Fréttablaðið - 05.04.2007, Side 80

KR-ingar hafa unnið
alla þrjá leiki sína í úrslitakeppni
Iceland Express-deildar karla í
ár þar sem tap hefur þýtt að liðið
væri komið í sumarfrí.
KR-ingar hafa leikið við hvern
sinn fingur í þessum þremur mik-
ilvægum leikjum og unnið þá með
15,3 stigum að meðaltali. Tölfræð-
in mælir með að KR-liðið sé uppi
að vegg í öllum leikjum því nánast
allir leikmenn liðsins spila miklu
betur en þegar liðið „má“ tapa.
KR-ingar tryggðu sér oddaleik
gegn Snæfelli með því að vinna
24 stiga sigur í Hólminum en það
er stærsta tap Snæfells í Stykkis-
hólmi í úrslitakeppninni síðan 21.
mars 1999.
KR-liðið átti frábæran dag,
undir mikilli pressu, setti niður 58
prósent skota sinna, vann fráköst-
in í fyrsta sinn í einvíginu (38-37)
og gaf alls 31 stoðsendingu gegn
einni bestu vörn landsins.
KR-liðið skorar 13,2 stigum
meira í leik, hittir 9,2 prósentum
betur úr skotum sínum og tekur
4 prósentum fleiri fráköst í leikj-
unum þar sem liðið hefur verið í
hættu að detta út úr úrslitakeppn-
inni í ár.
Pálmi Freyr Sigurgeirsson
hækkar framlagið sitt mest, eða
um 11,6 stig. Hann skorar 10,5
stigum meira, hittir 32,5 prósent-
um betur úr skotum sínum og
35,7 prósentum betur úr vítunum
þegar KR berst fyrir lífi sínu í úr-
slitakeppninni.
Tyson Patterson bætir sig næst-
mest, eða um 11,3 stig. Hann skor-
ar 6,9 fleiri stig, gefur 3,3 fleiri
stoðsendingar, hittir 24,5 prósent-
um betur úr skotum sínum og 28,8
prósent betur úr vítunum.
Darri Hilmarsson bætir sig um
9,5 framlagssstig en hann hefur
hitt úr 78,9 prósentum skota sinna
og skorað 13 stig að meðaltali í
leik þegar KR-liðið hefur verið í
hættu að detta út úr úrslitakeppn-
inni.
Stóru strákarnir Fannar Ólafs-
son (+7,3 framlagsstig) og Jerem-
iah Sola (+6,3) bæta sig líka báðir
og þá sérstaklega í skotnýtingu.
Saman nýta þeir 55 prósent skota
sinna í leikjum sem hafa ekki
mátt tapast en hafa sett aðeins 30
prósent skota sinna niður í hinum
leikjunum.
Þessi tölfræði ætti að boða gott
fyrir leik KR-inga í kvöld en þeir
fá Snæfell í heimsókn klukkan
19.15 í DHL-Höllina.
KR-liðið spilar betur þegar allt er undir
musicI
Sony Ericsson W880i
Örþunnur Walkman tónlistarsími
Frábær 2 megapixla myndavél • Léttur og fjölhæfur
MP3 tónlistarspilari með tónlistargreini
Handfrjáls búnaður fylgir
Verð 39.980 kr.
Verð áður 49.900 kr.
Þú færð símann í vefversluninni á siminn.is
eða á næsta sölustað Símans.
Tilboðin gilda til 15. apríl
MDS-60 ferðahátalarar
Verð 3.980 kr.
Verð áður 4.980 kr.
®
Haukar unnu Keflavík
87-78, í fyrsta leiknum í lokaúrslit-
um Iceland Express-deild kvenna
í miklum baráttuleik á Ásvöllum í
gær. Haukaliðið vann fráköstin 18-
5 í lokaleikhlutanum og var miklu
grimmari eftir að hafa haft frum-
kvæðið allan leikinn. Slæm hittni
Keflavíkurliðsins sá til þess að
liðið gat aldrei ógnað Haukaliðinu
af einhverri alvöru. Það munaði
líka mikið um 14 stig og 6 fráköst
frá Unnu Töru Jónsdóttur í lokal-
eikhlutanum en hún er aðeins 18
ára gömul.
„Það var rosalega mikilvægt að
vinna þennan leik því það hefði
verið mjög erfitt að fara með tap í
Keflavík,“ sagði Ágúst Björgvins-
son „Það var rosalega góð liðs-
heild hjá okkur og margir leik-
menn voru að spila vel í dag en
ég tel að við eigum ennþá mikið
inni. Það eru fjórir leikmenn að
skora nálægt 20 stigum. Ég held
að það hafi blásið á þær raddir
að við værum ekki með breidd,“
sagði Ágúst og bætti við: „Það var
greinilega dagskipunin hjá þeim
að keyra upp hraðann en ég tel
það henta okkur ágætlega. Wat-
son var frábær í fyrri hálfleik og
var að gera okkur lífið leitt en á
móti er hún rosalega mikið með
boltann. Við erum að fara á erfið-
an útivöll í Keflavík og vitum að
við þurfum að eiga okkar besta
leik til þess að vinna þar,“ sagði
Ágúst að lokum.
Keflavíkurliðið skoraði aðeins
fimm körfur í seinni hálfleik og
24 af 34 stigum sínum í síðustu
tveimur leikhlutanum af vítalín-
unni en frábær vítanýting hélt lið-
inu inn í leiknum því aðeins 18%
skota liðsins fóru rétta leið í seinni
hálfleik.
„Þær vildu þetta meira en við.
Fyrstu þrjá leikhlutana var þetta
í járnum en svo í fjórða leikhluta
skiptir öllu hvort liðið vill þetta
meira. Þetta er mjög áþekk lið og
Haukarnir voru viljugri í seinasta
leikhlutanum og það var það sem
skilaði þeim þessum sigri,“ sagði
Jón Halldór Eðvaldsson, þjálfari
Keflavíkur, eftir leik.
„Við erum ekki að spila illa en
skotin duttu bara ekki. Við hitt-
um ekki úr einu einasta þriggja
stiga skoti og gefum okkur það að
við hefðum hitt úr þremur, sem er
eðlileg nýting, þá hefði þetta verið
jafn leikur. Ég er ánægðastur með
hversu margar voru að taka meiri
ábyrgð og skila til liðsins,“ bætti
Jón Halldór við. „Þetta er bara einn
leikur og þær mæta brjálaðar til
leiks á laugardaginn en við gerum
það líka og ég get lofað því að við
hittum úr þriggja stiga skoti þá,“
sagði Jón Halldór að lokum.
Haukarnir grimmari undir lokin