Fréttablaðið - 14.01.2007, Blaðsíða 8

Vagnhöfða 23 - Sími 590 2000
Seltjarnarnesi
Gerið
verðsamanburð
margar stærðir
All Terrain
31” 13.950,- stgr.
33“ 16.980,- stgr.
35” 16.990,- stgr.
Er jeppinn tilbúinn
fyrir veturinn?
Læknaráð
Landspítala - háskólasjúkrahúss
ítrekaði á fundi sínum í gær fyrri
ályktanir sínar um alvarlegan
húsnæðisvanda sjúkrahússins,
sem ekki getur beðið óleystur þar
til nýtt sjúkrahús hefur verið
reist. Segir ráðið vandann „koma
niður á sjúklingum og starfs-
mönnum“. Jafnframt að nauðsyn-
legt sé að yfirvöld fjármála og
heilbrigðismála bregðist við
þessum vanda með afgerandi
hætti í samráði við stjórn og
starfsfólk LSH.
Ráðið segir húsnæði Heilsu-
verndarstöðvarinnar við Baróns-
stíg geta leyst þennan vanda að
hluta. Skorað er á heilbrigðisráðu-
neytið að láta þegar í stað fara
fram athugun í þeim efnum.
Húsnæðisvanda
verður að leysa
Tölvufyrirtækið Cisco
Systems hefur lögsótt Apple fyrir
brot á vörumerkjalögum.
Fyrirtækið vill meina að notkun
Apple á nafninu iPhone brjóti í
bága við lög vegna þess að Cisco
eigi vörumerkið iPhone. Þetta
kemur fram á fréttavef BBC.
Apple kynnti í liðinni viku
nýjan farsíma sem ber nafnið
iPhone. Síminn, sem einnig er
tónlistarspilari og lófatölva,
kemur á markað í Bandaríkjunum
í júní en í lok þessa árs í Evrópu.
Apple svaraði lögsókninni með
því að kalla hana fáránlega.
Fjölmörg fyrirtæki noti nafnið
iPhone yfir netsímtæki.
Cisco hefur átt vörumerkið
iPhone síðan árið 2000.
Cisco ætlar í
mál við Apple
Forseti Súdans, Omar al-
Bashir, segir reynslu af friðar-
gæsluliði á vegum Sameinuðu
þjóðanna í heiminum slæma og
vill ekki fá það inn í Darfur-hérað.
Hann segir
hermenn Afríku-
sambandsins
fullfæra um að
halda uppi reglu í
þessu stríðshrjáða
héraði, fái þeir til
þess fjárveitingu.
Þessi yfirlýsing
forsetans gengur
gegn yfirlýsingu
súdanskra
embættismanna í desember sem
sögðu að stjórnvöld myndu
samþykkja takmarkað gæslulið á
vegum SÞ í héraðinu. Einnig höfðu
fulltrúar Afríkusambandsins lagt
til að alþjóðasamfélagið tæki yfir
friðargæslu í Darfur.
Bashir forseti
hafnar SÞ-liði
Fjárfestingafélaginu
Lindberg ehf. var falinn for-
kaupsréttur á tíu fasteignum í
Örfirisey fyrir um 800 milljónir
króna á stjórnarfundi Faxaflóa-
hafna á fimmtudagskvöld. Und-
anfarið hefur fyrirtækið keypt á
þriðja tug fasteigna í Örfirisey
að verðmæti næstum þrír millj-
arðar króna eins og greint hefur
verið frá í Fréttablaðinu.
Þrír af fjórum eigendum Lind-
bergs, Ólafur Garðarsson, Magn-
ús Jónatansson og Gísli Steinar
Gíslason, mættu á fundinn til
viðræðna og gerðu þeir grein
fyrir hugmyndum fyrirtækisins
í tengslum við kaup eigna í Ör-
firisey. Jafnframt lögðu þeir
fram yfirlýsingu um að Lindberg
sé reiðubúið að selja höfninni
einstakar eignir, verði eftir því
leitað og skapist fyrir það þörf, á
sama verði.
