarða króna eigið
fé. Stjórnendur félagsins stefna að því að
vera komnir með eignir fyrir 200 milljarða í
stýringu fyrir lok fyrsta starfsárs. Nú þegar
er AVP með fasteignir í eignastjórnun fyrir
í kringum sjötíu milljarða.
SKRIFSTOFUR Í FIMM LÖNDUM
Fyrstu mánuðina mun starfsemi Aska
Capital fyrst og fremst fara fram á Íslandi,
auk þeirra alþjóðlegu fjárfestingarverkefna
sem Aquila Venture Partners hefur þegar á
sinni könnu. Strax í janúar verður skrifstofa
þó opnuð í Lúxemborg en eftir að öll tilskilin
leyfi hafa fengist munu London, Búkarest og
Hong Kong fylgja í kjölfarið.
Bankinn mun starfa á vettvangi fyrir-
tækja og stórviðskipta en ekki sinna ein-
staklingsviðskiptum. „Við munum þróa og
selja fjármálavörur, til dæmis afleiður og
fjármálagjörninga, sem eru byggðar á und-
irliggjandi eignum. Þessar vörur verða svo
seldar áfram í heildsölu inn í bankakerfið,
til stofnanafjárfesta og fagfjárfesta. Þar að
auki verðum við með eigin viðskipti þar sem
við munum taka stöður í fasteignum, hluta-
bréfum og öðru.“
Tryggvi segir stefnuna ljóst og leynt
tekna út fyrir landsteinana en tekur fram
að einnig séu næg tækifæri hér á landi. „Við
ætlum að nýta okkur þær markaðssyllur
sem eru til staðar, bæði hér heima og erlend-
is.“ Hann telur frekar verða talið bankanum
til tekna að vera frá Íslandi, þótt í einhverj-
um tilfellum kunni sá ólgusjór sem verið
hefur kringum íslenskt fjármálalíf að vinna
á móti honum. „Ég held að þetta muni ekki
verða okkur þrándur í götu. Ef samningar
eru góðir skiptir þjóðerni ekki máli. Menn
hafa ekki efni á að mismuna í viðskiptum,“
segir Tryggvi.
SKORTUR Á GÓÐUM MANNSKAP Á ÍSLANDI
Háskóli Íslands hefur fengið að finna fyrir því
að undanförnu að sótt er í þann mann-
auð sem er innan veggja skólans.
Auk Tryggva hafa til að mynda þau
Ágúst Einarsson og Svafa Grönfeldt,
sem hafa kennt við góðan orðstír í
viðskipta- og hagfræðideild svo árum
skiptir, horfið frá og tekið við rekt-
orsstöðum, hjá Viðskiptaháskólanum
á Bifröst og Háskólanum í Reykjavík.
„Það vantar orðið svo mikið af góðu
fólki í störf á Íslandi að það er alls
staðar leitað. Það er fullt af hæfi-
leikafólki innan háskólanna en menn
hafa kannski veigrað sér við því að
sækja fólk þangað hingað til. Eina
fyrirstaðan fyrir góðum hugmyndum
í dag er góður mannskapur. Peningar,
hugmyndir og tækifæri er ekkert
mál að ná í. Það er annað mál með
mannskapinn.“
Þessu vandamáli verður sjálfsagt
ekki fyrir að fara hjá stjórnendum
Aska, þar sem nýi bankinn hefur
vakið forvitni og sjálfsagt margir
sem hafa áhuga á að vinna þar. Um
þessar mundir stendur einmitt yfir
vinna við ráðningar og er áætlað að
um áramótin verði um 40 til 45 manns
starfandi hjá félaginu. Um 30 þeirra
koma úr fyrirtækjunum þremur sem
þegar eru starfrækt og aðrir tíu til fimmtán
sem bætast í hópinn.
Finna markaðssyllur hér heima og heiman
Tryggvi Þór Herbertsson, sem gegnt hefur starfi forstöðumanns Hagfræðistofnunar Háskóla
Íslands undanfarin fimmtán ár, hefur söðlað um og tekið að sér að stýra hinum nýstofnaða fjárfest-
ingarbanka Askar Capital. Hólmfríður Helga Sigurðardóttir spjallaði við Tryggva um breytta tíma og
framtíðaráform nýja bankans.
„Það vantar orðið
svo mikið af góðu
fólki í störf á Íslandi
að það er alls staðar
leitað. Það er fullt
af hæfileikafólki
innan háskólanna en
menn hafa kannski
veigrað sér við því að
sækja fólk þangað
hingað til. Eina fyr-
irstaðan fyrir góðum
hugmyndum í dag er
góður mannskapur.
Peningar, hugmyndir
og tækifæri er ekk-
ert mál að ná í. Það
er annað mál með
mannskapinn.