Fréttablaðið - 21.05.2007, Blaðsíða 4

Ísraelski herinn
hélt uppi hörðum árásum á liðs-
menn samtakanna Hamas og
Íslamska Jihad á Gaza-strönd í
gær. Liðsmönnum samtakanna
tókst engu að síður að skjóta að
minnsta kosti tólf flugskeytum
yfir landamærin til Ísraels.
Ísraelsk stjórnvöld segja þessi
tvenn samtök bera alla ábyrgð á
harðnandi átökum á Gaza-svæðinu
síðustu daga. Ísraelar segjast ætla
að halda áfram árásum sínum á Pal-
estínumenn, og herða þær ef flug-
skeytaárásum frá Gaza linnir ekki.
Þrír menn fórust þegar Ísraelar
skutu sprengju á bifreið í Gaza-
borg. Að minnsta kosti einn þeirra
var liðsmaður Hamas. Ísraels-
menn sögðust einnig hafa gert
loftárás á vopnaverksmiðju
norðan til á Gaza-strönd, en eig-
andi húsnæðisins sagði að raf-
tækjaverslun sín hefði orðið fyrir
árás og sagði það hljóta að hafa
verið mistök.
Árásir Ísraela hafa hins vegar
orðið til þess að draga úr innbyrðis
átökum Palestínumanna. Hamas
og Fatah hafa gert með sér vopna-
hlé og grímuklæddir liðsmenn
beggja samtakanna hafa ekki
verið eins áberandi á götum úti.
„Enginn myndi styðja innbyrðis
átök meðan Ísraelar eru að
sprengja á Gaza,“ sagði Fawzi
Barhoum, talsmaður Hamas.
Íbúar, sem höfðu haldið sig
heima við meðan verstu átökin
stóðu yfir á síðustu dögum, hættu
sér út í verslanir til að birgja sig
upp. Börn voru látin fara í skólann
til að taka lokapróf og fullorðnir
sneru aftur til vinnu.
Meira en fimmtíu manns hafa
farist í innbyrðis átökum Palest-
ínumanna í Gazaborg undanfarna
daga. Átökin hófust eftir að
Mahmoud Abbas, forseti Palest-
ínustjórnar, sendi þúsundir vopn-
aðra manna, hliðholla Fatah, út á
götur borgarinnar án samráðs við
Hamas, samstarfsflokk Fatah í
Palestínustjórn.
Þá hefur staða Ehuds Olmerts,
forsætisráðherra Ísraels, versnað
enn. Hart var sótt að honum að
segja af sér nýverið vegna gagn-
rýni á Líbanonstríðið síðastliðið
sumar, en nú hótar Avigdor
Lieberman hermálaráðherra því
að draga sig út úr stjórnarsam-
starfinu ásamt litlum flokki
sínum ef ekki verður farið út í
harðar aðgerðir gegn Hamas.
„Annaðhvort verða Hamas-
samtökin leyst upp, eða ríkis-
stjórnin verður leyst upp,“ sagði
Lieberman.
Ísraelsher herðir
enn árásir á Gaza
Þrír Palestínumenn létu lífið í bifreið á Gaza-strönd eftir loftárás frá Ísraelsher.
Palestínumenn héldu áfram að skjóta flugskeytum yfir til Ísraels frá Gaza-
strönd. Innbyrðis átök Palestínumanna minnka.
„Það er mjög varhugavert að áfellast leiðsögu-
manninn í máli eins og þessu. Ég veit það að leiðsögu-
maðurinn varaði fólkið við hættunni. Fólk ber svo
ábyrgð á sjálfu sér. Það er ekki auðvelt að ferðast um
landið okkar og því fögnum við öllum merkingum sem
gætu orðið til að leiðbeina fólki,“ segir Ragnheiður
Björnsdóttir, formaður Félags leiðsögumanna.
Bandarísk kona fórst í gær þegar brimskafl dró hana
út á haf úr fjörunni vestan við Reynisfjall við Vík í
Mýrdal. Engin viðvörunarskilti eru á svæðinu en
formaður björgunarsveitarinnar Víkverja hefur greint
frá því að búið hafi verið að taka ákvörðun um að þar
yrðu bæði sett skilti og björgunarkútar á næstunni. Því
miður hafi málið ekki verið komið lengra á veg en svo.
