Fréttablaðið - 30.01.2007, Page 14

Víða um heim búa börn við
neyðarástand án vitundar
flestra annarra jarðarbúa.
Því minna sem viðkomandi
svæði er í fréttum, því
erfiðara er að finna það fé
sem þarf til að koma þeim
til aðstoðar.
Barnahjálp Sameinuðu þjóðanna
þarf rúmlega 43 milljarða til að
aðstoða börn og konur á neyðar-
svæðum víða um heim. Þetta
kemur fram í nýrri skýrslu Barna-
hjálparinnar, Humanitarian Action
Report 2007, sem kynnt var í gær.
Neyðarsvæðin eru 33 talsins,
ýmist vel þekkt svæði eins og Darf-
ur og hins vegar lönd á borð við
Haítí, Eritreu og Mið-Afríku-lýð-
veldið, sem ekki er fjallað mikið
um í fjölmiðlum.
Náttúruhamfarir og átök taka
sinn toll af lífi barna og kvenna
víða um heim og í mörgum tilvik-
um vantar sárlega fjármagn til að
sinna brýnni neyðaraðstoð. Gert er
ráð fyrir að rúmlega fimmtungur
af umbeðnu fé til neyðaraðstoðar
verði varið til verkefna í Súdan,
þar á meðal til Darfur-héraðs.
Ótryggt ástand og átök ógna lífi
um fjögurra milljóna manna, þar
af 1,8 milljónum barna. Helmingur
af þeim tveimur milljónum sem
hafa þurft að flýja heimili sín í
Súdan eru börn. Nærri tveimur
þriðju fjárins verður varið til neyð-
araðstoðar í Afríku.
Skýrslan vekur athygli á svo-
kallaðri falinni neyð barna. Í Kól-
umbíu eru börn þvinguð af heimili
sínu með ofbeldi eða þau látin berj-
ast. Há tíðni HIV/alnæmis og við-
varandi fátækt veldur því að börn í
Sambíu búa við fátæklegustu
aðstæður í heimi. Fleiri börn í Chad
flýja nú til nágrannaríkja í leit að
betra lífi. Ofbeldi og átök á Haítí
veldur því að dánartíðni barna þar
er ein sú hæsta í Rómönsku Amer-
íku.
„Mörg neyðartilfellanna þar
sem UNICEF starfar eru gleymd
og grafin vegna þess að þau eru
ekki lengur talin neyð samkvæmt
skilningi almennings,“ sagði Dan
Toole, yfirmaður neyðaraðstoðar
UNICEF, þegar skýrslan var kynnt
í New York í dag. „Neyðinni er ekki
lokið þó svo umfjöllun fjölmiðla sé
lokið, hvort sem það er í Darfur
eða á Haítí. Eins lengi og börn búa
við neyðarástand, þá mun UNICEF
hjálpa.“
Á árinu 2006 aflaði UNICEF 513
milljónum dala (tölur frá 1. nóv.) til
neyðaraðstoðar á 53 svæðum.
Skyndileg og óvænt neyð nær að
fanga athygli almennings fremur
en sú neyð sem er viðvarandi eins
og greint er frá í skýrslunni. Því
fengu svæði sem búa við viðvar-
andi falið neyðarástand aðeins 37%
fjármagnsins. Allt í allt gat UNI-
CEF fjármagnað 49% af því sem
samtökin þurftu til neyðaraðstoðar
á árinu 2006.
Falin neyð barna víða um heim
15% handbolta-
afsláttur til 5. febrúar
Fataskápar fyrir fötin þín,
tilsniðnir eftir máli án aukakostnaðar.
www.innval.is
Hamraborg 1 Kópavogi s: 554 4011
Opið laugardag
Rýmingarsala