Fréttablaðið - 30.03.2007, Qupperneq 60

hús&heimili
„Við erum afar ánægð hérna og ég gæti hugs-
að mér að búa hér sem lengst,“ segir Hanna
Hlíf Bjarnadóttir listakona á Akureyri en hún
og fjölskylda hennar fluttu inn í fallegt gam-
alt hús við Reynivelli fyrir tæpum tveimur
árum. Hanna og eiginmaður hennar, Þórarinn
Blöndal, féllu fyrir húsinu en lítið hefur verið
átt við upprunalegt útlit þess. „Við erum
smám saman að gera húsið upp en okkur
liggur ekkert á. Við viljum gera það sem við
getum sjálf og gerum þetta bara eftir hend-
inni,“ segir Hanna. Húsnæðið við Reynivelli
ber þess glögglega merki að þar búi listafólk.
Innan um listaverk sem Hanna og Þórarinn
hafa sankað að sér er að finna verk eftir þau
sjálf. Altaristaflan á veggnum var meðal ann-
ars útskriftarverkefni Hönnu en upphaflega
altaristaflan er frá sextándu öld. „Flest hús-
gögnin okkar eru frá því við byrjuðum að búa
saman enda er ég ekki mikið fyrir að skipta
út. Mér þykir vænt um hlutina mína og í raun-
inni er alveg sama hvar maður er ef hlutirnir
manns eru í kringum mann. Það eru þeir sem
skapa heimilið.“ Hanna rekur Gallerý Box í
samvinnu við þrjár aðrar konur sem stofn-
uðu gallerýið á meðan þær voru enn í skóla.
„Grundvallarhugmyndin var sú að fá unga
listamenn til að sýna hjá okkur. Við höfum
fengið góðan meðbyr svo þetta hefur verið
afar skemmtilegt.“ indiana@frettabladid.is
Hlutirnir skapa heimilið
Listakonan Hanna Hlíf Bjarnadóttir býr á Reynivöllum á Akureyri ásamt fjölskyldu sinni. Lítið hefur verið átt við
upprunalegt útlit hússins og hjónin eru smám saman að gera það upp en samkvæmt Hönnu liggur þeim ekkert á.
Heimasætan æfir sig á gamla píanóinu.
„Mér þykir vænt um hlutina mína og í rauninni er
alveg sama hvar maður er ef hlutirnir manns eru í
kringum mann. Það eru þeir sem skapa heimilið.“
Flest húsgögnin í stofunni eru frá því að Hanna og Þórarinn byrjuðu að búa saman. FRÉTTABLAÐIÐ/HEIÐA.IS
Eldhúsið er í upprunalegri mynd. Á veggnum sést
hornið af altaristöflunni sem var útskriftarverkefni
Hönnu Hlífar.
Hanna Hlíf og Marsibil dóttir hennar láta fara vel
um sig í stofunni.
30. MARS 2007 FÖSTUDAGUR12