Stefán Helgi Valsson, leiðsögumaður og ritstjóri
fréttabréfs leiðsögumanna, segir slík varnaðarorð
skila sér misjafnlega vel til fólks. „Ég hef margsinnis
farið með hópa í fjöruna. Alltaf vara ég þá við sjónum
en undantekningarlaust kemur einhver í hópnum
blautur inn. Það má samt vel bæta merkingar um
landið, þá sérstaklega við helstu ferðamannastaðina
en í þessu máli er ekki hægt að áfellast neinn,“ segir
Stefán.
Mikil ófærð var á
hálendisvegum um helgina.
Hellisheiði eystri hefur verið ófær
síðan á föstudag. Að sögn Vega-
gerðarinnar verður heiðin skoðuð í
dag. Allur akstur á hálendisvegum
er bannaður vegna hættu á
aurbleytu og vegaskemmdum.
Aðrir helstu vegir landsins eru
greiðfærir og inn í Þórsmörk er
fært, Uxahryggir eru færir ásamt
Dettifossvegi og Hólssandi. Á
Austurlandi er mikið um að hrein-
dýr séu við vegi og eru vegfarend-
ur beðnir um að aka með gát.
Bílar og vélsleðar frá Húsafelli
upp á Langjökul og frá Sólheima-
heiði upp á Mýrdalsjökul.
Hellisheiði
skoðuð í dag
Rúmenar felldu með
yfirgnæfandi meirihluta í
þjóðaratkvæðagreiðslu á
laugardag tillögu um að Trajan
Basescu forseti yrði kærður til
embættismissis.
Þjóðþing landsins vék forsetan-
um úr embætti í síðasta mánuði
og sakaði hann um að hafa
misnotað völd sín. Forsetinn
neitar þeim ásökunum og
samkvæmt stjórnarskrá var
ákæra til embættismissis borin
undir þjóðaratkvæði.
Þegar meira en níutíu prósent
atkvæða höfðu verið talin höfðu
nærri 75 prósent hafnað
ákærunni, en þátttaka í kosning-
unum var 44 prósent.
Þjóðin hafnar
kæru á forseta
Árrisulir Kaup-
mannahafnarbúar gátu séð Litlu
hafmeyjuna í nokkuð óvenjuleg-
um búningi í gærmorgun. Í skjóli
nætur hafði hún verið klædd í föt
að íslömskum sið með höfuðklút.
Strax og lögreglan fékk veður
af þessu brá hún skjótt við og
sendi menn á staðinn sem
fjarlægðu fötin í snarhasti.
Styttan af Litlu hafmeyjunni
hefur orðið fyrir ýmiss konar
afskiptasemi, meðal annars
hefur hún fjórum sinnum verið
afhausuð og alloft útötuð
málningu.
Fyrir fjórum árum var hún
klædd í búrku, kufl strangtrú-
aðra múslíma sem hylur allan
líkamann.
Litla hafmeyjan
með höfuðklút
Björn Bjarnason
dómsmálaráðherra og Árni
Johnsen, nýkjörinn þingmaður
Sjálfstæðisflokks, féllu báðir
niður um eitt sæti á listum
Sjálfstæðisflokksins vegna
útstrikana.
Þetta var niðurstaða landskjör-
stjórnar, sem skilaði í gær
niðurstöðum vegna kosninganna
12. maí.
Samkvæmt upplýsingum frá
landskjörstjórn féll Árni úr öðru
sæti á lista Sjálfstæðisflokks í
Suðurkjördæmi í það þriðja
vegna útstrikana og Björn féll úr
öðru sætinu í það þriðja á lista
Sjálfstæðisflokks í Reykjavíkur-
kjördæmi suður af sömu ástæðu.
Landskjörstjórn kom saman í
gær og úthlutaði þingsætum.
Jafnframt gaf kjörstjórnin út
kjörbréf til frambjóðenda sem
náðu kjöri, auk fyrstu vara-
manna allra þingmanna.
Björn og Árni
einu sæti neðar