Fréttablaðið - 05.04.2007, Side 40

5. APRÍL 2007 FIMMTUDAGUR2 fréttablaðið x-factor
Úrslitin í X-Factor ráðast
á morgun þegar stúlkna-
dúettinn Hara og hinn fær-
eyski Jógvan berjast um fyrstu
X-Factor tignina. Spennan
meðal lærimeistaranna er
engu síðri en þar keppir sjálfur
Einar Bárðarson við Pál Óskar
Hjálmtýsson.
Stemningin á áttundu hæð Nordica
hótels var spennuþrungin. Blaða-
mannafundur fyrir úrslitakvöld-
ið fram undan og eftirvæntingin í
hámarki. En það var ekki að sjá að
þetta væri fyrsti blaðamannafund-
ur þeirra Höru-stúlkna. Þær léku
við hvurn sinn fingur, sögðust ætla
að gefa út DVD-disk og töldu rétt-
ast fyrir Lárusdæturnar víðfrægu
að vara sig. „Við eigum sko líka
trompet og þriðju systurina sem
er trompið á hendinni.“
Jógvan hélt sig meira til hlés, lét
læriföður sinn, Einar Bárðarson,
að mestu leyti um að svara fyrir
sig en grínaðist þó með látbragði
að ef hann þyrfti að lúta í lægra
haldi fyrir stúlkunum myndi hann
láta hnefana tala.
X-Factor þátturinn tók við af
Idol-stjörnuleit á Stöð 2. Og sigur-
vegarar þeirrar keppni hafa verið
misáberandi í tónlistarlífi landans
og margir orðið skyndifrægðinni
að bráð. Hvorki Hara né Jógvan
voru þó hrædd um að nafn þeirra
yrði gleymt og grafið eftir hálft ár
en gerðu sér hins vegar grein fyrir
því að þau þyrftu að leggja á sig
mikla vinnu. „Vonandi ekki, við
ætlum að reyna að gera allt til að
vera ótrúlega áberandi og meira
heldur en ykkur langar. Við reyn-
um bara að vinna vel og það er
bara undir okkur komið. Það er ör-
ugglega mjög auðvelt að tapa þess-
ari athygli eins hratt og hún kom,“
segir Rakel í Hara og systir henn-
ar Hildur kinkar kolli henni til
samþykkis. Svar Jógvans var hins
vegar og stutt og laggott: „Nei, ég
er ekki hræddur.“
DIPLÓMATÍSKUR DÓMARI
Talið barst fljótlega að Færeyj-
um en eins og kom fram í fjölmiðl-
um verður keppnin send beint til
Færeyja þótt Færeyingum gef-
ist ekki kostur á að greiða sínum
manni atkvæði. Þótt Jógvan vilji
lítið gera úr eigin frægð í heima-
landi sínu stóðst lærimeistari
hans, Einar Bárðarson, ekki mátið
og skopaðist með það að búið væri
að gera mót að styttu af Jógvan.
Stemningin í Hveragerði er hins
vegar engu síðri en þar steig dú-
ettinn Hara sín fyrstu spor. „Það
er mikil stemning þarna og allir
rosalega spenntir. Þetta er eigin-
lega orðið þannig að þegar maður
fer út í Bónus þá hlaupa krakkarn-
ir á eftir manni,“ segir Rakel. „Og
þú átt bara að láta þau halda á pok-
unum fyrir þig,“ skýtur Einar inn
í og uppsker mikinn hlátur við-
staddra. Það liggur augljóslega
vel á fólki þótt spennan fari ekki
framhjá neinum. Enda upplýsir
Páll Óskar að hann hafi eingöngu
sofið í þrjá tíma nóttina áður en
skjólstæðingar hans hafi ekki fest
blund.
Þegar talið berst að sigurvissu
dómaranna fyrir þáttinn bregð-
ur Páll á það ráð að vera diplóm-
atískur í svörum og telur að það
eigi eftir verða mjótt á mununum.