Gísli Gíslason hafnarstjóri
ítrekar að verið sé að vinna að
skipulagsmálum á þessu svæði
og vísar þar til sérstaks starfs-
hóps á vegum borgarinnar sem
Björn Ingi Hrafnsson stýrir. „Í
raun má segja að þetta séu
óvenjumiklar hreyfingar á þessu
svæði þar sem eignir eru að fær-
ast á fárra hendur. En aðalatriðið
er að það á eftir að vinna úr því
hvernig landið verður nýtt og
það verður engu breytt fyrr en
það liggur fyrir.“
Engar reglur eru til um að ráðuneytum
beri að láta nefndir Alþingis fá gögn varðandi mál
sem nefndin er að fjalla um sé þess ekki óskað. Þetta
kemur fram í svörum frá menntamálaráðuneyti og
fjármálaráðuneyti vegna gagnrýni Sigurðar Kára
Kristjánssonar, formanns menntamálanefndar, yfir
því að nefndinni var ekki afhentur hluti bréfaskipta
milli ráðuneytanna og ESA, Eftirlitsstofnunar EFTA,
um RÚV-frumvarpið sem nefndin
hefur verið að fjalla um.
Guðmundur Árnason, ráðuneyt-
isstjóri menntamálaráðuneytisins,
telur þetta tilvik tilefni til að end-
urskoða hvernig upplýsingagjöf sé
háttað milli ráðuneyta og Alþingis.
„En það væri eðlilegra að ráðherr-
ar og stjórnmálamenn tjáðu sig um
þetta.“
Í sama streng tekur Ingvi Már
Pálsson, lögfræðingur hjá fjármála-
ráðuneytinu, sem segir eðlilegt að
fara yfir verkferla ráðuneyta og þingnefnda um
hvaða upplýsingar eigi sjálfkrafa að fara inn í nefnd
án þess að það sé kallað eftir þeim sérstaklega.
Árni M. Mathiesen fjármálaráðherra sagði spurð-
ur um þennan brest á upplýsingaflæði frá fjármála-
ráðuneytinu, hvaðan bréfin voru send til ESA, að
verið væri að gera úlfalda úr mýflugu og vildi ekkert
tjá sig um þetta „smámál“. Ekki náðist í Þorgerði
Katrínu Gunnarsdóttur menntamálaráðherra.
Engar reglur um upplýsingar
Hvað hét hinn 38 vetra
gamli hestur sem drapst í
Kelduhverfi í byrjun nýs árs?
Hvað heitir fráfarandi
kanslari Austurríkis sem ljóst er
að verður ekki ráðherra í nýrri
ríkisstjórn?
Hvaða viðskiptamaður hefur
ákveðið að gefa kost á sér sem
formaður KSÍ?
Mjög rólegt var á
höfuðborgarsvæðinu í fyrrinótt
að sögn lögreglu. Komst varð-
stjóri svo að orði að kvöldið og
nóttin hefði verið eins og „á
venjulegu þriðjudagskvöldi“.
Rólegheitin má sennilega rekja
að miklu leyti til veðurs, en í
fyrrakvöld var mjög köflótt
veður, kalt og hríðir á köflum.
Fimm manns voru teknir fyrir
ölvunarakstur frá morgni
föstudags fram að laugardags-
morgni, sem þykir fremur lítið á
þeim tíma vikunnar. Þá var
tilkynnt um tæplega 50 umferðar-
óhöpp á sama tímabili, nær öll
minni háttar.
Nær tíðinda-
laus helgarnótt
Ingibjörg Sólrún Gísla-
dóttir, formaður Samfylkingarinn-
ar, segir að hagstjórn ríkisstjórn-
arinnar hafi verið óábyrg á
kjörtímabilinu. Hún vísar gagn-
rýni Geirs H. Haarde forsætisráð-
herra til föðurhúsanna. Í kvöld-
fréttum Sjónvarpsins á föstudag
sagði Geir að tal þingmanna Sam-
fylkingarinnar um upptöku evr-
unnar grafi undan krónunni.
