Fréttablaðið - 09.02.2007, Qupperneq 40

BLS. 6 | sirkus | 9. FEBRÚAR 2007
É g var mættur rétt fyrir klukkan þrjú á miðvikudag upp á Krókháls, nánar tiltekið í Saga
Film, framleiðanda sjónvarpsþátt-
anna X-faktor, til að fylgjast með
æfingu keppendanna tíu sem eftir
eru. Ég ætlaði að vera fluga á vegg og
skyggnast á bak við tjöld þáttanna.
Allir keppendurnir tíu fengu 20
mínútur hver til að æfa sitt atriði.
Alan Jones, sem þurfti að glíma við
systkinin í Já um hvort dytti út
síðastliðið föstudagskvöld, byrjaði
ballið og var ekki að sjá á honum að
sjálfstraustið hefði minnkað neitt
eftir síðasta þátt. Gamli Earth, Wind
and Fire-slagarinn September
hljómaði vel úr barka kappans. Og
hann fór hátt upp í viðlaginu. Einar
Bárðarson, þjálfari hans, kom sér
fyrir í leikstjórastólnum og gaf Alan
góð ráð á milli þess sem hann sendi
SMS-skilaboð, upptekinn maðurinn
sem hann er. „Yeah! Alan er kúl,“ sagði
Kristjana raddþjálfari eftir fjórða
rennsli og Alan kvaddi sáttur.
Gæsahúð og nostalgía
„Fer Siggi norður?“ spurði
Kristjana og átti þar við norðlenska
látúnsbarkann Sigga sem steig
næstur á svið. Siggi tók lagið Kyrie
með Mr. Mister og rúllaði því upp.
„Tæknilega wonderful,“ sagði
Kristjana og ekki var laust við að ég
fengi gæsahúð og netta nostalgíu
þegar Siggi kyrjaði „Kyrie Eleison,
down the road that I must travel“
eins og að drekka vatn.
Hún er ekki með jafnstór brjóst og
nei, hún er ekki ljóshærð en Inga seldi
mér alveg Dolly Parton-lagið „Just
when I needed most“. Ég trúði hverju
orði um að ég hefði yfirgefið hana
þegar hún þarfnaðist mín mest. „Þetta
var rosalega flott,“ sagði Idol-Heiða,
sem var mætt í bakraddirnar, og
smellti kossi á kinn Ingu eftir
flutninginn.
Út með magann
Færeyski hjartaknúsarinn Jógvan
steig næst á svið og var ekki í sínu
besta formi. „Ertu lasinn?“ spurði
Kristjana en Jógvan svarði um hæl:
„Nei, ég er bara svona lélegur
söngvari.“
Dancing in the Moonlight virkaði
ekki vel á Kristjönu sem vildi fá meira
frá sínum manni. „Byrja út með
magann og svo Daaaaancing,“ sagði
Kristjana um áherslur í viðlaginu en
ekki var að sjá að Jógvan skildi hvað
hún var að fara. Þór Freysson,
framleiðandi þáttanna, trúði mér
fyrir því að Færeyingar væru æstir í
að sjá þáttinn vegna Jógvans og því
ekki loku fyrir það skotið að
landvinningar íslenska X-faktorsins
séu á næsta leiti.
Eftir þetta kvöddu Einar Bárðar og
co. og héldu niður á Nordica þar sem
Einar bauð sínu fólki í mat af
sönnum höfðingsskap.
Þarf Páll Óskar orkudrykk?
Inn kom Páll Óskar og hóparnir
hans. „Þarf þessi maður á orkudrykk
að halda?“ hugsaði ég þegar Páll
Óskar skellti í sig einum orkudrykk
af tegundinni Cult. „Er hann ekki
nógu orkuríkur fyrir eða eru það
orkudrykkirnir sem knýja hann
áfram?“ hugsaði ég með mér og var
kominn inn í hálft lag hjá stelpunum
í Fjórfléttunni áður en ég vissi af.
Lagið Sway hljómaði vel í röddun
þeirra og ekki var verra cha-cha-cha
atriðið sem boðið verður upp á í
kvöld. Þokkafullt var það en ekki vel
æft. Vonandi var gærdagurinn vel
nýttur í dansatriðið. „Þið verðið að
koma með alla stælana,“ sagði Hera
Björk raddþjálfari en fyrir mér var
söngurinn fínn en eina spurningin er
dansinn sem getur orðið þeirra
helsta tromp eða versta martröð.