Seinna á fundinum gleymir Páll
sér þó eitt andartak og telur nokk-
uð öruggt að stúlkurnar sínar frá
Hveragerði sigri. „Það er reyndar
svo mikil væntumþykja hjá okkur
báðum í garð þeirra beggja. Og mig
grunar að kjósendur heima í stofu
séu sama sinnis,“ segir Páll og þorir
ekki að spá fyrir um hver eigi eftir
að fara með sigur af hólmi. „Ég held
að þetta eigi eftir að velta á 88 at-
kvæðum eins og hjá Hafnfirðingun-
um.“ Einar var þó ögn kokhraustari
og sagðist ekki vera eins mikill jafn-
aðarmaður og keppinauturinn. „Við
ætlum okkur að vinna þessa keppni
og höfum undirbúið okkur fyrir það
síðan í október,“ lýsir Einar yfir en
hvorugur þeirra var þó reiðubú-
inn til að leggja nokkuð undir. „Og
þeir sem þekkja ríginn á Suðurlandi
vita að Selfyssingar tapa ekki fyrir
Hvergerðingum,“ bætir hann við og
uppsker mikinn hlátur. „Og hvað þá
þegar menn eru Færeyingar.“
ANDLEGUR UNDIRBÚNINGUR
MIKILVÆGUR
Keppendurnir upplýsa að mikil
vinna liggi að baki hverri frammi-
stöðu og það eitt hafi komið þeim
hvað mest á óvart. „Ég hefði bara
aldrei trúað því hvað þetta væri
mikið fyrirtæki en þetta hefur líka
verið frábær skóli. Að ógleymdu
öllu þessu fólki sem við höfum
kynnst á þessum mánuðum,“ segir
Rakel. Og Einar tekur undir þessu
orð og bætir því við að það séu ekki
bara sönghæfileikar sem komi
fólki svona langt. „Það er mik-
ill hraði og athygli sem þau hafa
þurft að takast á við. Og þeir sem
eru hvað best andlega undirbúnir
undir þetta skila sér hvað lengst.
Það er ekki á hvers manns færi að
standa í þessum sporum í keppni
sem yfir þúsund manns skráðu
sig í. Og keppnin er í raun bara
upphafið að ævintýrinu.“ Og Páll
Óskar tekur við keflinu af Einari
og segist vera ákaflega stoltur af
sínum stúlkum og telur þær hafa
höndlað þetta álag ótrúlega vel.
„Það er ekki bara álagið sem er í
þáttunum heldur líka álagið heima
fyrir. Þær eru báðar mæður, eiga
unga krakka en hafa mætt mikl-
um skilningi bæði hjá þættinum
og heima hjá sér.
En eftir þessi alvarlegu ræðu-
höld kennaranna eru keppendurnir
gripnir einhverjum galsa. Jógvan
bendir á að þrátt fyrir að hann hafi
í allri keppninni verið hluti af eldri
hópnum sé hann ekki aldursfor-
setinn í úrslitaþættinum. „Nei, því
eftir að Inga Sæland datt út var ég
allt í einu orðin elst,“ segir Rakel
og skellir upp úr. „Og mér fannst
það hræðilegt,“ bætir hún við og
hlær. - fgg
Hveragerði og Selfoss keppa
Hersingin Páll Óskar, Hara, Jógvan, Einar Bárðarson og Ellý verða öll í Vetrargarðinum á föstudaginn þegar sigurvegari X-Factor verður krýndur.
Hildur Ætlar ekki að verða skyndifrægðinni að bráð
heldur leggja mikið á sig til að viðhalda þessari athygli.
Jógvan Lærimeistari hans taldi nokkuð öruggt að það
væri þegar búið að taka mót af honum fyrir styttu.
Rakel Fannst eiginlega verst þegar Inga Sæland datt úr
keppni því þá var hún orðin elst.
Þeir félagar Óskar Páll Sveinsson
og Stefán Hilmarsson voru fengnir
til að semja lagið sem báðir kepp-
endur flytja annað kvöld í Vetr-
argarðinum. Lagið heitir Hvern
einasta dag og að sögn Óskars
varð það til í Kjósinni þar sem
hann býr. „Þessi hugmynd
kom upp fyrir tveimur mán-
uðum, að gera lag sem báðir
aðilar myndu syngja í þættin-
um,“ segir Óskar Páll. „Ég
samdi fyrst grunn og
bar hann undir Stef-
án sem leist mjög vel
á þetta og við þróuð-
um það í sameiningu,“
útskýrir Óskar sem
segir Hvern einasta
dag vera létt popplag
sem allir ættu að geta sungið.
„Svo lengi sem þeir hafa þennan
X-Factor,“ bætir Óskar við.
Keppendurnir Hara og Jógvan
eru búin að taka upp lagið
og segir Óskar að þau
hafi komið sér alveg
ótrúlega á óvart. „Það
var eins og þetta væru
miklir reynsluboltar
og ég er ótrúlega
ánægður með útkom-
una hjá þeim,“ segir
Óskar.
Þegar Frétta-
blaðið náði tali af
Stefáni Hilmarssyni var hann
á leiðinni í sólina yfir páskana.
Hann sagði textann fjalla um lífs-
ins söng sem allir syngja en hver
með sínu nefi. Hann hafði hins
vegar ekki heyrt útkomuna hjá
keppendum. „En bíð bara spennt-
ur eftir því að heyra þetta þegar
ég kem heim.“
Syngja um lífsins söng
Óskar Páll Samdi lagið Hvern einasta
dag, í Kjósinni þar sem hann býr.
Stefán Hilmarsson
Hefur verið einn
fremsti textahöfund-
ur þjóðarinnar um
árabil.