„Ríkisstjórn Geirs ber ábyrgð á
því ójafnvægi sem er hér á landi á
mörgum sviðum. Íslenskur almenn-
ingur þarf að greiða hæstu vexti af
lánum á vesturhveli jarðar, býr við
hæsta matarverð sem þekkist á
byggðu bóli. Hér eru verðtryggð
lán á verðbólgutímum og krónan er
afar óstöðug,“ segir Ingibjörg.
Helstu mistökin í hagstjórninni
að mati Ingibjargar var tímasetn-
ingin á skattalækkunum og þær
breytingar sem gerðar voru á
Íbúðalánasjóði sem hún segir að
hafi verið afar þensluhvetjandi.
Að hennar mati reyna íslensk
fyrirtæki að leita sér skjóls í
erlendum gjaldmiðlum til að losna
undan afleiðingum hagstjórnar
ríkisstjórnarinnar. „Íslenskur
almenningur og smáfyrirtæki
koma litlum vörnum við og þurfa
að búa við þetta ástand. Geir H.
Haarde á að líta sér nær og axla
ábyrgð í stað þess að gagnrýna þá
sem benda á hversu slæm hag-
stjórnin hefur verið. Hann getur
ekki komið sér undan ábyrgð með
því að nota Samfylkinguna sem
blóraböggul,“ segir Ingibjörg.
Hún segir að til þess að við-
halda jafnvægi á Íslandi í framtíð-
inni þurfi Íslendingar að ganga í
Evrópusambandið (ESB) sem er
skilyrði fyrir því að evran verði
tekin upp. Ingibjörg bendir hins
vegar á að til þess þurfi hagstjórn-
in að batna. „Eins og er þá getur
Ísland ekki orðið aðili að Mynt-
bandalagi Evrópusambandsins því
við uppfyllum ekki þau skilyrði
sem gerð eru til aðildarþjóðanna
vegna þeirrar stöðu sem er hér í
efnahagsmálum. Við þurfum að ná
niður verðbólgunni, draga úr
gengissveiflum og náum vöxtun-
um niður til þess að uppfylla þess-
ar kröfur. Þess vegna þurfum við
að byrja á að undirbúa inngöngu í
ESB núna því það mun taka tíma
að breyta þessum þáttum,“ segir
Ingbjörg, og bætir því við ef farið
verði út í allar þær stórfram-
kvæmdir sem fyrirhugaðar eru
hér á landi, til dæmis byggingu
álvers í Helguvík og stækkun
álversins í Straumsvík muni þetta
jafnvægi ekki nást því fram-
kvæmdirnar muni auka þenslu.
Ingibjörg segir að ef Íslending-
ar setji sér það skýra stefnumið að
verða aðili að Myntbandalaginu þá
muni það aga hagstjórnina og
veita stjórnvöldum aðhald.
Formaðurinn talar um að skapa
þurfi víðtæka sátt um það í samfé-
laginu að ná jafnvægi í hagstjórn-
ina og uppfylla skilyrði Mynt-
bandalagsins. „Það þurfa allir að
leggjast á árárnar til þetta mark-
mið náist: stjórnvöld, atvinnurek-
endur, verkalýðshreyfingin,
bændasamtök og öflug almanna-
samtök. Þetta var gert með þjóð-
arsáttinni í lok níunda áratugarins
sem kvað niður verðbólguna sem
var hér á landi. Hún stuðlaði að
jafnvægi í samfélaginu og það er
hægt að endurtaka leikinn.“
Segir hagstjórnina
hafa verið óábyrga
Formaður Samfylkingarinnar vísar gagnrýni Geirs H. Haarde til föðurhúsanna.
Segir fyrirtæki leita sér skjóls undan hagstjórn ríkisstjórnarinnar og krónunni.
Telur Ísland þurfa að ganga í Evrópusambandið til að stuðla að jafnvægi.
Íslenskur almenningur þarf að greiða
hæstu vexti af lánum á vesturhveli
jarðar, býr við hæsta matarverð sem þekkist á
byggðu bóli.“