Fréttablaðið - 09.02.2007, Page 60

BLS. 14 | sirkus | 9. FEBRÚAR 2007
J á, ég get staðfest það að ég ætla að flytja til London,“ segir leik- og söngkonan Halla Vilhjálms-
dóttir, í samtali við Sirkus. Halla, sem
er kynnir í X-Faktor-þáttunum á Stöð
2, mun halda af landi brott um leið
og þáttunum lýkur og hyggur á
landvinninga á breskri grund.
„Ég er ævintýragjörn ung stelpa og
það væri hreinlega heimskulegt af mér
að nýta ekki þetta tækifæri sem mér
býðst,“ segir Halla en hún er ekki
ókunnug London. Þar dvaldi hún um
fjögurra ára skeið, 2001 til 2005, fyrst
í þriggja ára leiklistarnámi og síðan
við vinnu.
„Ég er með umboðsmann og
upptökustjóra og er gríðarlega
heppin að hafa náð í slíka menn. Það
fá fæstir umboðsmenn til að starfa
fyrir sig þarna úti þannig að
möguleikar mínir á að komast að
aukast verulega. Það er hins vegar
ekkert í hendi og ég býst við að þurfa
að berjast í bökkum fyrst um sinn og
harka,“ segir Halla og hlær.
Aðspurð sagðist Halla fyrst og
fremst ætla að einbeita sér að því að
syngja og leika en útilokaði ekki
áframhaldandi feril í sjónvarpi. „Ég
vann hjá BBC og ITV áður en ég kom
heim og það er ekki útilokað að ég
heyri í þeim aftur,“ segir Halla sem
ætlar þó ekki að loka neinum dyrum
á Íslandi. „Ég verð með annan fótinn
á Íslandi þótt ég flytji út. Möguleik-
arnir eru bara meiri ef ég er með
bækistöð úti.“
helgin
X-FAKTOR-KYNNIRINN HALLA VILHJÁLMSDÓTTIR SÖÐLAR UM:
ÆTLAR AÐ FREISTA
GÆFUNNAR Í LONDON
„Það er bara ekkert spennandi að gerast
um helgina. Um síðustu helgi fór ég á
árshátíð og í kveðjupartí svo ég held ég
taki því bara rólega núna. Ætli maður sitji
ekki bara uppi í sófa og lesi
skólabækurnar, svo ég horfi
fram á rólega og notalega
helgi. Eða það vona ég.“
Sigrún Bender, fyrrverandi
fegurðardrottning
„Ætli ég noti ekki helgina til
að tæma vinnuherbergi
svo hægt verði að koma
yngsta afsprenginu
fyrir í sínu eigin
herbergi. Þetta
hefur nú staðið til
í nokkra
mánuði en
hefur ekki
komist til
framkvæmda.
En nú verð ég
að kýla á
þetta, úr því
að þetta er
komið í
blöðin.“
Sigrún Elsa Smáradóttir
pólitíkus
„Ég verð örugglega bara að
læra um helgina og kíki
kannski á kaffihús. Ég er í
Menntaskólanum í
Hamrahlíð og það er svolítið mikið að
gera svo helgin verður örugglega bara
róleg.“
Anna Katrín Guðbrandsdóttir
söngkona
„Ég fer í partí á föstudagskvöldið en
svo er sýning á Sælueyjunni á
laugardagskvöldið. Á sunnudaginn
ætla ég að fá mér eitthvað gott að
borða og fara í göngutúr með
manninum mínum og slaka á
og njóta dagsins en
sunnudagar eru í
uppáhaldi hjá mér.“
Elma Lísa Gunnars-
dóttir leikkona
Hvað á að gera um helgina?
„Ég mæli eindregið með nuddi. Það er
þvílík heilun á líkama og sál og eitt það
fallegasta sem maður getur gert fyrir
fólk. Sjálf er ég alveg
nuddsjúk. Eins mæli ég
með tónlist Bobs Marley
sem mér finnst hafa
mikil heilunará-
hrif.“
Sessý
söng-
kona
„Ég mæli með leikritinu Elíf hamingja
sem sýnt er í Borgarleikhúsinu. Þetta er
millistéttardrama en er alveg spreng-
hlægilegt, kómískt og skemmtilegt og
leikararnir fara á kostum. Ég hló allavega
mikið og væri til í að fara aftur.“
Alexía Björg Jóhannesdóttir
leikkona
„Ég mæli með bókinni Spámanninum.
