Fréttablaðið - 05.04.2007, Page 54

BLS. 12 | sirkus | 5. APRÍL 2007
MEÐ
KÆRUSTUNNI
Simon og
fyrirsætan
Terri Seymour
hafa verið á
föstu í sjö ár.
S
imon Cowell fæddist í
Brighton á Englandi
hinn 7. október 1959
og er því 48 ára. Simon
ólst upp í Hertford-
shire þar sem faðir
hans, Eric, sem er látinn, starfaði í
fasteigna- og tónlistarbransanum,
mamma hans, Julie, var hins vegar
áberandi á senu breska félagslífsins.
Simon á þrjá hálfbræður og eina
hálfsystur og einn yngri albróður.
Flest systkini hans hafa náð langt í
lífinu og eru tvö þeirra milljarðamær-
ingar þótt ekkert af þeim slái Simon
út.
Áhuginn á bransanum vaknar
Simon flosnaði úr námi aðeins 17 ára
og fór að vinna fyrir sér. Ekkert gekk
og var hann rekinn úr hverju starfinu
af fætur öðru. Að endingu reddaði
faðir hans honum sendlastarfi hjá
EMI tónlistarrisanum en Simon sýndi
lítinn áhuga og ákvað fljótlega að sá
bransi ætti ekki við sig. Lítið gekk í
atvinnuleitinni svo Simon leitaði aftur
til föður síns sem notaði sambönd sín
og Simon fékk starf sem aðstoðar-
maður tónlistarframleiðanda hjá EMI.
Þarna vaknaði áhuginn og Simon
ákvað að hætta hjá fyrirtækinu og
stofna sitt eigið fyrirtæki, E&S Music,
sem fór á hausinn á innan við ári. Árið
1980 hélt Simon enn einu sinni til EMI
þar sem hann kynntist mönnum sem
trúðu á háleitar hugmyndir hans.
Saman yfirgáfu þeir fyrirtækið og
stofnuðu útgáfufyrirtækið Fanfare
Records. Seinna lét Simon hafa eftir
sér að það sem hann lærði á þeim
tíma hefði hann aldrei lært hjá stóru
fyrirtæki eins og EMI.
Hafnaði Spice Girls
Þrátt fyrir gott start fór Fanfare
Records á hausinn. Simon, sem
þarna var þrítugur, stóð illa fjárhags-
lega eftir ævintýrið og flutti heim til
mömmu og pabba. Síðar um árið
reyndi hann enn einu fyrir sér og
boltinn fór fljótlega að rúlla með
samningum við listamenn eins og
Curiosity Killed the Cat, Sonia, 5ive
og Westlife. Þrátt fyrir að hafa
augljóst nef fyrir hæfileikum gerði
Simon þó nokkur reginmistök líkt og
að senda stelpubandið Spice Girls frá
sér og ákveða að aðalsöngvari Take
That væri of feitur til að bandið gæti
slegið í gegn. Árið 2002 þróaðist
fyrirtækið Syco Records sem var í
eigu Simons yfir í Columbia Records
og Sony BMG Music Entertainment
þar sem Simon starfar sem forstjóri.
Simon sló umsvifalaust í gegn þegar
hann var valinn einn af dómurum
hins breska raunveruleikaþátts Pop
Idols. Þegar þátturinn var ameríkan-
íseraður með Simon innanborðs varð
hann að heimsþekktri stjörnu og
einn mest umtalaði sjónvarpsmaður
allra tíma. Grimm hreinskilni og
hnyttin svör eru hans aðalsmerki svo
áhorfendur elska að hata hann.
Íslendingar hitta Simon
Simon hlaut verðlaun eftir fyrstu
syrpuna af American Idol með góðri
launahækkun og fór þannig fram úr
meðdómurum sínum þegar kemur
að launum. Þór Freysson, fram-
leiðslustjóri X-Factors á Íslandi, fór
til London ásamt Heimi Jónassyni og
Friðriki Friðrikssyni hjá Saga Film til
að fylgjast með breska þættinum og
hittu þeir félagar goðið. „Við fórum út
að kíkja á breska sjóvið áður en við
störtuðum þessu hérna heima og
hittum Simon í tengslum við það.
