Fréttablaðið - 30.03.2007, Síða 58

heimaerbest
1. Bjarnarstóllinn eftir Hans J.
Wegner frá árinu 1954. Wegner
lést í janúar síðastliðnum en hann
var áberandi í dönskum hús-
gagnaiðnaði í lifanda lífi. Á löng-
um ferli hannaði hann yfir fimm
hundruð mismunandi stóla.
2. Eggið eftir Arne Jacobsen
(1902–1971). Arkitektinn og hönn-
uðurinn er orðinn eins konar
hönnunargoðsögn en hann hann-
aði allt frá byggingum niður í
hnífapör af mikilli ástríðu. Stóla
hans þekkja margir og eru þeir
jafn eftirsóknarverðir og nútíma-
legir í dag eins og fyrst þegar
farið var að framleiða þá.
3. S-stóllinn eftir Verner Panton
sem hann hannaði árið 1956 en
var ekki settur á markað fyrr en
tíu árum síðar. Stóllinn er úr viði
og er til í mörgum litum en einn-
ig eru til nokkrar mismunandi
gerðir S-stólsins.
4. Veiðimannsstóll eftir Børge
Mogensen frá 1950 úr eik og
leðri. Børge Mogensen (1914–
1972) nam undir Kaare Klint og
átti gott samstarf við lærimeist-
ara sinn síðar á ævinni.
5. Höfðingjastóll úr smiðju Finn
Juhl frá árinu 1949. Juhl (1912–
1989) var fyrsti danski húsgagna-
hönnuðurinn sem náði alþjóðlegri
hylli. Hann var lærður arkitekt
en sjálflærður húsgagnahönnuð-
ur.
6. Mahóní-stóll eftir Ole
Wanscher (1903–1985). Wanscher
var klassískur í sinni hönnun og
hafði mikinn áhuga á enskum átj-
ándu aldar húsgögnum og göml-
um egypskum húsgögnum.
Danska leiðin
Danir eiga marga góða húsgagnahönnuði innan sinna
vébanda. Þar fer fremstur í flokki Arne Jacobsen sem allir
þekkja fyrir stóla á borð við Sjöuna, Svaninn og Eggið.
Aðrir fylgja þó fast á hæla honum eins og Hans J. Wegner,
Børge Mogensen, Verner Panton og fleiri góðir. Hér gefur að
líta nokkra góða stóla úr smiðju Dana.
1wegner
1
4
2
3
5 6
30. MARS 2007 FÖSTUDAGUR10