Þessi bók klikkar aldrei og ég glugga
reglulega í hana en ég hef átt hana
örugglega í tíu ár. Spámaðurinn er ein af
þessum bókum sem er alltaf hugljúf og
falleg og á alltaf vel við.“
Védís Hervör Árnadóttir
söngkona
„Ég mæli með
tónlistarkonunni
Elínu
Eyþórsdóttur.
Ég fór á
tónleika Pick
Nick þar sem
Elín hitaði upp
og varð alveg
heilluð af
þessari ungu
stelpu. Það er
hægt að kíkja á hana á myspace.com/
elineyj.“
Margrét Kristín
Sigurðardóttir söngkona
KOMIN MEÐ ENSKAN UMBOÐSMANN Halla Vilhjálmsdóttir segist ekki hafa getað sleppt tækifærinu fyrst hún fékk enskan umboðsmann.
LONDON KALLAR Halla ætlar að freista
gæfunnar í stórborginni.
Við mælum með
Útgáfufélag 365 prentmiðlar
Útgefandi Helgi Hermannsson, ábm.
Ritstjórn Óskar Hrafn Þorvaldsson
oskar@frettabladid.is,
Indíana Ása Hreinsdóttir, indiana@
frettabladid.is Útlitshönnun Kristín
Agnarsdóttir kristina@frettabladid.is,
Sirkusblaðið Skaftahlíð 24
105 Rvk, sími 550 5000
Sölustjóri Gréta Karen Grétarsdóttir
550 5864 gretakaren@frett.is
sirkus
Þ essi stelpa hefur mikið talent,“ segir Sigríður Beinteinsdóttir
söngkona um hina 16 ára Guðbjörgu
í X-Factor. Sigga hefur horft á þáttinn
með öðru auganu og segir að
Guðbjörg sé án efa á meðal bestu
keppendanna. „Hún á eftir að verða
enn betri, þessi stelpa er rétt að byrja.
Hún hefur greinilega sungið mikið, er
lagviss og músíkölsk og það er
greinilegt að hún hefur fengið flotta
guðsgjöf,“ segir Sigga og bætir við að
henni lítist einnig vel á systurnar frá
Hveragerði. „Þær eru þrusu hressar
og svo er færeyski strákurinn og Alan
mjög góðir líka. Ég held að Alan sé
líka bara rétt að byrja líkt og
Guðbjörg.“ Aðspurð hvort hún telji að
Guðbjörg standist álagið sem
þættinum fylgi segist Sigga trúa því.
„Keppninni fylgir töluvert álag en ég
trúi að Guðbjörg höndli það þótt hún
sé aðeins 16 ára.“
Siggu líst vel á þáttinn, segir
umgjörðina og sviðið glæsilegt. Hins
vegar sakni hún þess ekki að sitja í
dómarasætinu. „Það er margt líkt
með þessum þætti og Idol-inu en það
er margt ólíkt líka. Ég sakna ekki
dómarasætisins enda hafði ég gert
þetta í þrjú ár og fannst tími kominn
að breyta til. Hins vegar er ég ekkert
allt of sátt við þá sem tók við af mér.“
indiana@frettabladid.is
Guðbjörg er á meðal þeirra bestu
GUÐBJÖRG HILMARSDÓTTIR „Hún á eftir
að verða enn betri, þessi stelpa er rétt
að byrja. Hún hefur greinilega sungið
mikið, er lagviss og músíkölsk og það er
greinilegt að hún hefur fengið flotta
guðsgjöf,“ segir Sigga Beinteinsdóttir
um Guðbjörgu.
SIGGA BEINTEINS, SÖNGKONA
„Ég sakna ekki dómarasætisins enda
hafði ég gert þetta í þrjú ár og fannst
tími kominn að breyta til. Hins vegar er
ég ekkert allt of sátt við þá sem tók við
af mér.“