Hann virkaði afar viðkunnanlegur
náungi og sýndi því sem við vorum
að gera mikinn áhuga,“ segir Freyr og
bætir við að Simon sé líklega stærsti
sjónvarpsmaður samtímans og sá
hæstlaunaði. „Við hittum hann í
svona korter og hann hafði eins og
aðrir sem við töluðum við mikinn
áhuga á að koma til Íslands en engan
tíma til þess.“ Freyr segist hafa heyrt
sögur af prímadonnustælum Simons
og er ekki frá því að þær séu sannar.
„Hann var eini maðurinn sem reykti í
stúdíóinu en það er bannað að reykja
í öllum stúdíóum í öllum heiminum.
Hann tók hins vegar upp pakkann og
reykti við dómaraborðið í auglýsinga-
hléum,“ segir Freyr og bætir við að
augljóst hafi verið að Simon hafi
verið vinsælli en hinir dómararnir til
samans. „Áhorfendur fengu að spyrja
dómarana spurninga í hléum og af
þeim 10 til 15 manns sem fengu að
spyrja beindu allir spurningu sinni til
hans. Hinir fengu engar.“
Talar umbúðalaust
Heimir Jónasson hjá Icelandair og
fyrrverandi forstöðumaður Stöðvar
2 segir Simon hafa virkað vingjarn-
legur og kurteis. „Hann er alveg í 180
gráður í hina áttina miðað við það
sem hann er í sjónvarpinu,“ segir
Heimir og bætir við að Simon hafi
verið ofsalega blíður og kurteis
maður og í raun ekta Breti. „Kannski
var hann svona almennilegur þar
sem hann var að taka á móti okkur
sem viðskiptavinum en viðmót hans
var hlýlegt,“ segir Heimir sem tekur
þó undir orð Þórs að um svakalega
stórstjörnu sé að ræða. „Röðin fyrir
framan búningsherbergið hans var
mjög löng og það vildu allir hitta
hann og tala við hann. Ég held að
hann sé ekkert vondur karl, hann
vill vera hreinskilinn og talar
umbúðalaust og segir hluti sem við
hin hugsum aðeins.“ Heimir
viðurkennir þó að örlað hafi á
stjörnustælum og tekur undir
reykingasöguna með Þór. „Hann er
náttúrlega langflottastur og á þetta
prógram skuldlaust og má því reykja
þarna þótt aðrir megi það ekki.“
Hæfileiki Simons til að spotta út
stjörnur hefur gert hann að einum
ríkasta sjónvarpsmanni allra tíma.
Það hafa allir skoðanir á Simon sem
hefur fyrir vikið setið ofarlega á
listum yfir kynþokkafyllstu karlmenn
heims. Simon er þó frátekinn en
hann og kærastan, breska fyrirsætan,
leikkonan og sjónvarpskonan Terri
Seymour, hafa verið saman síðan árið
2000. Með því að sameina raunveru-
leikaþætti og tónlist er Simon best
launaða breska stjarnan og 23. ríkasti
Bretinn. Auður hans er metinn á um
60 milljónir breskra punda.
indiana@frettabladid.is
SIMON COWELL ER EINN UMDEILDASTI SJÓNVARPSMAÐUR ALLRA
TÍMA. ÁHORFENDUR ELSKA AÐ HATA ÞENNAN TUNGULIPRA DÓMARA SEM
SEGIST EINFALDLEGA SEGJA ÞAÐ SEM AÐRIR HUGSA. SIRKUS DRÓ UPP
NÆRMYND AF ÞESSUM HÆFILEIKARÍKA MANNI.
STÓRSTJARNA
Í GÓÐRA MANNA HÓPI Heimir og Þór eru sammála um að Simon hafi verið viðkunnan-
legur. Á myndinni er einnig Friðrik Friðriksson hjá Saga Film.
AMERICAN IDOL Þátturinn hefur gert Simon að alþjóðlegri stórstjörnu og einni
umdeildustu sjónvarpspersónu allra tíma.
SIMON COWELL
Simon sló í gegn eftir
að hafa verið valinn
einn af dómurum
raunveruleikaþáttar-
ins Pop Idol.
með prímadonnustæla
nærmynd
sirkus