Fréttablaðið - 16.03.2007, Qupperneq 76

BORGARTÚN 3 - 105 REYKJAVÍK - SÍMI 411 3000 - MYNDSENDIR 411 3090
Auglýsing um nýjar
deiliskipulagsáætlanir
í Reykjavík
Í samræmi við 25. gr. skipulags- og byggingarlaga
nr. 73/1997, með síðari breytingum, eru hér með
auglýstar tillögur að nýjum deiliskipulagsáætlunum
í Reykjavík.
Hlíðarfótur í Vatnsmýri
Tillaga að deiliskipulagi fyrir svæði fyrir Háskólann
í Reykjavík við Hlíðarfót í Vatnsmýri sem nær
frá Nauthólsvík í suðri, Hótel Loftleiðum í
norðri og til austurs og vesturs að Öskjuhlíð og
flugvallarsvæði.
Markmið deiliskipulagsins er að vera leiðbeinandi
um uppbyggingu á landi ætluðu Háskólanum í
Reykjavík og tengdum byggingum. Brýnt er að
uppbygging taki mið af náttúru og umhverfi og
lögð er áhersla á að svæðið sé aðlaðandi og opið
gagnvart umhverfi og flétti saman útivistarsvæði
og aðliggjandi byggð.
Endanlegt skipulag skal endurspegla byggingarlist
og umhverfi og vera dæmi um metnaðarfulla og
framsækna uppbyggingu á einstökum stað í
miðborg Reykjavíkur. Um er að ræða lágreista
byggð og er nýtingarhlutfall allt að 1,0.
Nánar um tillöguna vísast til kynningargagna.
Njálsgötureitur 2
Tillaga að deiliskipulagi fyrir reit 1.190.2,
Njálsgötureit, sem afmarkast af Frakkastíg, Berg-
þórugötu, Vitastíg og Njálsgötu.
Tillagan gerir ráð fyrir að á reitnum verði áfram
íbúðarsvæði. Á hluta reitsins eru hús sem standa
við Njálsgötu, Frakkastíg 17 og 19 ásamt Vitastíg
18 og hefur Minjavernd lagt til að þau njóti
verndunar byggðamynsturs og svo syðri hluti
reits sem eru hús við Bergþórugötu sem eru
steinsteypt íbúðarhús.
Heimilt er að lagfæra og gera minniháttar
breytingar á húsum, s.s. setja svalir, kvisti og
skyggni án þess að koma þurfi til breytingar á
deiliskipulagi enda séu breytingar í samræmi við
ákvæði byggingarreglugerðar, þróunaráætlunar
miðborgar Reykjavíkur og meðfylgjandi greinar-
gerðar og skilmála
Nánar um tillöguna vísast til kynningargagna.
Tillögurnar liggja frammi í upplýsingaskála
skipulags- og byggingarsviðs Reykjavíkurborgar
að Borgartúni 3, 1. hæð, virka daga kl. 8:20 –
16:15, frá 16. mars 2007 til og með 30. apríl 2007.
Einnig má sjá tillögurnar á heimasíðu sviðsins,
www.skipbygg.is. Eru þeir sem telja sig eiga
hagsmuna að gæta hvattir til að kynna sér
tillögurnar. Ábendingum og athugasemdum við
tillögurnar skal skila skriflega eða á netfangið
skipulag@rvk.is, til skipulags- og byggingarsviðs
(merkt skipulagsfulltrúa) eigi síðar en 30. apríl
2007.
Þeir sem eigi gera athugasemdir innan tilskilins
frests, teljast samþykkja tillögurnar.
Reykjavík, 16. mars 2007
Skipulagsfulltrúi Reykjavíkur
Reykjavíkurborg
Skipulags- og byggingarsvið