Þakið af stúdíóinu
„Vá, vá, vá. Þvílík rödd,“ hugsaði ég
þegar dúettinn GÍS, sem sam-
anstendur af Írisi og Guðnýju, hóf að
syngja lagið Alone með Heart.
„Getur þessi litla stúlka framkvæmt
þessi hljóð?,“ spurði ég sjálfan mig
þegar Guðný reif næstum því þakið
af stúdóinu í viðlaginu. „Till now I
always got by on my own. I never
really cared until I met you. And now
it chills me to the bone. How do I get
you alone,“ söng Guðný og ég fékk
gæsahúð með stóru G-i. Eina
vandamál stelpnanna var að Páll
Óskar vildi að þær dyttu dauðar í
gólfið í lok lagsins. „Þið gerið þetta
bara svona,“ sagði Palli og hrundi
með tilþrifum. Stelpurnar voru ekki
jafn vissar en féllu þó eftir nokkrar
tilraunir án þess að vera jafn
sannfærandi og þjálfarinn.
„Hvernig ætlið þið að koma inn á
sviðið?“ spurði framleiðandinn Þór
þegar Hveragerðissysturnar Rakel og
Hildur í Hara mættu til leiks. „Við
verðum í tröppunum algjörlega
geggjaðar,“ gall í Hildi og allir
viðstaddir hlógu. Það þarf ekki að
kenna þeim systrum neitt um fjör en
mesta athygli mína vakti Hera sem
keyrði son sinn á skrifborðsstól enda
á milli á meðan systurnar kyrjuðu
Queen-slagarann Don’t stop Me now.
Ég var ekki sannfærður en þær eru
skemmtilegar – það verður ekki
tekið af þeim.
Alltof flatt
Og út fór Palli og inn kom Ellý með
Gylfa. Það var ekki laust við að ég
vorkenndi honum því ekki barasta
var honum líkt við ungan og stóran
Dustin Hoffman heldur þurfti hann
að syngja Hollies-lagið The Air that I
breath með Ellý við annað eyrað.
„Það er óþægilegt að hafa þig við
eyrað á meðan ég er að syngja,“ sagði
Gylfi við Ellý í miðjum klíðum. „Þú
verður að gefa betur í. Þetta er alltof
flatt,“ gall í Ellý á móti. Gylfi gaf lítið í
og sagðist vera veikur. Hann uppskar
hina mögnuðu klisju um að það væri
engin afsökun og ekki spurt að því á
tónleikum. Ég held að Gylfi detti út
nema að unglingsstúlkur landsins
flykkist um þennan „sykursnúð“ eins
og Ellý kallar hann
Stjarna með attitjúd
Hún er lítil, pínulítil. Hún er yngst,
langyngst. En samt er Guðbjörg
stórkostleg. Hún átti svæðið um leið
og hún kom og stjórnaði öllu eins og
herforingi. Ellý átti varla roð í hana
og allt var gert eftir hennar höfði.
„Ég nenni ekki að syngja þetta aftur,“
sagði hún eftir þriðju keyrslu á
laginu Passenger sem Iggy Pop gerði
vinsælt hér í den. „Hún er bara með
attitjúd. Orðin stjarna strax,“
heyrðist í einum hljómsveitarmeðli-
manna og sennilega er það rétt. Hún
er orðin stjarna.
Jóhanna var síðust og þrátt fyrir að
hún væri með hálsbólgu átti hún
ekki í vandræðum með hið vinsæla
lag, Wonderful World, með James
Morrison. „Þetta er ógeðslega flott,“
sagði Ellý ánægð með sína stúlku.
Eftir fimm tíma setu var ballið
búið. Allir búnir að syngja og
spennan farin að magnast fyrir
kvöldið í kvöld. Hver dettur út? Ég
leyfi mér að tippa á Gylfa, eftir
bráðabana við Alan.
oskar@frettabladid.is
SIRKUS FYLGDIST MEÐ ÆFINGUM KEPPENDANNA TÍU Í X-FAKTOR
ÚTI AÐ BORÐA Einar Bárðarson bauð hópnum sínum út að borða á Vox á Nordica hóteli á miðvikudagskvöldið. SIRKUSMYND/VILHELM
Gæsahúð með stóru G-i